Psalms 90
90
1Ataniq, inikharniinginaraluaqtutin.
2Manilrut hanajautinnagit, nunaliuqqaatinatillu Godiuvaktutin hivuniqaravilu nungulaittumun.
3Pitquijutin inungnik tapkua utiquplugit pivikhamingnun. Inuit nunamin qaitauhimagamik nunanguqtitauhungujun tuquplutik.
4Ukiut amihut 1000ngurlutik ilingnun upluqtun atauhiqtutun ittun, ukiut amihuugaluit nunguinaqpaktun ippakhaqtun aatjikutariplugu ikaarniq atauhiq naittuni unnuaq.
5Ilipkun inuit tammaqhimaaliqpaktun nunguinnaqhutik hiniktutun. Tapkua iviktun ilijun, uplaami nauliqpaktun.
6Nauvalialiqhutik upluraaluk uplailrumi paniqhiivallaaqhutik tuquinaqtuugaluit.
7Ningagaiguvin God pihiqtujugut, iqhiuqpakhuta mamiahuutigiguptigut.
8Huinniqutivut hivuningni ilijatin, kiglukuarnivut ijiqhimajut takunanngittut.
9Inuunivullu naititaujun ningautigiguptigut taimaaqhutik ihivjuktut.
10Ilaa ukiuqangniarunaqhijugut 70nik, 80nigluunniin hakuingitkupta. Kihimi ukiut amihun tunijaugumik uvaptingnun tatatpaktun tapkua ihumaalungnirmik ajuqharnirmillu. Inuunivut ilaa qilamik nungunmata tammaqpaktugut.
11Kina ilihimava ningauhiqpit hakugingninganik? Kina ilihimava inuin iqhitjutainik aktigijumik ningaumanirmigut?
12Ilihautitigun inuuniptingnik naittigijumik uvagut ihumattuqpalliaqupluta.
13Qanuqtun hivitigijumik Ataniq ningainnaqpin uvaptingnun? Kivgatin nagligikkit.
14Uplaaq tamaan ilumiqtittigut quviakkutingnik atuinaqupluta quviattaglutalu inuuhiptingni.
15Tunihivigigaptigut uqumaittumik ajuqhaqtiluta, tatja tunitigut quvianaqtumik aktigijumik atjikkutaanik.
16Kivgatit tautuinarlit havaarnik arlingnaqtunik kingullivullu tautukpatjavun havangniaqtarnik alianaqtunik.
17Ataniq Godikput nakuuqqutin uvaptingniihimalit naammaqupluta humilaqaaq pigaigupta.
Currently Selected:
Psalms 90: AQ
Highlight
Share
Copy
Want to have your highlights saved across all your devices? Sign up or sign in
