E'yo Eceza 18

E’deta Babulonini e’dezu vari

1 # Eceza 10:1; Eze 43:2 E’yo ’diyi ma vutia ma ndre malaika azinini engaria ’buarisi esizu va, eri okpo be amboru; nyaku ovu mvezaru diza erinisi. 2#Isa 13:21; 21:9; 34:11; Yer 9:11; 50:39; 51:8; Eceza 14:8; Dan 4:30Eri oyu uru o’duko okporusi kini,

Babuloni amboruri e’de va ’bo eri e’de va ’bo! Eri oja i pari orindi onzi ’diyini adrizuriru, azini pari orindi alatara kokoru dria ’diyini yi ta mbazuriru, azini pari aria alatara kokoru dria, ’bani ngule onzi ’diyini yi ta mbazuriru indi;

3 # Isa 23:17; Yer 25:15, 27; 51:7; Nah 3:4 a’disiku suru dria o’de va patiefi ma su awu erini ali o’bazurinisi ’bo, opi nyakua ’diyi o’ba ali erisi ra, ’ba afa ozipi nyakua ’diyi ofu afa e’iru lonyi erini i enyazuri ma okposi.

4 # Isa 48:20; 52:11; Yer 50:8; 51:6, 9, 45 Ma eri o’duko azini engapi ’buari kini, ’Ba mani la, emi ma efu eri ma aliarisi ra, emi kazu ti ecizu eri be azi onzi erini ma alia ku, emi kazu inzata isuzu eri be ku indi;

5 # E’do 18:20-21; Yer 51:9 a’disiku azi onzi erini oku yi tualu cazu trua ’bua uru, azini Mungu ega ezata erini.

6 # Zab 137:8; Yer 50:15, 29; 2 Tes 1:6 Mi ofe eri ekile erini ofelerile, mi ofe eri paleko iri ’yeta erini ’yele ’diyi vusi; okelea erini afa osazuri ma alia mi osa afa eri dri paleko iri.

7 # Isa 47:7-9; Yer 50:29 Ekile erini diza fele i ngulupi dririle, azini erini i enyale lonyi inisirile, mi ma ofe eri dri inzata pi candi be’dipi. Erini ’yole i asia kini, Ma ri oku opiruriru, ma ovuni awuziouni ku, ma ngani candi ndre aluni ku, ’dinirisi,

8 # Isa 47:9; Yer 50:34; Eceza 17:16 e’yo ’disi inzata erini ’diyi nga ecea o’du alu ma alia, yi ’di: dra pi, awu wuza pi, tiki pie, eri nga ovu vezaru acisi kieikiei indi; a’disiku Opi Mungu e’yo erini lipiri ovu okporu.

9 # Eze 26:16-17 # Eze 27:30-35; Isa 23:17; Eceza 17:2 Opi nyakua ndra ali o’bapi erisi, yi enyapi eri be lonyi erinisi ’diyi nga awu wu azini lulu ga, yini aci eri vepiri ma acika ndrelerisi; 10#Dan 4:30; Eze 26:17; Isa 21:9; Yer 51:8; Eceza 14:8yini pa soria re inzata erini ma urisi, ’yozu kini, Eyawaye!

Eyawaye! aku amboru Babuloni ye! aku okpo beri ye! E’yo liza mini ecea sawa alu ma alia coti ’doni!

11 # Eze 27:31, 36 ’Ba afa ozipi nyakua ’diyi nga awu wu erisi, nga lulu ga eri ma e’yosi indi, a’disiku ’ba aluni afa yini elileri; jezuni dika yo; 12#Eze 27:12-13, 22afa ejiza meleruri pi, dahabururi pie, oni aje nyapi turi pie, nyoro ndrizaru aje nyapi turi pie, bongo mile be nyiriari pie, bongo okalakokalaruri pie, lasiruri pie, ekaruri pie; azini pati dria aji be arikariru ’diyi pie, afazu dria edele ewasisi ’diyi pie, afazu dria edele pati aje nyapi turisi ’diyi pie, molasiri pie, ayasiri pie, oni ndrizarurisiri pie; 13#Eze 27:13madalasini pie, afa aji be arikariruri pie, obiese vele veri pie, odu rua efizuri pie, odu arikariruri pie, patiefi ma su pie, mizeitu odu pie, anyafura inikiniruri pie, nganu pie, ti pie, kabilo pie, akanya pie, gari akanyani pie, ’ba rua pie, orindi ’bani pie.

14Patiefi mi asini lele avasi ’diyi ku mi ra, afa osoru ’diyi pi avi mi dri dria afa ndrizaru ’diyi be ra, ’ba ngani yi isu dika aluni ku!

15 # Eze 27:31, 36 ’Ba afa ’diyi ozipi ofupi afa e’iru eri ma e’yosi ’diyi nga pa oso reiinzata erini ma urisi, awu wuria azini lulu garia, 16#Eceza 17:4kini,

Eyawaye! Eyawaye! aku amboruri ye!

bongo mile be nyiriari pi supi okalakokalaruri pie, ekaruri pie,

mele pi supi i ruaa onyiafaru oni aje nyapi turi pie, nyoro ndrizaru aje nyapi turi pieri ’ye!

17 # Isa 23:14; Eze 27:26-30 Lonyi amboru ’dopi ja dri sawa alu ma alia coti ’doni ya!

’Ba oguru ma ti opipi ’diyi dria alu alu, ’ba dria acipi yi dria kani angu ngoria ’diyi pie, ’ba azi ngapi oguru ma alia ’diyi pie,

’ba dria azi ngapi miria ’diyi pie, oso pa re, 18#Eze 27:32; Isa 34:10yi nga otre uru yini aci eri vezuri ma acika ndrelerisi, kini, Aku i sipi aku amboru ’dirileri ngori ya?

19 # Eze 26:19; 27:30-34 Yi nga irifura omvu yi dria, nga otre uru, awu wuria azini lulu garia kini, Eyawaye! Eyawaye! aku amboruri ye! pari ’ba dria ovupi oguru be miri ma alia ’diyini ofuzu afa e’iru lonyi erini turisiri ye!

Ja eri ma dri sawa alu ma alia coti ’doni ya!

20 # Azi 32:43; Yer 51:48; Isa 44:23 Mi ’bu la, mi ma ovu ayikosi erisi,

emi ’ba alatararu ’diyi la, ’ba ti opele ’diyi pie, nabi pie,

a’disiku Munguni e’yo emini lile eri ma driarisi

21 # Yer 51:63-64; Eze 26:21; Dan 4:30 Malaika alu okporeri nga di Oni ekile oni anya ’izurileri ’du ’be miri alia, kini,

Yi nga Babuloni, aku amboruri, ’be va rugbu okposi ’dini, yi ngani eri isu dika aluni ku;

22 # Eze 26:13; Isa 24:8 # Yer 7:34; 25:10 ’ba ngani ’ba o’di copi ’diyi pi ma o’duko eri mi alia dika aluni ku, ’ba ongo ngopi ’diyi pie, ’ba ejeleko vupi ’diyi pie, ’ba guka vupi ’diyi pie dria; ’ba onduouru afa dria ndu ndu edepi ’diyi ngani e’da mi alia dika aluni ku; ’ba ngani oni anya ’izuri ma awu eri mi alia dika aluni ku;

23 # Yer 7:34; 16:9; 25:10; Isa 23:8; 47:9 diza talani ngani di mi alia dika aluni ku; ’ba ngani izio pi ma o’duko, amurua ma o’duko be, eri mi alia dika aluni ku; a’disiku ’ba mini afa ozipi ’diyi ovu ndra ’ba amboru nyakua, azini mi ici ndra suru dria ole minisi.

24 # Yer 51:9, 49; Mat 23:35; Eceza 6:10; 17:6; 19:2 Te yi isu nabi pi ma ari eri ma alia, ’ba alatararu ’diyi pie, ’ba dria yini ofule nyakua’diyi pie dria.

Currently Selected:

E'yo Eceza 18: LB66

Highlight

Copy