E'yo Eceza 19

Inzita ’ba ongulumuru ’bua ’diyini Mungu inzizuri

1 # Zab 104:35; Eceza 11:15 E’yo ’diyi ma vutia ma eri o’duko ekile o’duko amboru ’ba ongulumuru kakau ’bua ’diyinirile, ’yozu kini, Haleluya! Pata pi, diza pie, okpo pie oro Mungu amanirini,

2 # Azi 32:43; 2 Opi 9:7; Zab 19:9; 119:137; Eceza 16:7; 6:10 a’disiku e’yo liza erini oro adaru azini kililiru; eri li oku awuouru ali o’bapi tu nyaku ezapi ali o’baza erinisiri ma e’yo ’bo, azini eri ofe ari ati’ba ini ’diyini ma arioti eri dria.

3 # Isa 34:10; 104:35 Yi nga ’yo pale iri, Haleluya! Acika erini tu uru ’dani ’dani.

4 # Eceza 5:14; Isa 6:1; Zab 47:8; 106:48 ’Ba ’wara kali iri drini su ’diyi pi eco yi va Mungu ripi oguga driari inzizu, anyapa idriru su ’diyi be, kini, Amena. Haleluya! 5#Zab 115:13; 22:23; 134:1; 135:1O’duko nga di efu oguga vu, kini,

Emi inzi Mungu amani, emi ati’ba erini dria, emi ’ba eri rupi ’diyi, ’ba nyiri ’ba ’wara pie dria.

6 # Eze 1:24; 43:2; Zab 93:1; 97:1; 99:1; Dan 10:6; Eceza 11:15 Ma eri ekile o’duko ’ba ongulumuru kakau ’diyinirile, azini ekile yi kakau ma o’dukole, azini o’duko angu liza okporu ’diyinirile, kini,

Haleluya! Opi Mungu amani,

Okpo E’iri eri angu nya opiruni.

7 # Zab 118:24; Eceza 21:2, 9 Ama ma ovu ayikosi, nyona be tu, ama ma fe diza eri dri, a’disiku o’du Kabilomvani oku bizuri eca ’bo, amuruou erini ede i ’bo;

8 # Zab 45:14; Isa 61:10 fe erini bongo mile be nyiriari suzu i ruaa dizaru, alarubongo mile be nyiriari eri ’yeta kililiru ’ba alatararu ’diyini.

Omu Kabilomvani oku bizuri

9 # Mat 22:2-3; Luk 14:15 Eri ’yo ma tia, Mi si ’dini, ’Ba omvele omu Kabilomvani oku bizuri nyazu ’diyi yi drilebaru. Eri ’yo ma tia, E’yo ’diyi yi e’yo adaru Munguni ’diyi. 10#Eceza 12:11; 22:8; ’Yeta 10:25, 26Ma nga di ma eco va eri ma palaa eri inzizu, te eri ’yo ma tia, Mi ’ye ’dini ku! Ma ovu ati’boni trotro mile, azini adripi mini e’yo Yesuni ma eti nzepi ’diyile. Mi inzi Mungu’i. A’disiku e’yo Yesuni ma eti nzeza eri orindi e’yo oluza nabilerini.

Ba ripi akanya emueru ma driari

11 # Eze 1:1; Zab 96:13; Isa 11:4; Eceza 3:14 Ma ndre ’bu zi i ti mgboru, te mi ne, akanya emveru! ’Da ’ba ripi driniari ma ru Asi Ada’i azini Adaru’i; eri e’yo li azini a’di ’di e’yo kililirurisi. 12#Dan 10:6; Eceza 1:14; 2:18; 3:12Mileni di aci ma andre drilele, oku ndrizaru kakau ovu eri ma dria; eri ru be sizaru, te ’ba aluni nini ku, kiri eri ma ngulupi nini. 13#Isa 63:1; Yoh 1:1Eri su bongo yini sule ari ma aliari i ruaa, omve runi E’yo Munguni’i. 14#Eceza 17:14Asikari ongulumuru ’bua, ripi akanya emveru ma dria, bongo mile be nyiriari emveru azini alaru supi yi ruaa ’diyi bi vutini. 15#Zab 2:9; Isa 11:4; 63:3; Yoe 3:13; Eceza 14:20; 12:5Sei cizaru efu eri ma tilia, eri ma oga suru ndu ndu ani, eri nga yi oce kali ayarusi; eri nga tu pari aoko adraru Mungu Okpo E’ini ma patiefi ma su nzizuri ma dria. 16#Azi 10:17; Dan 2:47; Eceza 17:14; 1 Tim 6:15Si ru bongo erini ma ruaa, azini eri ma opilia ’dini, MELEKI MELEKINI AZINI OPI OPINI. 17#Eze 39:4, 17-20Ma ndre malaika aluni pa soria etu ma alia, eri oyu o’duko urusi ’yozu aria dria sapi ’bu ma eselia ’agadua ’diyi ma tia kini, Emi emu, i emi oku emi tualu omu amboru Mungunia, 18emi ma nya opi piyi zaru, ’ba asikari dri cepi ’diyi pie, ’ba ombaru ’diyi pie azini akanya za pie, ’ba ripi yi ma dria ’diyi pie, ma nya ’ba dria zaru, kari’ba pie ati’ba be, ’ba nyiri ’diyi pie, ’ba ’wara be. 19#Zab 2:2; Eceza 16:16Ma ndre nguru nderi, opi nyakua ’diyi pie, asikari ongulumuru yini be, oku yi tualu a’di ’dizu ’ba ripi akanya driari be, asikari ongulumuru erini pie. 20#Eceza 13:1-18; 20:10; Dan 7:11, 26Yi bi nguru pi nabi inzoru tali erini ani ’ba ovupi eceta nguruni be eri ma wura inzipi ’diyi icizu ’diyi ’yepi eri ma miliari be. O’be yi iri tro idriru aci mirile vepi barutisiri ma alia. 21#Eze 39:17, 20Ofu ’ba acepi ’diyi sei, ’ba ripi akanya ma driarini, efupi eri ma tiliarisi; aria dria nga di tra za yinisi.

Currently Selected:

E'yo Eceza 19: LB66

Highlight

Copy