Popular Bible Verses from Itanguriro 49

Share

Icumu ry’ubugabe ntirizova kuri Yuda, Inkoni yo kuganza ntizova hagati y’ibirenge vyiwe, Nyene vyo ataraza: Uwo ni we amahanga azokwumvira.

Yosefu n’ishami ry’igiti cama cane, Ishami ry’igiti cama cane kiri hafi y’isōko: Amashami yaco arenga uruzitiro rw’amabuye. Abarashi bamuteye kubabara, Bamurashe imyampi, baramuvumbukira.

Arik’ umuheto wiwe wama ubanze, Ari n’ubukuba mu maboko, Abihawe n’amaboko y’Inyenkomezi ya Yakobo, Ari yo Mwungere, Igitandara ca Isirayeli, Ni yo Mana ya so, izogufasha. Īshobora vyose izoguha imigisha, Imigisha iva iyo mw ijuru hejuru, N’imigisha iva mu mazi y’i kuzimu, Izoguha umugisha w’ibere ryiza n’inda ishira imbere.

Weho, Yuda, abo muvukana bazogushima: Ukuboko kwawe kuzogwa abansi bawe mu gahogo; Bene nyoko bazokwikubita imbere. Yuda n’ikibunda c’intambge: Uradūze, mwana wanje, uvuye mu ruhīgi. Arūnamye, abunda nk’intambge, Mbere nk’intambge y’ingore: ni nde yohangāra kuyūbura?

Reyubeni, ur’ imfura yanje, n’inkomezi zanje, n’ubuzibūra bganje: War’ akarenzo mu cubahiro, war’ akarenzo mu bubasha; Nk’ukw amazi asūriranya, ni ko nawe umeze, nuko ntukibaye akarenzo, Kuko wūriye uburiri bga so, Ukabuhumanya: mbere yūriye aja mu buryamo bganje!