Popular Bible Verses from Marko 2

Share

Yesu lwa ya ga hulira, ya va volera, Avalamu si venya mwahi wetsinyasi, navutswa avalwaye veng'ine: si ndadza kulanga avalungi, navutswa avoni.

Yesu lwa ya lola lisuuvira lyavo, ya volera wa fwogoya, Mwana wange, ubwoni bubwo bu sameheywi.

Na a va volera, Lisabato lya lomberwa avandu, navutswa avandu si va lomberwa lisabato mba

Lwa va vula kwisunda kuye himbi, kigira avandu va li vanyingi, va veta ha kisegese ha bulungi ha ya li, lwa va mala ki kuhudula, vikidza kitali kya wa fwogoya ya gona ku.

Navutswa mu duke kumanya Mwana wa Adamu a veye netsingulu mu kivala kusameha ubwoni (ya volera wa fwogoya), Nku volera, Singira, u ginge kitali kikyo, u tsie yengo wowo.

Ki veye kyangu ni ki li ha kuvolera wa f wogoya, Ubwoni bubwo bu sameheywi; naho kuvola, Singira, u ginge kitali kikyo, u gende?

Ya singira, na a vugula kitali kikye nonoho, na a tsia imbiri wavandu vosi; va manya va genya ni vidzominya Nyasaye, ni va vola, Ku kikiri kulola ku yaga mba.