E'yo Eceza 16
16
Okele adra be alia ’diyi
1 #
Isa 66:6; Zab 69:24; Yer 10:25; Zef 3:8 Ma eri o’duko amboru efupi hekalu nde ma aliarini ’yoria malaika aziri ma tia kini, Emi mu, emi oda adra Munguni okele aziri ma aliari nyaku ma dria.
2 #
Efu 9:10, 11; Azi 28:35 Aluri mu ra, nga di afa okele ini ma aliari da nyaku ma dria; eri nga ofu beleru ma suza be onzikanyaru ’ba ovupi eceta nguruni be, azini eri ma wura inzipi ’diyi ma ruaa.
3 #
Efu 7:17-21
Iriri nga afa okele ini ma aliari da miri ma dria; eri nga ofu ari ’ba avunirile, afa idriru ovupi miri ma alia’diyi odra dria ra,
4 #
Efu 7:17-21; Zab 78:44 Nari nga afa okele ini ma aliari da yi ara pi ma dria yi a’di be; eri ofu ariru. 5#Zab 119:137; 145:17; Efu 3:14; Azi 32:4; Isa 41:4Ma eri malaika yi nde ’diyinirini ’yoria kini,
Mi ovupi curu’do, azini andrari, mi ’Ba Alatararuni, mi kililiru mini e’yo lile ’dinirisi.
6 #
Isa 49:26; Zab 79:3 Yini ’ba alatararu ’diyi pi ma ari adale ’ba nabiru ’diyi berisi, ’dini mi fe yi dri ari mvuzu ani. Te e’yo nde fu dri yi dri trotro!
7 #
Zab 19:9; 119:137; Eceza 9:13; 19:2 Te ma eri pari edeta edezurini ’yoria kini, Ada, Opi Mungu, Okpo E’i la, e’yo liza mini ’diyi yi adaru azini kililiru.
8Suri nga afa okele ini ma aliari da etu ma dria; fe eri dri ’ba ozazu acisi; 9#Eceza 11:21; 9:20, 21nga ’ba ove drita okporurisi, ’ba yi nga di ani Mungu ovupi okpo be inzata ’diyi ma driari ma ru o’da ra, te yi ojani yi asi diza fezu eri dri ku.
10 #
Efu 10:21; Isa 8:21, 22 Towiri nga afa okele ini ma aliari da oguna nguruni ma dria; angu erini nyaleri bi iniru, ’ba yi nya yi ma andre yi ma ruani sulerisi, 11#Dan 2:19yi o’da vini Mungu ’buari ma ru, rua suza yini ma e’yosi bele yini be, te ti, yi ojani yi asi ’yemi yini kuzu ku.
12 #
Isa 11:15; 41:2; 44:27; E’do 15:18; Azi 1:7; Yos 1:4; Yer 50:38 Aziari nga afa okele ini ma aliari da yi ara amboru Ufirate ma dria; yiniri nga nzu dria, geri edezu opi amboru engapi kala etuni efurialeruria ’diyi dri, 13#Eceza 12:9; 13:1, 11; Efu 8:3; 1 Opi 22:21-23Ma ndre orindi na alatara kokoru ’diyi ekile odrukodrule, yini efuria uri ma tilia, azini nguru ma tilia, azini nabi inzoruri ma tilia; 14#Eceza 13:13; 19:19yi orindi onzi, tali ’yepi ’diyi; yi efu mu yi erezu opi amboru wudrikurua ’diyi vusi dria, yi okuzu tualu omba ’bazu o’du amboru Mungu Okpo E’iruni pelerisi. 15#Mat 24:43-44; Luk 12:39-40; Eceza 3:3, 18; 1 Tes 5:2(Mi ne, ma emu oguoule! ’Ba tepi mile be, afa suza ini ma ta mbapiri eri drilebaru, eri kazu acizu pililiru ku, ’ba kazu drinza erini ndrezu ku!) 16#2 Opi 9:27; 23:29; Zek 12:11; Lip 5:19, 31Yi nga opi nde ’diyi oku tualu pari yini omvele! Ebrania tisi Hari-Magedoni’iria,
17 #
Isa 66:6
Aziriri nga afa okele ini ma aliari da oli alia; o’duko amboru nga efu hekalu ma alia engazu oguna opiniri vu, ’yozu kini, ’Ye i ’bo. 18#Eceza 4:5; 8:5; 11:13, 19; Efu 19:16; Dan 12:1Ovi pi nga ga, o’duko pie, angu liza pie; oyakia amboru oya angu indi, engazu ’bani ovuria nyaku ma driaria ti, oyakia azini amboru okpo be ’donileri ’yeni ndra i ’dinile ku. 19#Isa 51:17; Dan 4:30; Yer 25:15; Eceza 14:10Aku amboruri nga i ale ali esele be na, azini aku ’ba jururu ’diyini nga yi asu ra, Mungu nga vini Babuloni amboruri ma e’yo ega indi, okelea aoko erini adraruri ma patiefi ma su beri fezu eri dri. 20#Eceza 6:14; 20:11Angu yi lipi miri ma alia ’diyi nga apa ra, ’ba isuni oni izuru ’diyi dika ku; 21#Efu 9:23; Eceza 11:19si amboru, alu alu dria nzipi ekile onzini nzilerile ’diyi o’de ’buasi va ’ba ma dria; ’ba yi nga Mungu ma ru o’da inzata sinirisi, a’disiku inzata nderini ovule amboru turisi.
Currently Selected:
E'yo Eceza 16: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Free Reading Plans and Devotionals related to E'yo Eceza 16
New Testament in a Year: August
Revelation For Today: What The Ultimate Book Of The Future Says
NT24 Fast
