E'yo Eceza 11

’Ba e’yo eti nzepi iri ’diyi

1 # Eze 40:3; Zek 2:1-2; 2 Kor 6:16 Fe ma dri ozu ekile kalile, ’yo kini: Mi enga, mi o’bi hekalu Munguni pi, pari edeta edezuri be, ’ba inzipi alenia ’diyi pie, 2#Luk 21:24; Isa 63:18; Luk 21:24; Zab 79:1; Dan 8:10; Eceza 12:6, 14; 13:5te mi ku irii ovupi hekalu ma ageia amveri; mi o’bi eri ku, yini eri fele ’ba jururu ’diyi dri ’borisi, yi nga aku alatararu otu yi pa agelesi va mba kali su drini iri. 3Ma nga okpo fe ’ba mani e’yo eti nzepi iri ’diyi dri, yi nga e’yo ondri o’du alifu alu drini turu iri drini kali azia, koliba be yi ma ruaa.

4 # Zek 4:3, 11-14 ’Ba ’diyi ovu mizeitu pati iri azini talapati iri, pa osopi Opi nyaku driliari ma milia ’diyi. 5#2 Opi 1:10; 2 Sam 22:9; Yer 5:14’Ba azini ka le yi ’yezu onzi, aci efu yi ma tilia ari’ba yini dri ja; ’ba azini ka le yi ’ye onzi, eri ma nga ovu fuzaru ’dinile. 6#1 Opi 17:1; Efu 7:17-19, 20; 1 Sam 4:8Yi ovu okpo be ’bu ma ti opizu ci, ozoo ma ’di o’du yini ondrizurisi ku beni, azini yi ovu okpo be yi ara ojazu ariru, azini nyaku ezazu dra ndu ndu driasi, etu yini leleri vusi dria. 7#Dan 7:3, 7, 21; Eceza 13:1, 5-7; 17:8Yi ka nga e’yo eti nzeza yini de ra, nguru efupi ’bile asikokoruriari nga omba ’ba yi be, nga yi aga okposi ra, nga yi ofu ra, 8#Isa 1:9-10; Luk 13:34avu yini la geria aku amboru ’bani omvele ti orindirurisi Sodomu’i azini Misiri’i, pari ’bani Opi yini ’dizu pati alaza ma ruaari ma alia. 9’Ba efupi ’ba piyi ma eselia, suruti pie, ti ’yoza pie, suru pie ’diyi ma azi ndre avu yini o’du na ali be ra, te yi a’ini avu yini sazu ’bilia ku. 10#Zab 105:38’Ba ovupi nyakua ’diyi ovu ani ayikosi yi ma e’yosi, yi ’ye e’yo ayikoru, afa feza fezu yi ma eselia, nabi iri ’diyini ndra ’ba ovupi nyakua ’diyi inzale ransi. 11#Eze 37:5, 10; E’do 15:12O’du na ali be ma vutia orindi idrini engapi Mungu vuri fi yi lalia, yi oso pa urulesi; azini uri amborubi’ba nde yi ndre pi ’diyira. 12#2 Opi 2:11Yi leri o’duko amboru engapi ’buarini ’yoria yi tia, ’dini, Emi etu uru ’dole Yi tu di uru ’bua iriti ma alia, de ari’ba yini ji yi ndre si. 13#Eceza 6:12; 16:18; Eze 38:19, 20; Dan 2:19Etu ’dasi oyakia amboru nga angu oya ra, aku nderi ma esele mudri ma azi aluri asu iva; ’ba alifu aziri odra oyakia nderisi, ’ba acepi ’diyi ovu ani urisi, nga diza fe Mungu ’buari dri. 14#Eceza 9:12; 12:12Candi iriri de i ra; mi ne, candi nari emu mbele.

Guka aziriri

15 # Efu 15:18; Dan 2:44; 7:14, 27; Zek 14:9; Oba 1:21; Zab 2:2; 10:16; 22:28 Malaika aziriri vu guka ra, ’duko amboru ovu ’bua kini, Opi nyaza wudrikuruni oja i opi nyaza Opi amaniriniru, azini Kristo eriniriniru, eri nga opi nya ’dani ’dani. 16#Eceza 4:4, 10; 7:11’Ba ’wara kali iri drini su ripi oguna yini dria Mungu drilia ’diyi eco yi va o’bukuru Mungu inzizu, 17#Efu 3:14; Isa 41:4; Eceza 4:8; 18:8kini,

Ama ’yo awa’difo mi tia, Opi Mungu, Okpo E’ini, ovupi curu’do indi azini ndrari,

mini okpo mini amboru ’dule opi nyazurisi.

18 # Zab 2:1, 5, 12; 46:6; 99:1; 110:5; 115:13; Eceza 15:1; Rum 2:5; Amo 3:7; Zek 1:6; Dan 9:6, 10 Suru yi ovu ndra adrasi, te adra miniri pi emu ra, ewu mini ’ba draza ’diyi ma e’yo lizuri be,

mini ani oya ofezu ati’ba mini ’ba nabiru ’diyi pi dri ’ba alatararu ’diyi pie, ’ba mi ru rupi ’diyi pie, ’ba nyiri ’diyi pie ’ba ’wara ’diyi pie dria,

mini vini ’ba nyaku dri japi ’diyi ma dri jazuri’i.

19 # Eceza 4:5; 8:5; 15:5; 16:18, 21; 1 Opi 8:1, 6; 2 Sur 5:7; Efu 9:24; 19:16 Zi hekalu Munguni ovupi ’buari mgboru, yi ndre sanduku e’yo aziza erinirini hekalua; ovi gaza pi nga ovu indi o’duko pie, angu liza pie, oyakia pie, ozoo si amboru beri pie dria.

Currently Selected:

E'yo Eceza 11: LB66

Highlight

Copy