Psalms 91
91
1Kinaliqaa Godmun kingiktumungaugumi amirijaujumapluni najuinarluni Ajuqhaittum haniani.
2Uqangniaqtuq Atanirmun, “Amiqhigijagin uqqutariplutillu, Godigigapkin ukpirijagin.”
3Ataniq amiqhiniaqtuq ilingnik qajangnaqtunin, naunaqtunin, aaniarutinillu tuqunaqtulingnin.
4Godim ulingniaqtaatin iharumigun, munaringmatin annautjauhungujutin. Aulajuinami amiriniaqtaatin munariplutin.
5Iqhiurunaiqtutin nangiarnaqtunin unnuktillugu hugjuktauguvillunin qaumaqtillugu.
6Aanniarutinin pinahuarlutik taaktillu ihuittumilluunniin tuqutijumaplutik qauhimatillugu.
7Inuit 1,000ngujun ulruniaqqata haangni, 10,000luunniin hivungni, ilvit kihimi aanniqtitaujunaitkaluaqtutin.
8Ilvilli qun'ngiarlutin takuniaqtatin huinniqijun anullaktittugit.
9Ilvit Ataniq kingitqijaujuq amiqhigijarni ilaa,
10Ajuqharniit pijunaiqtatin tuqquffinaqtumigluunniin iglungni pijunaitkaluaqtutin.
11Godim iharulini pitquniaqtain piplutin amiriquplutin namullikiaq piguvin;
12Tapkua tigumarniaqtaatin algamigun aanniqqunatin ujarangmun.
13Ilvit laiat, nimiriallu tutiniaqtatin, laiat ilaa iqhinaqpiaqhutik, nimiriallu tuqunnaqtulgit.
14God uqaqtuq, “Annautiniaqtatka tapkua quviaguguminnga, amirilugit kitkulliqaa ilihimajaannga.
15Tapkua tukhiarvigivakuminnga kiuniaqtatka, ajuqhaliraikpata ilaginiaritka annautilugit nakuugiplugillu.
16Aahiin akiliuhiaqhungujun uvamnin inuukhaquplugit annautjaulutiglu huli.”
Currently Selected:
Psalms 91: AQ
Highlight
Share
Copy
Want to have your highlights saved across all your devices? Sign up or sign in
