E'yo Eceza 22

1 # Eze 47:1; Zek 14:8 Eri ece ma dri yi ara idrini, mile be alatararu glasile, efupi oguna Mungu pini ma alia Kabilomva beria, 2#E’do 2:9; Eze 47:12; Eceza 21:21rapi geri amboru erini ma eselia agaduari; yi ara ma tia ’aa’dosi azini ’aa’dasi pati idrini indi, efi ’yapi suruti ndu ndu mudri drini iri, efi kapi mba vusi mba vusiri; pati nde ma bi ovu aroni suru ma azo atizu. 3#Zek 14:11Otrita ngani ovu dika ’de: ku, te oguna Mungu pini Kabilomva beri nga ovu alenia; ati’ba erini yi nga azi nga eri inzizu, 4#Mat 5:8; Eceza 3:12yi nga mile erini ndre, eri ma runi nga ovu yi ma andretia. 5#Isa 60:19; Dan 7:18, 27; Eceza 21:25Ini ngani ovu dika ku; yi leni diza talani kani diza etuni ku, a’disiku Opi Munguni ngale diza fele yi drinirisi; yi nga opi nya ’dani ’dani.

Ace were Yesuni nga emvi ra

6 # Eceza 1:1; 1 Kor 14:32 Eri ’yo ma tia, E’yo ’diyi yi e’yo ’yole asi adasi, azini adaru ’diyi. Opi, Mungu nabi ma orindiniri, epe malaika erini ma ti e’yo ngapi yi ’yepi mbele ’diyi ecezu ati’ba erini ma tia.

7 # Eceza 3:11; 1:3 Mi ne, ma emu mbele.

’Ba e’yo ondriza buku ’diri ma aliari ta mbapiri eri drilebaru.

8 # Eceza 19:10 Ma’i, Yohana, ma ’ba e’yo ’diyi eripiri azini ndrepiri. Mani eriria, mani ndreria, ma eco ma va malaika e’yo ’diyi ecepi ma driri ma palaa eri inzizu; 9te eri ’yo ma tia, Mi ’ye ’dini ku! Ma ovu ati’boni mile trotro azini adripi mini nabiru ’diyile, azini ’ba e’yo buku ’diri ma aliari ta mbapi ’diyile. Mi inzi Mungu’i.

10 # Eceza 10:4; 1:3; Dan 8:26; 12:4 Eri ’yo ma tia, Mi ’ba eceta e’yo ondriza buku ’diri ma alia ’diyi ma dria tini ecizu ci ku, a’disiku ewuniri myia. 11#Dan 12:10’Ba e’yo ezapiri ma eza nga ini ’dani, ’ba ovupi onzikanyaruri ma ovu nga ini onzikanyaru ’dani, ’ba ovupi kililiruri ma ’ye nga ini kililiru ’dani, ’ba ovupi alatararuri ma ovu nga ini alatararu ’dani.

12 # Isa 40:10; 62:11; Zab 28:4; 62:12; Yer 17:10; Eceza 3:11; Rum 2:6 Mi ne, ma emu mbele, panga mani ovu ma be, mani ngazu ani ’ba dria alu alu ofezu azi yinini ovulerile. 13#Eceza 1:8, 17; 2:8; Isa 44:6; 48:12; Ebra 13:8Ma Alifa’i azini Omega’i, okori azini vileri, e’dozani azini asizani,

14 # E’do 2:9; 3:22; 49:11 ’Ba afa suza yini ojipi ’diyi yi drilebaru, ’dini yi ma eco ani muzu pati idriniri vu, ma fi ani kalitilesi aku nde ma alia. 15#Eceza 21:8, 27; 1 Kor 6:9, 10Amveleru oce yi indi, ’ba oleru pie, ’ba ali o’bapi ’diyi pie, ’ba ’ba ’dipi ’diyi pie, ’ba wura toko inzipi ’diyi pie, ’ba dria inzo lepi azini lipi ’diyi pie.

16 # Isa 11:1, 2, 10; 5:5; Isa 11:1, 10; Luk 1:78; Eceza 1:1, 2; 5:5 Ma Yesu’i, ma pe malaika mani ma ti e’yo ’diyi ma eti nzezu emi tia kanisa dri. Ma ovu oja Daudini azini ori erini, ’bi’bio leleuru dipi angu trasiri’i.

17 # Isa 55:1; Eceza 21:6; Zek 14:8; Rum 8:23; Yoh 7:37 Orindi pi amuruou be yi ’yo ra, Emi emu. ’Ba e’yo eripiri ma ’yo indi, Emi emu. ’Ba ovupi yi avijosiri ma emu; ’ba lepiri ma mvu yi idriniri tokoru.

18 # Azi 4:2; 12:32; 29:20; Eceza 15:1, 6 Ma e’yo eti nze ’ba dria e’yo ondriza buku ’diri ma aliari eripi ’diyi ma tia, kini: ’Ba azini ka e’yo azini o’ba e’yo ’diyi ma dria, Munguni nga inzata ovupi sizaru buku ’diri ma alia ’diyi o’ba eri ma dria; 19#E’do 2:9; 3:22’ba azini ka e’yo sile buku e’yo ondriza ’dirini ma alia ’diyi ma azi nze, Munguni nga pari erini nze pati idrini pi vusi aku alatararuri be ra, yini e’yoni sile buku ’diri ma alia’diyi.

20’Ba e’yo ’diyi ma eti nzepiri ’yo ’dini, Adada, ma emu mbele. Amena, Mi emu fo, Opi Yesu!

21’Yeta anzutiri Opi Yesuni ma ovu ’ba alatararu be dria. Amena.

Currently Selected:

E'yo Eceza 22: LB66

Highlight

Copy