Popular Bible Verses from Itanguriro 50

Share

Kubganyu mwagabiye kungirira nabi, arikw Imana yo yagabiye kubizanisha ivyiza, kugira ngw ishitse ibiriho mur’ iyi misi, ikize abantu benshi, boye gupfa.

Yosefu arababarira, ati Nta co mutinya! Mbega jewe ndi mu gishingo c’Imana?

None rero mureke gutinya: nzobaha ivyo kubatunga, mwe n’abana banyu. Nukw arabaremēsha, ababarira neza.

ati Muze mubgire Yosefu, mut’ Arakwinginze, harira bakuru bawe igicumuro cabo n’icaha cabo, kuko bakugiriye nabi. Nuko none turakwinginze, uduharire twebge abashumba b’Imana ya data igicumuro cacu. Yosefu yumvise amajambo yabo, aca ararira.

Yosefu abarira ab’i wabo, ati Ndi hafi gupfa; arikw Imana ntizobura kubagendera, ikabakūra mur’ iki gihugu, ikabajana mu gihugu yarahiye Aburahamu na Isaka na Yakobo kw izobaha.

Yosefu arahiza Abisirayeli, at’ Imana ntizobura kubagendera, namwe muze mukūre amagufa yanje ino, muyadūgane.

Nuko Yosefu ahwera amaze imyaka ijana n’icumi: baramwosa, bamubīka mw isandugu yo kumuhambamwo, aho nyene muri Egiputa.