Popular Bible Verses from E'yo Eceza 21

Share

eri nga mindre ini yi ma miliasi dria, dra ngani ovu dika ku, awu wuza pi lulu gaza pie, rua suza pie, ngani ovu dika ku; e’yo Oko ’diyi aga ’bo.

Eri’i ripi oguna driari ’yo ra, Mi ne, ma afa dria ’ba o’diru. Eri ’yo ra, Mi si, a’disiku e’yo ’diyi yi e’yo ’yole asi adasi azini adaru ’diyi.

ma eri o’duko amboruni efuria oguna vu ’yozu kini, Mi ne, pari Munguni ovuzuri ovu ’ba be, eri nga ovu yi be tualu, yi nga ovu ’ba erini, Mungu ngulupini nga ovu yi be, nga ovu Mungu yini

Eri ’yo ma tia, Yi ’ye yi ’bo! Ma Alifa’i azini Omega’i, ’di e’dozani azini asizani, Ma nga yi a’di yi idrinirini fe toko avasi ’ba ovupi yi avijo beri dri.

’Ba agapiri nga afa ’diyi isu i ma afaru, ma nga ovu Mungu erini, eri nga ovu mva mani.

Te ’ba uriouru ’diyi pi, ’ba a’ipi ku ’diyi pie, ’ba afa ngule onziri ’yepi ’diyi pie, ’ba ’ba ’dipi ’diyi pie, ’ba ali o’bapi ’diyi pie, ’ba oleru ’diyi pie, ’ba wura toko inzipi ’diyi pie, ’ba dria inzo jipi ’diyi pie, pari yini nga ovu aci mirile vepi aci pisi baruti beri ma alia; ’diri dra iriri’i.

Ma ndre ’bu o’diru nyaku o’dire be; a’disiku ’bu okori pi nyaku okori be aga ’bo, yi mirini dika yo.

Ma ndre vini aku alatararu, Yerusalemu o’diruri, erini esiria ’buarisi va engazu Mungu vu, ede­zaru ngonde ekile amuruouni i osule onyiafasi agupi ini dririle

Aku nde leni etu pi mba be dizu eri ma alia ku, a’disiku diza Mungunini dile eri ma aliani­risi, Kabilomva ovu tala eriniruni. Suru yi nga aci diza erini ma alia; opi nyakua ’diyi nga diza yini inzita­ruri eji alenia