Popular Bible Verses from Jakob 4

Share

Süla nie khapie Ukepenuopfü tsülie. Terhuokesuou mese chülie, sitse puo ta nie therütatuo.

Nieko Ukepenuopfü penuo volie, sitse puo rei nie penuo vorlietuo. Nie dzie chü kemesalie, nie kephoumako, mu nie nou chü kemesalie, nie nou kenieko.

Niepuu mhodzünu nie chü kerünuolie, sitse puo nie chü kerükrieshütuo.

Derei puo ngukemezhie kha pekrashüya; süla süu dze, “Ukepenuopfü kemiakokezhamia mese chüya, derei ngukemezhie pie kokemoko tsüya.”

Süla mia puoe chü kezhüu si zorei chü moro puo phoumata zo.

Nie chakesie ki süu ngulieya mo, kekreilamonyü nie nei nie nyü chü di cha zhü kemoko chakezha la nie cha rei ngulieya mo.

Harie, pieümiako! Kijü hau ze khrietho kechüe Ukepenuopfü ngumvü zo ükecü nieko si mo me? Süla kehoupuorei kijü hau ze khrietho chü ro puo Ukepenuopfü ngumvümia zo.

Sirei nieko sodu kedipuo vortie shicü si mo. Nie kelhou ha kicüpuo mu? Nieko mha kekhu zopuoki par di ngu mo latayakezha kemhie kro puo zo.