E'yo Eceza 13

Nguru iri ’diyi

1 # Dan 7:3, 7; Eceza 11:7; 17:3, 7-12 Ma ndre nguruni efuria miri alia, eri o’yu be mudri, dri erini ’diyi aziri, o’yu erini ’diyi ma dria oku opini mudri indi, dri erini ’diyi ma dria ru Mungu o’daro ’diyi indi. 2#Dan 7:4-6; Eceza 12:3Nguru mani ndreleri si i o’dule, paniri nguru dubaru ma pale, tileniri kami ma tilele. Uri fe okpo ini pi eri dri, oguna iniri pie, okpo amboru opini pie. 3#Eceza 17:8Ma ndre so dri erini ma azi alu ekile kaile, te bele erini ’yezu drazuri ati ra, te wudrikuru dria osu tu nguru ma e’yosi, vutini biro. 4Yi nga uri inzi, erini okpo opiniri fele nguru dririsi, nga vini nguruni inzi indi kini, A’dini ovu nguruleni ya? A’di eco omba ’bazaru eri beni ya?

5 # Dan 7:8, 11, 25; 11:36; Eceza 11:2; 12:6, 14 Fe eri dri ti e’yo amboru ’diyi pi ’yozo, o’data Mungu o’dazuri be; yi fe okpo eri dri e’yo ’yezu mba kali su drini iri. 6Eri zi i ma tile Mungu o’dazu, ru erini pi o’daro pari erini adrizuri pie, ’ba ovupi ’bua ’diyi pie. 7#Dan 7:21; Eceza 11:7Fe eri dri omba ’bazu ’ba alatararu be, yi agazu, Fe vini okpo opiniri eri dri enyati pi ma dria, ’ba pie, ti ’yoza pie, suru pie dria. 8#Zab 69:28; Dan 12:1; Isa 53:7; Eceza 12:12; 3:5; 17:8’Ba dria ovupi nyakua ’diyi nga eri inzi, yi ’ba dria alu alu yini yi ma ru sile Kabilomva ovupi fuzaru engazu ewu nyaku ma eti ’bazuriari vile buku idriniri ma alia ku ’diyi. 9’Ba azini ka ovu bile be, eri ma eri ra:

10 # Yer 15:2; 43:11; Mat 26:52; Eceza 14:12 Yi ka e’yo li ’ba ’bazu aruru, yi nga eri ’ba aruru; ’ba azini ka ’ba fu seisi, ma fu eri seisi. E’yo teza ’ba alatararu ’diyini, a’ita yini be eri ’do’i.

11 # Eceza 16:13; Mat 7:15 Ma ndre nguru azinini efuria nyakuarisi; eri ovu o’yu be iri ekile kabilomvale, eri ’yo e’yo ekile urile. 12Eri ’ye e’yo okpo dria nguru okorinirisi eri ma milia. Eri fe nyaku ’ba ovupi alenia ’diyi be ma inzi nguru okori, eri’i bele erini ndra ’yewi drazurini atizu rari. 13#Mat 24:24; 2 Tes 2:9, 10; 1 Opi 18:24-39Eri ’ye eceta amboru ndu ndu, ecazu kpere erini aci feria esizu ’buarisi va nyakua ’ba ma milia. 14#Azi 13:2-4; Eceza 19:20Eri ici ’ba ovupi nyakua ’diyi eceta yini fele eri dri ’yezu nguru ma milia ’diyisi, ’yozu ’ba ovupi nyakua ’diyi ma tia kini yi ma ede nguru yini sole seisi te ovupi idriruri ma wura. 15#Dan 3:5, 6Fe erini ava fezu wura nguruni dri, ’dini wura nde nguruniri ma ’yo e’yo ani, ma fe vini ’ba dria wura nguruni inzipi ku ’diyi ma ovu fuzaru kai ra. 16#Eceza 19:20Eri fe yi ma ’ba eceta ’ba dria ma dri ndiria kani yi ma andretia, ’ba wereru ’diyi pi ’ba ’wara be, ’ba afa e’iru ’diyi pi ’ba alioru be, ’ba kari’baru ’diyi pi ’ba ati’baru ’diyi be dria, 17’dini ’ba aluni econi afa jezaru kani afa ozizaru ku, pe kiri ’ba ovupi eceta nderi beri a’dule, eceta nderi ovu ru nguruni kani ru erini ma namba. 18#Eceza 17:9; 15:2; 1 Opi 10:14; Ezr 2:13Ondua ’do’i: ’ba ovupi ondua beri ma a nguru nde ma namba; eri ’ba ma namba ra, namba erini ovu turu azia drini kali azia drini azia.

Currently Selected:

E'yo Eceza 13: LB66

Highlight

Copy