E'yo Eceza 14

Ba alifu turu alu drini kali su drini su’drini su diyi ma ongo

1 # Eze 9:4; Eceza 7:3; 3:12 Ma ndre ra, te mi ne,Kabilo mva so pa ori Zionia, azini eri be ’ba alifu turu alu drini kali su drini su, ovupi ru erini be azini Ati ma ru be sizaru yi ma andretia ’diyi. 2#Eze 1:24; 43:2; Eceza 1:15Ma eri o’duko engazu ’bua, ekile yi kakau ma o’dukole, azini ekile o’duko angu liza amborunirile; o’duko mani erileri ovu ekile ’ba o’di copi ’diyini o’di colerile, 3#Zab 33:3; 40:3; 96:1; 98:1; 144:9; 149:1; Isa 42:10; Eceza 5:9yi ngo ekile ongo o’dirule oguga ma drilia, azini anyapa idriru su ’diyi pi ma drilia ’ba ’wara ’diyi be. ’Ba aluni econi ongo ’diri nizaru ku pe lu ’ba alifu turu alu drini kali au drini su, yini jele nyakua ’diyi. 4#2 Kor 11:2; Efe 5:27’Ba ’diyi yi ’ba e’yo ezapi okusi ku ’diyi, te yi mba yi ma ta alaru; ’ba ’diyi yi ’ba Kabilomva ma vuti bipi geri dria erini muzuria ’diyi; je ndra yi ’ba ma eselia ovuzu anya bipi okoriru Mungu vu Kabilomva be; 5#Zef 3:13; Zab 32:2; Isa 53:9inzo yi ma tilia yo, yi ovu e’yo onzi kokoru.

E’yo malaika na ’diyini ’yoleri

6 # Eceza 8:13 Ma ndre malaika azinini saria ’bu eselia agadua, ovuzu e’yo baru ’dani ’daniri be oluzu ’ba nyakua ’diyi ma tia, suru dria pi ma tia, enyati pie, ti ’yoza pie, ’ba pie dria; 7#Efu 20:11; Zab 146:6eri ’yo o’duko urusi kini, Emi ma ru Mungu, emi ma fe diza eri dri, etu ’erini e’yo lizurini ecale ’borisi; emi ma inzi ’ba ’bu pi ’bapi nyaku pie, miri pie, yi a’di pie driari’i.

8 # Isa 21:9; Yer 51:7, 8; Eceza 18:2; Dan 4:30 Malaika azini iriri bi vutini, kini, Babuloni amboruri e’de va ’bo, eri e’de va ’bo, ndra suru dria i emvupi awu erini ali o’bazuri ma patiefi ma susiri’i.

9 # Eceza 13:12-17; Mat 10:28 Malaika azini nari bi yi ma vuti ’yo o’duko urusi kini, ’Ba azini ka nguru pi inzi wura erini be ra, ka eceta a’i i ma andretia kani i ma dri agelia, 10#Isa 51:17; E’do 19:24; Eze 38:22; Zab 75:8; Yer 25:15; Eceza 16:19eri nga vini patiefi su Mungu ma adrani, osule osakokoru okelea aoko erinirini ma aliari mvu indi; yi nga eri ecandi aci pisi baruti be, malaika alatararu piyi ma milia Kabilomva be. 11#Isa 34:9, 10; Eceza 19:3Aci yi ecandizuri ma acika tu uru ’dani ’dani; ’ba nguru pi inzipi wura erini ’diyi pi lini ava etusi inisi ku, ’ba ndra ru erini ma eceta a’ipi ’diyi be.

12 # Isa 34:10; Eceza 13:10; 12:17 ’Ba alatararu azita Munguni ma ta mbapi a’ita Yesuni be ’diyi ma asi tezari ’di’i.

13 # Isa 57:2; Ebra 4:10; 1 Kor 15:58 Ma eri o’duko engapi ’buari kini, Mi si Drileba ’ba odraza ngapi odrapi Opi ma alia engazu curu’do ’diyi dri. Eri ’dini ada, Orindi ’yo ra, yi ma li ande azi okporu yini ’diyi ma vutia, te ’yeta yini bi yi vuti!

Efi kaza nyakuari lazuri

14 # Dan 7:13; 10:16; Mat 13:39, 41 Ma ndre ra, te mi ne, iriti emveru indi; ma ndre ’ba azini ekile mvi ’banile erini riria iriti nde ma dria, ekilaza meleruri ovu eri ma dria, drinia eli cizaru anya lozuri indi. 15#Yoe 3:13Malaika azini efu hekaluasi oyozu o’duko urusi ’ba ripi iriti driari ma tia kini, Mi ’ba eli mini, mi, a’disiku etu anya lozuri eca ’bo, afa kaza nyakuniri ’wi ’bo. 16’Ba ripi iriti driari nga di eli ini ’be nyakua, yi nga ani afa kaza nyakuni lo.

17Malaika azini efu hekalu ovupi ’buariasi, eri indi ovu eli cizaruri be. 18#Yoe 3:13Malaika azini ovupi okpo be aci driari efu pari edeta edezuria, nga oyu o’duko urusi ’ba ovupi eli cizaru beri ma tia kini, Mi ’ba eli cizaru mini, mi oti zabibu nyakuari ma efi kapi nguluru ’diyi, eri ma efini nile ’borisi. 19#Eceza 19:15Malaika nde nga di eli ini ’be nyakua, nga zabibu nyakuari ma efi oti ani, nga yi o’be afa ambo patiefi ma su nzizu adra Mungunirini ma alia; 20#Isa 63:3; Imv 1:15; Eceza 19:15; Yoe 3:13yi nga di patiefi tu pasi pari suni nzizuri ma alia aku ageia amve, ari nga efu afa patiefi ma su nzizuri ma alia, tizu cazu baka akanya ma ti ojazuri vu, kpere ekile mailo turu irile ’dipi.

Currently Selected:

E'yo Eceza 14: LB66

Highlight

Copy