Psalms 94
94
1Ataniq Godiujutin ihuaqhijiugavin ninngauhiin takupkaruk.
2Uktuqtiugavillu inungnun tamainnun, makittin akihaqturlugit anangaijaqtun pijakhainnik.
3Qanuq hivititijigumik huinniqijun quviahuinangniaqqat? Qanuq hivitutigijumik?
4Qanuq hivitutigijumik huinniqitujun havaatik ihuittun quviahuutiginiaqpatigit anangaijaqhutik?
5Tapkua aktuqpagain inuktin, Ataniq atanniqtuqhugit nanminirijatin.
6Tuqutiriplutik uilgahungnik, iliarjungniglu inuktariplugit tujurmiat nunaqaqhimajut nunaptingni.
7Uqaqhutik, “Atan'ngum tautunnginamitigut, Israelmiun Godingat ilitaqhijuinman.”
8Inutka, qanuq ihumaiqpakpihi? Qakugu iliharniaqpihi?
9God hiutiptingnik hanavagami tuhaalimaitpa? Hanahimajuq ijiptingnik, tautulimaitpa?
10Ataniugami nunaqatigiingnun anullautilimaiqtain? Ilihautjiugami inungnun, ilihimangitpa?
11Inuin ihumangit Atan'ngum ilihimajain, inuit ihumakhaliurmata hilatuittumik, God qaujimajuq.
12Ataniq inuk ilihautjaugumi ilingnin quviahuktuq; ilvit ilihautigungni pitquhirnik.
13Ikajuqtiqaquplugu ajuqharnirmin, huinniqijun iluviqtitauniarutainnun.
14Atan'ngum inungni qimagunaiqtain qimaktailiplugit nanminirijain.
15Aahiin uuktuqhimaviani ilumuurniq qatqakhimaniarmijuq inuillu tamarmik naammaginiaqtaat.
16Kina ikajuqatauvakpa akiraripkin huinniqijun ikajuqhunga akirariiktillunga ihuiqtirijunun?
17Ilaa Atan'ngum ikajunngitpanga qilaminnuaq aullarniaqtunga nipaittum nunanun, tuqumun.
18Qukuarama, “Ulrujunga” Atanirli quviakutivin aulajutum tiguvaktaanga.
19Uvanga ihumaalugaiguma naluplunga, quviahuktitarma anuaqhuqtuquplunga.
20Ilvillu, Ataniq hugijungnaiqtatin uktuqpaluktut pitquhiliuqpangmata ihuittumik.
21Ihumakhaliuqpakhutik ihuittumik inugiktunun, ihuigiplugillu qanuriliujuitun inuit tuqutitauquplugit.
22Atan'ngum amirijaraluangma, Godiga munaqhijuq uvamnik.
23Taffuma inuit nakuuunngittun nangiqtinniaqtain huinniqivangmata, piijarlugit ihuittumik pivangmata; ilaa Atanipta Godipta pijaangniaqtait tamaita.
Currently Selected:
Psalms 94: AQ
Highlight
Share
Copy
Want to have your highlights saved across all your devices? Sign up or sign in
