Marko 2

1Kandi lwa yingira mu Kapernaume inyima ya madiku ga duki, ga hulirwa Yesu a veye munyumba. 2Nonoho vanyingi va vugana va luha va vula kunyola ha vikaia, kali ha kiliango; na a va volera likuva. 3Vadza ni va mu letera mundu wa fwogoya, ni va mu ginga avandu vane. 4Lwa va vula kwisunda kuye himbi, kigira avandu va li vanyingi, va veta ha kisegese ha bulungi ha ya li, lwa va mala ki kuhudula, vikidza kitali kya wa fwogoya ya gona ku. 5Yesu lwa ya lola lisuuvira lyavo, ya volera wa fwogoya, Mwana wange, ubwoni bubwo bu sameheywi. 6Navutswa va li ho avang'odi valala ni vikala, ni va ganagana mu myoyo gyavo, 7Kigira ki mwene uyu a vola ndi? A nyega: ibwaha u nyala kusameha bwoni, navutswa mulala, Nyasaye yeng'ine? 8Nonoho Yesu ya ma nya mu mwoyo gwigwe va ganagana ndi mu myoyo gyavo, ya va volera, Kigira ki mu ganagana ndi mu myoyo gyenyu? 9Ki veye kyangu ni ki li ha kuvolera wa f wogoya, Ubwoni bubwo bu sameheywi; naho kuvola, Singira, u ginge kitali kikyo, u gende? 10Navutswa mu duke kumanya Mwana wa Adamu a veye netsingulu mu kivala kusameha ubwoni (ya volera wa fwogoya), 11Nku volera, Singira, u ginge kitali kikyo, u tsie yengo wowo. 12Ya singira, na a vugula kitali kikye nonoho, na a tsia imbiri wavandu vosi; va manya va genya ni vidzominya Nyasaye, ni va vola, Ku kikiri kulola ku yaga mba.

13Kandi ya twula na a tsia ku luginga lwenyanza; kandi kiduma kyosi kya vunga kuye, na a vegidza. 14Lwa ya li na a vita ya lola Levi wa Alfayo ni yikaye ha va sololera ubushutu, na a mu volera, U nonde. Na a singira na a mu londa.

15Lwa yikala kulia mu inyumba yeye, kandi avasololi vobushutu vanyingi navoni vikala halala na Yesu navegidzwi veve: kigira va li vanyingi va mu londa. 16Ku, avang'odi na Vafarisayo lwa va mu lola na a lia halala navoni navasololi vobu shutu, va volera avegidzwi veve, Kigira ki a litsa na a nwa halala nava sololi vobushutu navoni? 17Yesu lwa ya ga hulira, ya va volera, Avalamu si venya mwahi wetsinyasi, navutswa avalwaye veng'ine: si ndadza kulanga avalungi, navutswa avoni.

18Avegidzwi va Yohana na Vafarisayo va honga lilia; ni vadza ni va mu volera, Kigira ki avegidzwi va Yohana na Vafarisayo va honga lilia, navutswa avegidzwi vovo si va honga lilia mba? 19Yesu ya va volera, Avalina voserereywi va nyala kuhonga lilia, userereywi na a ve halala navo? Tsinyinga tsyosi tsya userereywi a veye navo halala si va llyala kuhonga lilia. 20Navutswa madiku ga la duka ga userereywi a li hilwa, ku madiku yago va la ka honge lilia. 21Si ha veye nomundu u nava kilave kyengubo impya kungubo i kunguhi: na a kola ndiyo kilave kihya kyokuhanera, ki la tandula i kunguhi ki dasa litandula. 22Kandi si ha veye nomundu u tsuka iwaini impya mu tsimuya tsinkulu: na a kola ndiyo iwaini impya i la tandula tsimuya, na iwaini i loneka netsimuya tsyoneka; navutswa iwaini impya i tsukwa mu tsimuya tsimpya.

23Lwa ya vita mmilimi gyobuswage lidiku lyelisabato, avegidzwi veve lwa va li ni va genda va tanga kugudula ubuswage. 24Na Vafarisayo va mu volera, Henza, kigira ki va kola agomugyiru ku lisabato? 25Na a va volera, Si mwa soma ligali aga Daudi ya kola, lwa ya li na a damba na a lola inzala, mwene navakye? 26Kuli wa yingira mu nyumba ya Nyasaye, mmadiku ga Abiatara musalisi munene, na a lia milango gyokumannyira, nagyo numugviru kugyilagira navutswa avasalisi veng'ine, kandi ya ha ku avakye? 27Na a va volera, Lisabato lya lomberwa avandu, navutswa avandu si va lomberwa lisabato mba: 28na ndiyo Mwana wa Adamu nu Mwami welisabato kandi.

Currently Selected:

Marko 2: MBE

Highlight

Copy