Popular Bible Verses from Psalms 91

Share

Uqangniaqtuq Atanirmun, “Amiqhigijagin uqqutariplutillu, Godigigapkin ukpirijagin.”

Kinaliqaa Godmun kingiktumungaugumi amirijaujumapluni najuinarluni Ajuqhaittum haniani.

Tapkua tukhiarvigivakuminnga kiuniaqtatka, ajuqhaliraikpata ilaginiaritka annautilugit nakuugiplugillu.

Godim iharulini pitquniaqtain piplutin amiriquplutin namullikiaq piguvin

Godim ulingniaqtaatin iharumigun, munaringmatin annautjauhungujutin. Aulajuinami amiriniaqtaatin munariplutin.

Ilvit Ataniq kingitqijaujuq amiqhigijarni ilaa, Ajuqharniit pijunaiqtatin tuqquffinaqtumigluunniin iglungni pijunaitkaluaqtutin.

Ataniq amiqhiniaqtuq ilingnik qajangnaqtunin, naunaqtunin, aaniarutinillu tuqunaqtulingnin.

Inuit 1,000ngujun ulruniaqqata haangni, 10,000luunniin hivungni, ilvit kihimi aanniqtitaujunaitkaluaqtutin.

Iqhiurunaiqtutin nangiarnaqtunin unnuktillugu hugjuktauguvillunin qaumaqtillugu. Aanniarutinin pinahuarlutik taaktillu ihuittumilluunniin tuqutijumaplutik qauhimatillugu.