E'yo Eceza 12

Oku pi uri amboru be

1Eceta amboru e’da i ’bua: oku etu supi i ruaa, ovupi mba be i ma pa ageleari, eri ma dria ekilaza ’bi’bio mudri drini iri beri ci; 2#Isa 66:7; Mik 4:10eri ovu okporovuru, eri otre mvai azoni eri e’dulerisi, erini ovuria rua suza be e’yo mva osizanisi. 3#Dan 7:7Eceta azini e’da i ’bua indi: mi ne, uri ambo ekaru, ovupi dri be aziri o’yu be mudriri, eri ma dri aziri ’diyi ma dria oku opini aziri. 4#Dan 8:10Sobini oku ’bi’bio ’bua ’diyi ma esele na ma azi aluri ra, o’be yi va nyakua. Uri nde so pa oku te ’yepi osipiri ma drilia, oku nde ka nga osi ra eri ma nya mva erini ani beni. 5#Isa 66:7; Zab 2:9; Eceza 19:15Eri osi agiamva, ngapi suru dria ma dri cepi kali ayarusiri; yi ari mva erini eri ’duzu Mungu vu oguna erinia, 6#Mat 2:13; Eceza 11:2, 3te oku nde apa roko dria, pari Munguni edele eri driria, ma fe nyaka eri dri ’dale o’du alifu alu drini turu iri drini kali azia.

7 # Dan 10:13, 21; 12:1; Yud 1:9 Omba nga di ovu ’bua: Mikaeli mu malaika erini be omba ’bazu uri nde be; te uri pi malaika erini be ’ba omba ra, 8te yi agani ku, isuni pari yini ’bua dika ku. 9#E’do 3:1, 14; Luk 10:18; Yoh 12:31; Zek 3:1, 2Yi ’be uri amboru nderi va, eri uri oku drio, omvele ’Ba asu Supiri’i, azini Satani’iri, eri ’ba wudrikuru dria icipiri-yi ’be eri va nyakua, o’be vini malaika erini ’diyi va eri be indi. 10#Yob 1:9-11; Zek 3:1; Eceza 11:15; Luk 22:31Ma eri o’duko amboru ’bua kini, Pata pi eca ’bo, okpo pie, opi nyaza Mungu amanirini pie, Kristo eriniri ma okpo opiruri pie, a’disiku ’be ’ba adripi amani ’diyi ma asu supi, asu supi yi ruaa Mungu amani ma milia etusi inisiri va ’bo. 11#Rum 8:37; Eceza 7:14Yi nde eri ari Kabilomvanisi, azini e’yo eti nzeza yinirisi; yi leni idri yi ma ngulupini ku kpere yini draria. 12#Isa 44:23; 49:13E’yo ’disi mi ’bu la, emi ma ovu ayikosi ’ba ovupi mi alia ’diyi be! Te candi nyaku dri miri be, a’disiku ’ba ’ba asu supiri esi va emi vu adra amboru be tu, erini nile ewu ini ace wererisi!

13Uri ka ndre ’be i va nyakua ra, eri nga oku nde agiamva osipiri inza. 14#Dan 7:25; 12:7Te yi fe opile iri aji amboruni ’diyi oku nde dri, eri ma sa ani uri ma miliasi i paria roko dria, pari nderia yi nga nyaka fe eri dri ewu alu, azini ewu iri, ewu ma ali be. 15Uri nga yi wu i tilesi yi arale oku ma vutisi, lezu yi arani eri ’duzu. 16Te nyaku ko oku ma aza, nyaku nga i tile zi yi ara urini wule i tilesiri mvuzu. 17#Eceza 13:7; 14:12; 19:10; 1 Yoh 5:10; E’do 3:15Uri ovu adrasi oku vu, eri fu mu omba ’bazu eri ma ori acepi, ’ba azita Munguni ma ta mbapi e’yo Yesuni ma eti nzepi ’diyi be. 18Eri so pa cinya miri tiari ma dria.

Currently Selected:

E'yo Eceza 12: LB66

Highlight

Copy