Matewu 5

Tshumayelo wa mugigomoni

1Na wonide mwandra, a di gwela mugigomoni avbo a ngaya khalago. Vapizane vaye va di hidzimela.

Makategwa

(Luka 6:20-23)

2Khavbo avbo, a di khusedza lito a gu va hevbudza, khuye:

3“Si kategide sisiwana liphuvboni,

kholu khwawe Mufumo wa Ndzadzini.

4 # Wona gambe: Isa 61:2. Va kategide vale va lilago,

kholu va na tangadziswa.

5 # Wona gambe: Dzind 37:11. Va kategide va nya gurula,

kholu va na hodza thomba nya litigo.

6 # Wona gambe: Isa 55:1-2. Va kategide vale va gu ni ndzala ni lidora nya ndruda,

kholu va na khuriswa.

7Va kategide va nya wuhindzi,

kholu va na giredwa wuhindzi.

8 # Wona gambe: Dzind 24:4. Va kategide va nya myonyo nya yadi,

kholu va na wona Nungungulu.

9Va kategide vakhongoteli nya vathu,

kholu va na ranwa sanana sa Nungungulu.

10 # Wona 1 Ped 3:14. Va kategide vale va saniswago khu gu landra ndruda,

kholu khwawe Mufumo wa Ndzadzini.

11 # Wona gambe: 1 Ped 4:14. “Mu kategide enu, mwa gu vadwa, mu saniswa, mu singedzwa guvivba gwatshavbo khu kotani yangu.

12 # Wona gambe: 2 Dzik 36:16; Mith 7:52. “Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Enu mu munyu ni wenengedzo nya litigo

(Marko 9:50; Luka 14:34-35)

13“Enu mu munyu nya litigo! Aholu munyu wa gu phusa, wu na lungwa khu ginani? Kha wu nga gu phasa gilo; wa gu vbaladzwa vbavbatshi, wu gandredzedwa khu vathu.

14“Enu mu wenengedzo nya litigo! Kha li kodzegi gu tshirwa lidhoropa li vbahidwego mugigomoni. 15Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani. 16#Wona gambe: 1 Ped 2:12. Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini. 17Mu nga pimisi nya gukhenu nyi tede guta tshipisa Nayo, mwendro sihevbudzo sa vaprofeti: Kha nya tela guta fuvisa; aholu, nyi tede guta tadzisa. 18#Wona gambe: Luk 16:17. Kholu, khu lisine nyi ngu mi embelani, kheni: Kala yi gu vbindra ndzadzi ni mafu, mwalo ni thumo moyo wu na gu duswago Nayo nyamba tadzisega. 19Khu kharato, uye a na gu kanyisago siguruvedzo sesi nya sidugwana, a hevbudza kharato vathu, a na bani ari dugwana Mufumoni wa Ndzadzini. Aholu uye a si landrisago ni gu si hevbudza mu vathuni, a na bani ari khongolo Mufumoni wa Ndzadzini. 20Kholu nyi ngu mi embelani; gululama gwanu gwa mba vbindra ugo nya vahevbudzi nya Nayo ni Vafarisi, gima kha mu na bela Mufumo wa Ndzadzini.

Gutsetselelana

(Luka 12:57-59)

21“Mu pwide iso va nga embedwa va gale gupwani: ‘U nga songi; uye a songago a ni fanelo nya gulamudwe.’ 22Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo. 23Khu kharato, wa guya gira ningelo wago vbagiluvelotunu, nuri vbakari, u dundruga gukhuwe u hosede ndriyago, 24diga ningelo wago vbagiluvelotunu, uya phela khu gukhongotelana ni ndriyago; khavbo u wuyago gwadi u ta gira ningelo wago.

25“Wa gu hongola ni nala wago pfhumutunu, zama gu mu khongotela na mu ngari ndzilani; a ngaya gu ningela ga mulamuli, mulamuli a gu ningela ga vanyakasane, vanyakasane vaya gu khothela pasoni. 26Khu lisine nyi ngu gu embela, kheni: Khu na duga khu mule nu si gu livbi mangava yatshavbo.

Gudogolela nyamayi

27 # Wona gambe: Eks 20:14; Dhet 5:18. “Mu pwide iso va nga embedwago vagale gupwani: ‘U nga bhayi.’ 28Gasi eni nyi ngu mi embelani, kheni: Watshavbo uye a khedzago nyamayi, khu gu mu dogorela, bhayide naye monyoni gwaye. 29#Wona gambe: Mat 18:9; Mark 9:47. Khu kharato, wa gu wona nya gukhuwe liso lago la nyamudye li ngu gu tshunganisa, li duse u dzudzuga, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo. 30Wa gu wona nya gukhuwe gyandza gyago gya nyamudye gi ngu gu tshunganisa, gi pile u dzudzuga hwindzo, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo.

Guhambanisa wugadzi

(Matewu 19:9; Marko 10:11-12; Luka 16:18)

31“Gu ganedwe gambe gupwani: ‘Uye a hulago mwangadzi waye, a na mu ninge lidangalila nya musi nya guhulane.’ 32Gasi eni nyi ngu mi embelani, kheni: Watshavbo uye a hulago mwangadzi waye, vbavbandze nya wubhayi a ngu mu girisa gibhayi. Mwama a na mu dzegago a na khala nuye gibhayi.

Gumba sambanya malipha

33 # Wona gambe: Levh 19:12; Mit 30:2; Dhet 23:21. “Mu pwide gambe iso va nga embedwago va gale, gupwani: ‘U nga sambanyi malipha, aholu u na landrisa gisambanyo u nga girago ga Pfhumu.’ 34#Wona gambe: Jak 5:12; Isa 66:1; Mat 23:22. Gasi eni nyi ngu mi embelani, kheni: Mu nga phazamini sanu mu gu sambanya, ambari khu ndzadzi, kholu gikhalo nya Mufumo wa Nungungulu; 35ambari khu litigo, kholu khavbo a vegago avbo migondro yaye; ambari khu Jerusalema, kholu lidhoropa la mufumeli khongolo, 36ambari khu hungo wago wunene, kholu khu dzi kodzi gu vbindrugedza ndzudzu wago, moyo basi, wu aga mwendro wu sivbala. 37Guganela gwanu gu na khale ina nya gutiye, a gu bani ari ina; ahihi nya gutiye, a gu bani ari ahihi. Kholu iso si hambanago nesi sa gu vangwa khu liphuvbo nya guvivbe.

Guhunisela

(Luka 6:29-30)

38 # Wona gambe: Eks 21:24; Levh 24:20; Dhet 19:21. “Mu pwide iso si nga ganedwa, nya gupwani: ‘Liso khu liso, likhwaha khu likhwaha.’ 39Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade. 40Uye a vbwetago gu gu ketsari, na gufela gu gu dzegela ngandzu yago, mu ninge gambe libhadzi. 41Uye a gu gurumedzago gu mu vbwelegedza pfhuka nya kilometro mweyo, engedzela gu mu vbwelegedza mumbe pfhuka yi khala mivili. 42Uye a gu lombago, mu ninge. U nga pfhurareli uye a gu fiyarigo.

Gugola valala

(Luka 6:27-28,32-36)

43 # Wona gambe: Levh 19:18. “Mu pwide iso si nga ganedwa nya gupwani: ‘U na gola va na gyanu, u zondra nala wago.’ 44Gasi eni nyi ngu mi embelani gukheni: Golani valala vanu; lombelelani khu vale va mi sanisago. 45Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi. 46Kholu, mwa gu gola basi avo va mi golago, tshatshazelo muni mu na gu wu manago? Kha va ngu gira navo vakhuphisi, gani? 47Mwa gu losa basi vandriyanu, gilo muni nya giphya mu girago? Kha va ngu gira navo va nya mayigo, gani? 48#Wona gambe: Dhet 18:13. Khu kharato, lulamani mulisineni kha nga Babe wanu wa Ndzadzini a lulamidego.

Currently Selected:

Matewu 5: BGG2014

Highlight

Copy