E'yo Eceza 15

Malaika inzata vile asizu ’diyi be

1 # Lev 26:21; Eceza 6:17; 12:1; 11:18 Ma ndre eceta azini ’bua, ambo osutaru, malaika aziri ovupi inzata vile asizu aziri ’diyi be ’diyi, te adra Munguni nga di dri fu inzata ’diyisi.

2 # Eceza 4:6; 13:15; 5:8 Ma ndre ekile miri talatalaru osale ad berile, azini ’ba nguru pi agapi wura erini pie, ru erini ma namba pie ’diyini pa soria miri talatalaru nderi ma tia, yi o’di Munguni be yi ma dria. 3#Efu 15:1, 11; 34:10; Zab 111:2; 139:14; 145:17; Yer 10:6, 7; Azi 32:4; Yos 14:7; Eceza 5:9Yi ongo Musa ati’bo Mungunirini ngo, ongo Kabilomvaniri be, kini,

’Yeta mini yi amboru azini osutaru,

Opi Mungu Okpo E’i la!

Geri mini ’diyi yi kililiru azini adaru,

mi Opi amboru ’dani ’daniri!

4 # Yer 10:7; Zab 86:9; Mal 1:11 A’di ngani mi ru kuni ya, Opi la, a’di ngani mi ru ’ba dizaru kuni ya?

A’disiku mi a’dule mi alatararu,

Suru dria nga emu nga inzi mi drilia,

e’yo ’yeza mini kililiru ’diyiri’i yi e’dalerisi.

5 # Efu 38:21; 40:34; Eceza 11:19 E’yo ’diyi ma votia ma ndre ra, yi zi bere e’yo eti nzezaniri ma hekalu ’buari ma tile ra; 6#Lev 26:21; Eze 28:13malaika aziri ovupi inzata aziri be ’diyi nga di efu hekalu ndeasi, bongo alatararu dizaru ovu yi ruaa, anzu yi agati baka melerusi. 7#Eceza 4:6-8; 14:10Anyapa idriru ma azi alu nga okele aziri meleru Mungu ovupi ’dani ’daniri ma adrani gazu yi ma alia tre ’diyi fe malaika aziri ’diyi dri; 8#Efu 40:34; 1 Opi 8:10-11; 2 Sur 5:13-14; Isa 6:4; Eze 44:4acika nga di ga hekalu ma alia tre engazu diza Munguni pi vu okpo erini be; ’ba aluni econi fizaru hekalu nde ma alia ku de nga inzata aziri malaika aziri ’diyini deni nga yi ku.

Currently Selected:

E'yo Eceza 15: LB66

Highlight

Copy