Popular Bible Verses from Matewu 5

Share

Kha yi rothwi kandriya yi fenengedzwa khu gitundru, aholu ya gu vegwa avbo yi kodzago gu wenengedza khavbo vatshavbo va guromo nyumbani. Khu kharato wu na dzure mwenge wanu mahoni nya vathu, gasi, va wone mithumo yanu nya yadi, va dhumise Babe wanu a guromo Ndzadzini.

“Enu mu wenengedzo nya litigo! Kha li kodzegi gu tshirwa lidhoropa li vbahidwego mugigomoni.

Va kategide va nya myonyo nya yadi, kholu va na wona Nungungulu.

Va kategide vale va gu ni ndzala ni lidora nya ndruda, kholu va na khuriswa.

Gasi eni nyi ngu mi embelani gukheni: Golani valala vanu; lombelelani khu vale va mi sanisago.

“Si kategide sisiwana liphuvboni, kholu khwawe Mufumo wa Ndzadzini.

Va kategide vakhongoteli nya vathu, kholu va na ranwa sanana sa Nungungulu.

Va kategide vale va lilago, kholu va na tangadziswa.

Va kategide vale va saniswago khu gu landra ndruda, kholu khwawe Mufumo wa Ndzadzini.

Va kategide va nya wuhindzi, kholu va na giredwa wuhindzi.

“Mu kategide enu, mwa gu vadwa, mu saniswa, mu singedzwa guvivba gwatshavbo khu kotani yangu. “Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Va kategide va nya gurula, kholu va na hodza thomba nya litigo.

“Enu mu munyu nya litigo! Aholu munyu wa gu phusa, wu na lungwa khu ginani? Kha wu nga gu phasa gilo; wa gu vbaladzwa vbavbatshi, wu gandredzedwa khu vathu.

Khu kharato, lulamani mulisineni kha nga Babe wanu wa Ndzadzini a lulamidego.

Guganela gwanu gu na khale ina nya gutiye, a gu bani ari ina; ahihi nya gutiye, a gu bani ari ahihi. Kholu iso si hambanago nesi sa gu vangwa khu liphuvbo nya guvivbe.

“Mu pwide iso si nga ganedwa, nya gupwani: ‘Liso khu liso, likhwaha khu likhwaha.’ Gasi eni nyi ngu mi embelani gukheni: Mu nga dzi vhikeli ga valala vanu. Wa gu vetwa pama gihaya gya nyamudye, ningedzela gambe gya nyambade.

Khu kharato, wa gu wona nya gukhuwe liso lago la nyamudye li ngu gu tshunganisa, li duse u dzudzuga, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo. Wa gu wona nya gukhuwe gyandza gyago gya nyamudye gi ngu gu tshunganisa, gi pile u dzudzuga hwindzo, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo.