LUKA 3

Obukambi bwa Yohana Omubaputisi

(Mat. 3:1-12; Mk. 1:1-8; Yoh. 1:19-28)

1Mumuhika kwelikhumi nakharano okwobwami bwo Omuruchi Tiberio, Pontio Pilato yali nali Omukafuna we Buyahudi ne Herode nali omwami we Galilaya ne Filipu omusiani wabwe nali omwami womumbeka tsia Iturea nende Tarakoniti; Lusania naye nali omwami wa Abilene; 2ne Anasi nende Kayafa bali abesaalisi abakhongo. Olwene yilwo ling'ana lia Nyasaye liabisukha khu Yohana Omwana wa Sakaria nali musitsiimi. 3Kho Yohana yatsia mumbeka tsiosi etsio omuchela kwa Yorodani, nakambanga, “Murule mutsimbi tsienywe, mubaputiswe, ne Nyasaye namulekhele tsimbi tsienywe.” 4Singa obwa kahandikwa musitapu siomuroobi Isaya:

“Omundu nalebe alanjisianga musitsiimi.

‘Mulombele Omwami injila yiye

mulunjisie emihanda chichie#Isaya 40:3-5

5Siolubanda lwil'lusibwe

siesianichisi nende esikulu simumulwe

ahasiamu hosi hakol'losibwe,

tsinjila tsia machinjili tsirelesibwe.

6Ne abandu bosi bakhalole obuhoni bwa Nyasaye.’ ”

7Yohana nabool'la emikanda eminji echietsa khuye khulwa okhubaputiswa, “Inywe olwibulolwe tsinzokha, niwina omuchetsihisie okhwilukha lirima eliitsanga?#Mat. 12:34; 23:33 8Mukhole ebindu ebiakhamanyia mbu murul'le mutsimbi tsienywe. Ne murachiaka okhuboola khubwenywe, ‘Ifwe khuli nende Aburahamu kuka wefwe.’ Mubool'langa siahene mbu Nyasaye anyala okhubukula amachina yaka alombele Aburahamu abetsukhulu.#Yoh. 8:33 9Nebutswa luno imbatso yerechekhele okhuremaka ebisina biemisaala. Siomusaala okuraama ebiamo ebilahi kularemakwa nikufuubwa mumul'lo?”#Mat. 7:19

10Omukanda kwabandu nikumureba, “Kho khukhole sina?” 11Nakalusia, “Wosi oli nende tsingubo tsibili akabul'le khwo obula ingubo, ne oli nende ebiokhulia khandi naye akhole mbwo.” 12Abasololi bobusuru betsa khuye mbu ababaputise, nibamureeba, “Omwibaali, khukhole sina?”#Lk. 7:29 13Naye nabakalusia, “Murasololenge obusuru okhuyomba obwa kalakwa tawe.” 14Abasikari abalala nabo nibamureeba, “Nefwe khukhole sina?” Nabakalusia, “Murakhabukula ebindu biomundu wosi khulwe tsingufu nohomba okhuyaala omundu wosi khulwobubehi tawe. Omurungo kwenywe kumuhelenge.”

15Bosi bali nibalindil'langa esindu nalebe ma nibachiaka okhupaala mumioyo chiabwe khuka Yohana, akhali niye Masihi noho? 16Ma Yohana nababool'la bosi, “Ise mubaputisanga mumatsi, nebutswa aliho owitsanga oli nobunyali okhunyomba. Ise kata singwan'ne okhwinama okhubohol'la emikoye chiebilaro bibie tawe. Yakhamubaputise mu Mwoyo Omutsienukhu nomul'lo. 17Ali nende olutelu lulwe mumukhonokwe khulwa okhuseesa nende okhwilula ingano yiye are musitela, ne omukhuutsi yakhasambe nende omul'lo okurasimanga.”

18Yohana yatinyilisia abandu namang'ana amenji, nabatsuuba nende okhubakambila Amang'ana Amalahi. 19Nebutswa Yohana yakondekhela Herode, owali Omuruchi sichila yali nabukuye Herodia omukhasi womusiani wabwe, ma khandi yali niyakhola akandi amenji amabi.#Mat. 14:3-4; Mk. 6:17-18 20Ma khandi Herode yameeta yili khu kandi kosi, yara Yohana mubuhambe.

Okhubaputiswa khwa Yesu

(Mat. 3:13-17; Mk. 1:9-11)

21Olwa abandu bosi bali nibamal'le okhubaputiswa, Yesu naye nabaputiswa. Ne olwa yali nasaayanga likulu liekukha, 22ne Omwoyo Omutsienukhu niyekha mukhufwana khwelikhulwi, nayela khuye; Omwoyo nikurula mwikulu nikuboola, “Ibe niwe Omwana wanje owa ndayanza, owasangal'langa okhusila.”#Okhuch. 22:2; Etsisa. 2:7; Isaya 42:1; Mat. 3:17; Mk. 1:11; Lk. 9:35

Abakuka nyene Yesu

(Mat. 1:1-17)

23Olwa Yesu yachiaka emilimochie khumikanda yali nali ne mihika amakhumi kataru. Abandu bakanakananga no mwana wa Yosefu wa Eli. 24Eli yali omwana wa Matati, omwana wa Lawi, omwana wa Maliki, omwana wa Yanai, omwana wa Yosefu, 25omwana wa Matatsia, omwana wa Amosi, omwana wa Nahumu, omwana wa Esili, omwana wa Nagai, 26omwana wa Mati, omwana wa Matatsia, omwana wa Semeini, omwana wa Yoseki, omwana wa Yoda, 27omwana wa Yoanani, omwana wa Resa, omwana wa Serubabeli, omwana wa Shealitieli, omwana wa Neri, 28omwana wa Maliki, omwana wa Adi, omwana wa Kosamu, omwana wa Elimadama, omwana wa Eri, 29omwana wa Yoshwa, omwana wa Elieseri, omwana wa Yorimu, omwana wa Matati, omwana wa Lawi, 30omwana wa Simioni, omwana wa Yuda, omwana wa Yosefu, omwana wa Yonamu, omwana wa Eliakimu, 31omwana wa Melea, omwana wa Mena, omwana wa Matatsa, omwana wa Natsani, Omwana wa Daudi, 32omwana wa Yese, omwana wa Obedi, omwana wa Boasi, omwana wa Salumoni, omwana wa Nahashoni, 33omwana wa Aminadabu, omwana wa Adimini, omwana wa Haruni, omwana wa Hesironi, omwana wa Feresu, omwana wa Yuda, 34omwana wa Yakobo, omwana wa Isaka, omwana wa Aburahamu, omwana wa Tera, omwana wa Nahori, 35omwana wa Serugu, omwana wa Ragau, omwana wa Pelegu, omwana wa Eberi, omwana wa Shela, 36omwana wa Kainani, omwana wa Arafakasadi, omwana wa Shemu, omwana wa Noa, omwana wa Lameki, 37omwana wa Metsusela, omwana wa Enoka, omwana wa Yaredi, omwana wa Mahalaleli, omwana wa Kainani, 38omwana wa Enoshi, omwana wa Setsi, omwana wa Adamu, Omwana wa Nyasaye.

Currently Selected:

LUKA 3: EBAIBO

Highlight

Copy