Itanguriro 49

Yakobo abarira abana biwe ibizobabako

1Yakobo ahamagaza abana biwe, arababarira, ati Ni mukoranire hamwe, ndabamenyeshe ibizobabako mu misi izoza.

2Ni mukorane, mutege amatwi, bana banje,#49:2 bana banje: mu Giheburayo handitswe ngo Bana ba Yakobo.

Munyumve, ndi so Isirayeli.

3 # Ita 29:32; Gus 21:17; 33:6. Reyubeni, ur’ imfura yanje, n’inkomezi zanje, n’ubuzibūra bganje:

War’ akarenzo mu cubahiro, war’ akarenzo mu bubasha;

4 # Ita 35:22; Gus 27:20; 1 Ngo 5:1. Nk’ukw amazi asūriranya, ni ko nawe umeze, nuko ntukibaye akarenzo,

Kuko wūriye uburiri bga so,

Ukabuhumanya: mbere yūriye aja mu buryamo bganje!

5 # Ita 29:33, 34; 34:25, 26; Gus 33:8-11. Simeyoni na Lewi baravukana;

Ibirwanishwa vyabo n’ivyicanyi bakoresha ku manyama.

6 # Zab 26:9. Mushaha wanje, ntukaje mu nama zabo;

Mutima wanje, ntugafatanye n’ikoraniro ryabo:

Kuk’ uburake bgabo bgabateye kwica abantu,

Bagatema n’ibitsi vy’inka kugira ngo bīmare ishavu.

7 # Yos 19:1, 9; 21:1-3; 1 Ngo 4:31, 38-43. Uburake bgabo burakavumwa, kukw ari bginshi,

N’ubushangashirwe bgabo, kukw ar’ubg’ agashinyaguro.

Nzobakwiragiza mu ba Yakobo,

Mbashwiragirize mu Bisirayeli.

8 # Ita 29:35; Gus 33:7; 1 Ngo 5:2. Weho, Yuda, abo muvukana bazogushima:

Ukuboko kwawe kuzogwa abansi bawe mu gahogo;

Bene nyoko bazokwikubita imbere.

9 # Guh 24:9; Ivyah 5:5. Yuda n’ikibunda c’intambge:

Uradūze, mwana wanje, uvuye mu ruhīgi.

Arūnamye, abunda nk’intambge,

Mbere nk’intambge y’ingore: ni nde yohangāra kuyūbura?

10 # Guh 24:17; Zab 60:7; 108:8. Icumu ry’ubugabe ntirizova kuri Yuda,

Inkoni yo kuganza ntizova hagati y’ibirenge vyiwe,

Nyene vyo ataraza:

Uwo ni we amahanga azokwumvira.

11Aziritse inyana yiwe y’indogoba ku muzabibu,

N’umukangara w’indogoba awuziritse ku muzabibu wiwe w’indobanurwa;

Amesuza impuzu ziwe vino,

Imyambaro yiwe ayimesuza amaraso y’inzabibu.

12Amaso yiwe atukujwe na vino,

Amenyo yiwe yagizwe akāmenge n’amata.

13 # Ita 30:20; Gus 33:18, 19. Zebuloni azoba kw isēsero ry’ ikiyaga,

I wabo hazoba kw isēsero ah’ amato ashikira;

Azohāna urubibe n’i Sidoni.

14 # Ita 30:18; Gus 33:18, 19. Isakari n’indogoba y’inyenkomezi,

Iryamye hagati y’impongore.

15Abona uburuhukiro kw ari bgiza,

N’igihugu ko kimuhimbaye;

Ategera urutugu kwikorera,

Ahinduka umuja wo gushingwa igikebere.

16 # Ita 30:6; Gus 33:22. Dani mu gucira abantu biwe imanza,

Imiryango y’Abisirayeli nta co izomurusha.

17 # Abac 18:27. Dani azoba inzoka mu nzira,

Azoba imvuvyi ku kayira,

Ikomora ifarasi ku binōno,

Bigatuma ūyigenderakw akoroka, akagwa agaramye.

18 # Zab 25:5; 62:5; Yes 25:9; Mik 7:7. Ewe Uhoraho, niteze agakiza kawe!

19 # Ita 30:10, 11; Gus 33:20. Gadi, igitero kizomutera,

Ariko na we azogihindukirana, agice ibitsi.

20 # Ita 30:12, 13; Gus 33:24, 25. Kuri Asheri hazova ivyo kurya biryoshe,

Azotanga ivyo kurya vyiza bikwiye abami.

21 # Ita 30:7, 8; Gus 33:23. Nafutali n’ishashi y’impongo irekuwe:

Avuga amajambo meza.

22 # Ita 30:23, 24; 41:52. Yosefu n’ishami ry’igiti cama cane,

Ishami ry’igiti cama cane kiri hafi y’isōko:

Amashami yaco arenga uruzitiro rw’amabuye.

23 # Ita 37:24; 39:20. Abarashi bamuteye kubabara,

Bamurashe imyampi, baramuvumbukira.

24 # Yob 29:20; Zab 80:1; 132:2, 5; Yes 1:24; 28:16. Arik’ umuheto wiwe wama ubanze,

Ari n’ubukuba mu maboko,

Abihawe n’amaboko y’Inyenkomezi ya Yakobo,

Ari yo Mwungere, Igitandara ca Isirayeli,

25 # Ita 35:3, 11; Gus 33:13. Ni yo Mana ya so, izogufasha.

Īshobora vyose izoguha imigisha,

Imigisha iva iyo mw ijuru hejuru,

N’imigisha iva mu mazi y’i kuzimu,

Izoguha umugisha w’ibere ryiza n’inda ishira imbere.

26 # Gus 33:15, 16. Imihezagiro yanje so

Irengeye iyo ba sogokuru bāhezagira,

Ishika ah’imisozi y’intahava igarukira:

Izoba ku mutwe wa Yosefu,

Mu gitwariro c’uwagizwe umukuru muri bene se.#49:26 Canke, uwarobanuwe muri bene se.

27 # Ita 35:18; Gus 33:12; Abac 20:21, 25. Benyamini n’ibingira ry’amero;

Mu gitondo arotsa ico yahize,

Ku mugoroba akagabanganya isahu.

28Abo bose ni bo miryango y’ Abisirayeli, ukw ar’icumi n’ibiri: ivyo ni vyo se yababgiye, abahezagira, umuntu wese amuhezagira umuhezagiro ukwiranye na we.

Urupfu rwa Yakobo

29 # Ita 23:9; 25:8; 47:30. Arabihanikiriza, arababarira, ati Ngira mpamvye abacu: muze mumpambe hamwe na data na sogokuru mw isenga iri mw itongo ryar’ irya Efuroni Umuheti; 30#Ita 23:16-18.ari yo senga yo mw itongo ry’i Makipela, aharābana n’i Mamure, mu gihugu c’i Kanani, ni yo Aburahamu yaguze hamwe n’iryo tongo, kuba aho yīzīziye ho guhamba, ahaguze na Efuroni Umuheti. 31#Ita 23:19; 25:9; 35:29.Ni ho bahamvye Aburahamu na Sara umugore wiwe; ni ho bahamvye Isaka na Rebeka umugore wiwe, kandi ni ho nahamvye Leya. 32Iryo tongo n’isenga iri muri ryo vyaguzwe mu Baheti.

33 # Ivyak 7:15. Yakobo arangije kwihanikiriza abana biwe, arikwega asubiza amaguru ku buriri, araheza aracīkāna, ahamvya ababo.

Currently Selected:

Itanguriro 49: RUN1967

Highlight

Copy