E'yo Eceza 21

’Bu o’diru nyaku o’diru be

1 # Isa 65:17; 66:22; 2 Pet 3:13; Eceza 20:11 Ma ndre ’bu o’diru nyaku o’dire be; a’disiku ’bu okori pi nyaku okori be aga ’bo, yi mirini dika yo. 2#Isa 52:1; 61:10; Eceza 3:12; 19:17; Ebra 11:10Ma ndre vini aku alatararu, Yerusalemu o’diruri, erini esiria ’buarisi va engazu Mungu vu, edezaru ngonde ekile amuruouni i osule onyiafasi agupi ini dririle; 3#Eze 37:27; Lev 26:11-12; Zek 2:10; Isa 8:8ma eri o’duko amboruni efuria oguna vu ’yozu kini, Mi ne, pari Munguni ovuzuri ovu ’ba be, eri nga ovu yi be tualu, yi nga ovu ’ba erini, Mungu ngulupini nga ovu yi be, nga ovu Mungu yini; 4#Isa 25:8; 33:10; 35:10; 65:19; Eceza 7:17; Yer 31:16eri nga mindre ini yi ma miliasi dria, dra ngani ovu dika ku, awu wuza pi lulu gaza pie, rua suza pie, ngani ovu dika ku; e’yo Oko ’diyi aga ’bo. 5#Eceza 4:2; 5:1; 2 Kor 5:17; Zab 47:8Eri’i ripi oguna driari ’yo ra, Mi ne, ma afa dria ’ba o’diru. Eri ’yo ra, Mi si, a’disiku e’yo ’diyi yi e’yo ’yole asi adasi azini adaru ’diyi. 6#Isa 55:1; Eceza 1:8; 22:17; Zek 14:8Eri ’yo ma tia, Yi ’ye yi ’bo! Ma Alifa’i azini Omega’i, ’di e’dozani azini asizani, Ma nga yi a’di yi idrinirini fe toko avasi ’ba ovupi yi avijo beri dri. 7#2 Sam 7:14; Zab 89:27-28; Eceza 2:7’Ba agapiri nga afa ’diyi isu i ma afaru, ma nga ovu Mungu erini, eri nga ovu mva mani. 8#Eceza 22:15; 20:14; Ebra 10:38, 39Te ’ba uriouru ’diyi pi, ’ba a’ipi ku ’diyi pie, ’ba afa ngule onziri ’yepi ’diyi pie, ’ba ’ba ’dipi ’diyi pie, ’ba ali o’bapi ’diyi pie, ’ba oleru ’diyi pie, ’ba wura toko inzipi ’diyi pie, ’ba dria inzo jipi ’diyi pie, pari yini nga ovu aci mirile vepi aci pisi baruti beri ma alia; ’diri dra iriri’i.

Yerusalemu o’diruri

9 # Lev 26:21; Eceza 15:1 Malaika aziri ovupi okele azuri inzata aziri vile asizu ’diyini gazu yi ma alia tre ’diyi be ’diyi ma azi alu nga emu e’yo ’yo ma be kini, Mi emu ’dole, ma nga mi dri amuruou, oku Kabilomvaniri ece. 10#Eze 40:2; Isa 52:1Eri nga ma ’du Orindi alia, ji oni amboru azini izuru ma dria, nga ma dri aku alatararu Yerusalemuni ece, erini esiria ’buarisi va engazu Mungu vu, 11#Isa 58:8; 60:1, 2, 19eri diza Munguni be, diza erini ovu ekile oni aje nyapi agapi turi ma dizale, ekile oni jasipe ovupi alaru glasilerile. 12#Eze 48:30-35Eri abi kaliru be amboru azini izuru, kali nde ma tile yi mudri drini iri, kalitile ’diyi ma alia malaika mudri drini iri indi; si ru kalitile ’diyi ma dria ci, ’diyi anzi Israelini ma suru mudri drini iri ’diyini; 13woke etuni efurialeruria kalitile na, woko andraleruria kalitile na, woke uruleruria kalitile na, woke etuni ’derialeruria kalitile na. 14Abi kaliru aku ageiari ovu ndu be mudri drini iri, si ru mudri drini iri yi ma ruaa ci, ’ba mudri drini iri Kabilomvani ti opele ’diyini. 15#Eze 40:3, 5’Ba e’yo nzepi ma beri ovu ozu i afa o’bizu edele melesiri be aku pi o’bizu, kalitileni ’diyi pie, abini pie. 16#Eze 43:16; 48:16, 17Aku nde ma kalati su dria trotro, oconi ovu trotro walani be; eri nga aku o’bi ozusi, isu eri ekile mailo alifu alu turi towile; oconi pie;walani pie, izuni ururi pie ovu dria trotro. 17Eri nga abini o’bi ra, isu eri wuale turu alu drini kali su drini su, ’bani adrile o’bile wualesirile, te malaika o’bini. 18#Isa 54:11-12Si abi rua asipesi, te aku nde ovu mele alaru ekile oni talatala alarurile. 19#Isa 54:11, 12Ede abi kaliru aku ageiari ma ndu ndrizaru oni ndu ndu dria aje nyapi tu ’diyisi; abi ndu okori jasipeni, iriri eri safirani, nari eri kalakedoni, suri eri emerodeni, 20towiri eri sara donukisini, aziari eri sadiusini, aziriri eri kurusolitoni, arori beruleni, oromiri eri topazeni, mudriri eri kurusoparasoni, mudri drini aluri eri huakintoni, mudri drini iriri eri ametusitoni. 21Kalitile mudri drini iri yi nyoro ndrizaru aje nyapi tu mudri drini iri ’diyi, kalitile alu alu vusi nyoro alu alu, geri amboru aku eselesiri eri mele alaru, ekile oni talatala dizarurile.

22Ma ndreni hekalu aku nde ma alia ku, a’disiku Opi Mungu Okpo E’i pi Kabilomva be yi ovu hekalu erini. 23#Isa 24:23; 60:19-20Aku nde leni etu pi mba be dizu eri ma alia ku, a’disiku diza Mungunini dile eri ma alianirisi, Kabilomva ovu tala eriniruni. 24#Isa 60:3, 5; Zab 89:27Suru yi nga aci diza erini ma alia; opi nyakua ’diyi nga diza yini inzitaruri eji alenia, 25#Isa 60:11; Eceza 22:5; Zek 14:7yi ngani kalitile erini opi etusi aluni ku-inini ovule ’dale yorisi; 26yi nga diza suruni pi eji ofi alenia inzita yini be. 27#Isa 52:1; Eze 44:9; Dan 12:1Te afa dria alatara kokoru ’diyi pi ngani fi alenia aluni ku, ’ba afa ngule onziri ’yepi ’diyi pie, ’ba inzo lipi ’diyi pie, te kiri ’ba runi sile Kabilomva ma buku idriniri ma alia ’diyi nga fini.

Currently Selected:

E'yo Eceza 21: LB66

Highlight

Copy