Popular Bible Verses from LUKA 3

Share

Olwa abandu bosi bali nibamal'le okhubaputiswa, Yesu naye nabaputiswa. Ne olwa yali nasaayanga likulu liekukha, ne Omwoyo Omutsienukhu niyekha mukhufwana khwelikhulwi, nayela khuye; Omwoyo nikurula mwikulu nikuboola, “Ibe niwe Omwana wanje owa ndayanza, owasangal'langa okhusila.”

Ma Yohana nababool'la bosi, “Ise mubaputisanga mumatsi, nebutswa aliho owitsanga oli nobunyali okhunyomba. Ise kata singwan'ne okhwinama okhubohol'la emikoye chiebilaro bibie tawe. Yakhamubaputise mu Mwoyo Omutsienukhu nomul'lo.

Mukhole ebindu ebiakhamanyia mbu murul'le mutsimbi tsienywe. Ne murachiaka okhuboola khubwenywe, ‘Ifwe khuli nende Aburahamu kuka wefwe.’ Mubool'langa siahene mbu Nyasaye anyala okhubukula amachina yaka alombele Aburahamu abetsukhulu.

Nebutswa luno imbatso yerechekhele okhuremaka ebisina biemisaala. Siomusaala okuraama ebiamo ebilahi kularemakwa nikufuubwa mumul'lo?”

Singa obwa kahandikwa musitapu siomuroobi Isaya: “Omundu nalebe alanjisianga musitsiimi. ‘Mulombele Omwami injila yiye mulunjisie emihanda chichie Siolubanda lwil'lusibwe siesianichisi nende esikulu simumulwe ahasiamu hosi hakol'losibwe, tsinjila tsia machinjili tsirelesibwe. Ne abandu bosi bakhalole obuhoni bwa Nyasaye.’ ”