Matewu 6

Miningelo nya zomola

1 # Wona gambe: Mat 23:5. “Dzi woneleni mwa gu gira thumo nya wadi mu nga dwaneli gu wonwa khu vathu. Mwa gu gira kharato kha mu na ningwa tshatshazelo khu Babe wanu a guromo Ndzadzini. 2Khu kharato, wa gu ningela zomola, u nga wombi pundru, kha nga idzo va girago va nya matshandza mudzinyumbani nya nombelo ni mudzindzilani, na va gufela gu zundzwa khu vathu. Khu lisine, nyi ngu mi embelani nya gukheni, va hakhide tshatshazelo yawe. 3Aholu, wa gu ningela zomola, zama gu gyandza gyago gya nyambade gisi giti igyo gi girwago khu gyandza gya nyamudye, 4gasi zomola yago yi si tidwi khu muthu. Kharati, Babe wago, a gu uye a wonago iso si sihadego, a na gu ninga tshatshazelo.

Jesu a ngu hevbudza gu lombelela

5 # Wona gambe: Luk 18:10-14. “Mwa gu lombelela, mu nga giri kha nga va nya matshandza, va golago gu lombelela na va emide dzinyumbani nya nombelo ni mahandzakanyani nya dzindzila, na va gufela gu wonwa khu vathu. Khu lisine nyi ngu mi embelani nya gukheni va hakhide tshatshazelo yawe. 6#Wona gambe: Isa 26:20. Gasi uwe, wa gu lombelela, sega lidimba, u bela makhuvini gwago u lomba ga Babe wago, nu si wonwi khu muthu, gasi uye a wonago iso si sihadego, a na gu ninga tshatshazelo.

7“Milombeloni yanu mu nga tadzi mahungu nya mangi, kha nga idzo ma girago mahedheni, na ma gu pimisa nya gukhayo kharati khavbo ma na pwidwago. 8Enu mu nga girini kharato, kholu, Nungungulu Babe wanu a ngu siti iso si mi kenelelago na mu si gu mu lombi.

Nombelo wa Pfhumu

(Luka 11:2-4)

9“Khu kharato, lombelelani, kharati:

‘Baba wathu u guromo Ndzadzini,

lina lago li na rungudzwe.

10Mufumo wago wu nate;

Gudzina gwago gu na girege mafuni kha nga Ndzadzini.

11Guhodza gwathu nya litshigu ni litshigu hivbe muhuno.

12Hi pwele sihoso sathu,

kha nga ethu hi va pwelago avo va hi hoselago.

13U nga hi digi hi gu thega mugusengwani,

aholu hi vbulugise guvivbani.’

Khwago mufumo ni tshivba ni wudhumo kala gupindruga. Amen.

14“Kholu mwa gu divalela vathu sihoso sawe va nga mi hoselago, Babe wanu a guromo Ndzadzini a na mi divalela nenu. 15Aholu mwa gumba divalela sihoso sa avo va mi hoselago, Babe wanu nuye kha na mi divalela nenu sihoso sanu.

Mahalelo nya yadi

16“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe. 17Gasi uwe, wa gu hala, hamba khovbe, u phorola mafura hungoni, 18gasi u si tidwi khu muthu gupwani u ngu hala, vbavbandze ga Babe wago a guromo gusihalani. Uye a wonago iso si sihadego, a na gu ninga tshatshazelo.

Hengeledzelani thomba Ndzadzini

(Luka 12:33-34)

19 # Wona gambe: Jak 5:2-3. “Mu nga hengeledzeli thomba mafuni momu, umo yi dzi kodzago gu pfhurela, ni gu hodzwa khu muhwa ni gu phangwa khu dzimbafa. 20Aholu, hengeledzelani thomba Ndzadzini, umo yi si dzi kodzigo gu pfhurela, ni gu hodzwa khu muhwa, mwendro gu phangwa khu dzimbafa. 21Kholu avbo yi guromo thomba yago, khavbo wu na bani wu romo nuwo monyo wago.

Mwenge nya givili

(Luka 11:34-36)

22“Kandriya nya givili khu maho. Maho yago ma gu bani ma wona gwadi, givili gyago gyatshavbo gi na wenengedzwa. 23Aholu ma gu bani ma dwala, givili gyago gyatshavbo gi na khala mugidemani. Khu kharato, mwenge wu guromo milini gwago wa gu khala gidema, mili wago watshavbo wu na khala gidema nya guthise!

Mu nga khozeli Nungungulu ni dzithomba

(Luka 16:13)

24“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Nungungulu kha divaledwi khu vathu vaye

(Luka 12:22-31)

25“Khu kharato nyi ngu mi embelani, kheni: Mu nga garadzegi khu guvbanya gwanu, na mu gu pimisa, khenu: Ginani hi na hodzago, mwendro ginani hi na selago mwendro sanu gu sanisekani khu givili gyanu, na mu gu pimisa, khenu: Ginani hi na ambalago. Ina givili kha gi phasi guvbindra guambala, gani? Ni guvbanya kha gu vbindri guhodza, gani? 26Nga wonani sinyoni sa damboni. Kha si yali, kha si vbweri, gambe kha si hengeledzeli gilo sisangalani. Aholu, Babe wanu a guromo Ndzadzini a ngu si hodzisa. Ina enu kha mu vbindri sinyoni, gani? 27Khu mani, vbakari gwanu, a dzi kodzago gu dzi engedzela matshigu nya guvbanye, khu kotani nya gu dzi garadze gwaye?

28“Khu ginani mu dzi garadzago khu guambala? Nga wonani senge nya likhabi, idzo si dandrago khidzo! Kha si thumi gambe kha si lugi dzitshalu. 29#Wona gambe: 2 Dzik 9:2-6. Aholu nyi ngu mi embelani, kheni: Ambari Solomoni, gufumani gwaye gwatshavbo, kha ambala kha nga gimwegyo gyakone. 30Ambari nya gukhenu mwasi, nya gu muhuno womo thembweni, mindru wu rinywa niloni, wu ambagiswago kharati khu Nungungulu, ahati enu, vathu nya gukhodwe vbadugwana? 31Mu nga garadzegi, khenu, hi na hodza ginani? Hi na sela ginani? ‘Hi na ambala ginani?’ 32Va nya mayigo khavo va dzi garadzago khu isoso. Aholu Babe wanu a guromo Ndzadzini a ngu dziti nya gukhuye mu ngu si vbweta satshavbo soso. 33Aholu, guphela dwanelani Mufumo wa Nungungulu ni gugola gwaye; gasi simbe mu na ningwa khu gu engedzedwa. 34Khu kharato, mu nga dzi garadzi khiso sa mindru, kholu litshigu la mindru li nagya ni sigaradzo saye, kha nga mu dzitigo nya gukhenu litshigu ni litshigu la gugya ni dzaye.

Currently Selected:

Matewu 6: BGG2014

Highlight

Copy