E'yo Eceza 20

Eli alifu alu

1 # 2 Pet 2:4; Yud 1:6 Ma ndre malaikani esiria ’buarisi va, eri ovu fungua ’bile asikokoruniri be, azini anziriku amboru ovu eri dria. 2#E’do 3:1; Zek 3:1; Eceza 9:1; 12:9Eri bi uri nderi, uri oku drio ovupi ’Ba asu Supiri azini Satani’iri, nga eri ombe eli alifu alu, 3#2 Tes 2:9, 10eri ’bezu ’bile asikokoruri ma alia, nga tini eci ci, nga oderi ’ba drinia ecetaru, eri kazu suru icizu dika ku de nga eli alifu alu ’diyi deni yi ku, te ’di ma vutia eri ma ovu truzaru ewu weresi.

4 # Dan 7:9, 22, 27; Luk 22:30; 1 Kor 6:2 Ma ndre oguna opini, ’ba ori yi ma dria, fe yi dri e’yo lizu. Ma ndre vini ’ba yini drini olile Yesu ma e’yo eti nzezasi azini e’yo Mungunisi ’diyi ma orindi, azini ’ba nguru pi inzipi wura erini be ku, eceta nderi a’ipi yi andretia azini yi dri agelea ku ’diyi. Yi nga enga idriru, yi nga opi nya Kristo be eli alifu alu. 5#1 Kor 15:23; 1 Tes 4:16Te ’ba draza azini acepi ’diyi engani idriru ku de nga eli alifu alu ’diyi deni yi ku. ’Di engata okori’i. 6#Isa 61:6; Eceza 5:10’Ba pari isupi engata okori ma aliari eri drilebaru azini alatararu! Dra iriri ovuni okpo be ’ba nde ’diyi elozu ku, te yi nga ovu atalau edeta edepi Mungu pini Kristo be ’diyini, yi nga opi nya eri be eli alifu alu.

7Eli alifu alu ka yi de ra yi nga Satanini tru arujo iniasi, 8#Eze 7:2; 38:2, 9, 15eri nga efu suru ovupi wudrikuru ma kala su ’diyia ’diyi icizu, ’di Gogi pi Magogi be, yi okuzu tualu a’di ’dizu; kalafe yini ovu ekile cinya miriarile, 9#Hab 1:6; 2 Opi 1:10; Eze 38:22; 39:6Yi etu angu wudrikuru ma eselesi, nga aku okporu ’ba alatararu ’diyini ma agei ace kuru, aku lele turi be; te aci nga ibi e’de ’buarisi va, nya yi teketeke, 10#E’do 19:24; Eceza 19:20te yi nga ’Ba asu Supi yi icipiri ’be ad mirile vepi barutisi, pari nguru pini ovuzu nabi inzoru beri ma alia, nga yi ecandi etusi inisi ’dani ’dani.

E’yo ’bani lizu oguna ambo emveruri ma driliari

11 # Mat 25:31-46; Dan 2:35 Te ma ndre oguna emveru amboru, ’ba ripi driniari be; nyaku pi apa eri ma milia ’bu be ra, isuni pari yi dri dika ku, 12#Dan 7:10; Eceza 3:5; Fil 4:3; Rum 2:6Ma ndre ’ba draza, ’ba ’wara piyi ’ba nyiri be, yini pa soria oguna opini ma drilia; buku yi ovu zizaru. Yi nga buku azini alu zi indi, ’di buku idriniri’i. Yi nga ’ba odraza ’diyi ma e’yo li e’yo yini ovupi sizaru buku ’diyi ma aliarile, ’yeta yini vusi. 13#Yoh 5:28, 29Miri ofu ’ba draza ovupi eri ma alia ’diyi, Dra pi Pari ’ba drazaniri be ofu vini ’ba draza yi ma alia ’diyi indi; yi li ’ba dria alu alu ma e’yo ’yeta yini vusi. 14#1 Kor 15:26, 55Yi nga di Dra pi o’be Pari ’ba drazaniri be ad mirileri ma alia. ’Di dra iriri, aci mirileri’i; 15#Dan 12:1; Mat 25:41ka ’ba azini isu ovupi ru sikokoru buku idriniri ma aliari, yi nga eri ’be aci mirileri ma alia.

Currently Selected:

E'yo Eceza 20: LB66

Highlight

Copy