E'yo Eceza 17

Oku ali o’bapiri ma e’yo lizuri

1 # Yer 51:13; Eceza 15:1 Te malaika aziri ovupi okele be aziri ’diyi ma azi alu emu ra, nga e’yo ’yo ma be kini, Mi emu ’doa, ma nga oku awuouru ali o’bapi tu ripi yi kakau ma driari ma e’yo liza lile driniari ece mi dri; 2#Isa 23:17; Yer 51:7; Eceza 14:8; 18:3eri’i opi amboru nyakua ’diyini ndra ali o’bazu eri beri, ’ba ovupi nyakua ’diyini atizu patiefi ma su eri ma ali o’bazanirisiri’i. 3#Eceza 13:1; Dan 7:7Te eri ’du ma Orindi alia jizu roko dria, ma ne Okuni riria nguru ekaru ma dria, nguru nderi ma rua ga tre ru Mungu o’dazu ’diyisi, eri dri be aziri, o’yu be mudri. 4#Yer 51:7; Eze 28:13, 16Oku nderi su bongo okalakokalaruri pi i ruaa bongo ekaruri be, su vini i ruaa mele pi onyiafaru, oni aje nyapi tu ’diyi pie, nyoro ndrizaru aje nyapi tu ’diyi pie, eri ma dria okelea meleru afa ngule onzi ’diyi pini gazu alenia tre afa alatara kokoru eri ma ali o’bazani ’diyi beri; 5#2 Tes 2:7; Dan 4:30; Eceza 14:8; 16:19si ru eri andretia e’yo zizaru ’dini: BABULONI AMBORU, OKU AWUOURU ALI O’BAPI ’DIYI PI MA ANDRI E’YO NGULE ONZI NYAKUA ’DIYI BERI’I. 6#Eceza 18:24Ma ne oku nderi ovu atizaru ’ba alatararu ’diyi ma arisi, azini ’ba Yesu ma e’yo eti nzepi ’diyi ma arisi indi.

Ma ka eri ne ra, ma osu tu osuta amborusi. 7Malaika nga di ’yo ma tia, Mi osu a’disi ya? Ma nga e’yo zizaru oku nde pini ece mi dri, nguru eri jipi ovupi dri be aziri o’yu mudriri be. 8#Dan 7:3, 7; 12:1; Eceza 11:7; 13:1-3; 3:5; Zab 69:28Nguru mini ndreleri ’lovu ndra indi, te eri curu’do yo, te eri ’ye efu ’bile asikokoruria muzu dri jazu; ’ba ovupi nyakua, yini yi ma ru sile buku idrini ma alia engazu ewu nyaku ma eti ’bazuria ku ’diyi nga osu osu yini nguru ndreria, a’disiku eri ndra indi, te eri curu’do yo, te eri nga eca ndo. 9#Eceza 13:1, 18Asisile ondua beri eri ’do’i: dri aziri yi oni izuru aziri, okuni rizu yi ma dria ’diyi; 10opi aziri yi indi, towi ’diyi o’de ’bo, aluri ace indi, aziniri ecani nga ku; eri ka nga emu ra eri ma ovu ewu were. 11#Eceza 19:20Nguru ovupi ndra indi te curu’do yori, eri ma ngulupi vini opi arori’i, eri ovu ’ba aziri ’diyi ma azi alu, te eri mu dri ja ra. 12#Dan 7:20, 24O’yu mudri mini ndrele ’diyi yi opi mudri opi nyapi nga ku: ’diyi, te yi nga okpo isu ovuzu opiru sawa alu, nguru nde be tualu. 13Yi ovu asisile be alu, nga okpo yini fe okpo opiruri be nguru nderi dri; 14#Azi 10:17; Dan 2:47; Eceza 19:14, 16yi nga a’di ’di Kabilomva be, te Kabilomvani nga yi aga ra, erini ovule Opi opini azini Meleki melekinirisi, azini ’ba ovupi eri be ’diyi yi ’ba omvele, ’ba opele, ’ba asi adaru be ’diyi.

15 # Isa 8:7; Yer 47:2; 51:13 Eri ’yo ma tia, Yi nde mini ndrele oku awuouru ali o’bapirini rizu driniari, ’diri ’ba pie, ’ba ongulumuru pie, suru pie, ti ’yoza pie. 16#Eceza 12:13; 18:8O’yu mudri mini ndrele ’diyi azini nguru nde yi nga oku awuouru ali o’bapiri ngu onzi; yi nga eri ku pirini azini pililiru, nga za eri ruaari nya, nga eri eve acisi kieikiei, 17#Eceza 10:7a’disiku Mungu ’ba e’yo yi asia e’yo erini leleri ’yezu, ovuzu asisile be alu, opi nyaza yini fezu nguru dri, cazu kpere e’yo Munguni ’yole ’diyini ngazu yi ’yezuria. 18#Zab 2:2; 89:27; Eceza 18:10Oku mini ndrele ’diri eri aku amboru opi nyapi opi nyakua ’diyi ma driari’i.

Currently Selected:

E'yo Eceza 17: LB66

Highlight

Copy