Popular Bible Verses from Jakob 3

Share

Derei peso geinu kevor mhasiu we therieu mesa, süsie kezekevi, u zho kevi, kediezelie kerüü, mia ngumezhie sekecü mu mhatho kevi kra phicü, u nei si krei kemo, morei kethera kemo.

Nie donu supuonie mhasi mu mhalekelie ba ga? Puo bu puo kelhou zho kevi, siro puo mhathomhachü kevi, süu mhasi geinu kepar üse pekieshülie.

Siro kezeviyakezhako kezevi di kemiatho siu leishüya.

Mia ngu u ro tsiu kengukemvü kebara, kebvükecü mu mha kesuo neiü bayacü la.

We süu se Niepuu mu u Puou thezieya tsiu we süu se Ukepenuopfü rhi nunu chükelie themia rei rüsetaya. Tie puo nunu japie mia ketsü mu mia rüsekecü rei parya. A kezeko, hau hi zhü mo zo.

Tsiu umeüe mi puo zo. U gei zatho kekreikecüko donu khakeshü u meüe kephouma kijü zo; süu umo pete chü perhuwaya, sidi u kelhou zho theshüya, mu süue mizie miü nu thewaya.

derei miapuorei umeü ha kekhalie mo, süue bajülieya kemo mha kesuo puo, mia reikhriwalie kevipfü therei thuo tshu zo.

A siezedzürieko, nie mia kekra kepetha chüta hie, we mia kepetha chüyakezhako kekreimia ki rei u ketso menuokuoketuo nie si ba zocü la.