Markos 4
4
1Hehan ake mde kin icahda waonspewicakiya; unkan wicota ḣinca en mniciyapi, hecen wata wan en ope c̣a, mini ekta iyotanka; unkan oyate kin owasin mde icahda maka akan unpi.
2Unkan wiyacinpi on taku ota onspewicakiya; qa waonspewi cakiya icunhan hewicakiya;
3Naḣon po: Iho, wicaśta woju wan woju iyaya.
4Unkan woju icunhan, apa canku icahda hinḣpaya; unkan zitkatanka en ahiyahe c̣a temyapi.
5Qa apa inyan ehna hinḣpaya, hen maka tonana; unkan maka akantuyedan heon oḣankoya hinanpa.
6Tuka wi hinanpa hehan gu; qa hutkan nice cin heon śniś aya.
7Unkan apa wapepeka hu kin ehna hinḣpaya; unkan wapepeka kin hu uye c̣a aoṭinsya, hecen waskuyeca takudan icage śni.
8Unkan apa maka waśte kin en hinḣpaya, he waskuyeca aicaga; hinanpe c̣a icaga, qa suton, hunḣ wikcemna yamni, hunḣ wikcemna śakpe, qa hunḣ opawinge akihde aicaga ece.
9Hehan hewicakiya; Tuwe noge winaḣon yukan hecinhan, ito naḣon kta.
10Unkan iśnana un hehan, akenonpapi qa tona om ihdukśan unpi kin hena wiyacinpi kin he on iwangapi.
11Unkan hewicakiya; Wakantanka tokiconze woanaḣbe kin hena niye sdonyayapi kta e nic̣upi; tuka tankan unpi kin hena taku owasin wiyacinpi kin on econpi.
12Hecen wawanyakapi on wanyakapi kta, tuka iyukcanpi kte śni; qa winaḣonpi on naḣonpi kta tuka okaḣnigapi kte śni; hecece śni kinhan okinni wicayuhomnipi kta, qa woaḣtani wicakicicajujupi kta.
13Unkan hewicakiya; Wiyacinpi kin de sdonyayapi śni he, hecen token ecin wiyacinpi owasin oyakaḣnigapi kta he.
14Tuwe woju kin he wicoie kin oju ece.
15Tona canku icahda qon, tukten wicoie kin ojupi, tuka he naḣonpi hehan, ecahankeya Wakanśica en hi, qa wicoie cantepi kin en ojupi qon he icu ece, iho, hena eepi.
16Qa he iyececa, inyan ota en ojupi qon, tona wicoie kin naḣonpi ec̣a, kohanna iyuśkinyan icupi ece kin hena eepi;
17Tuka iyepi mahen hutkan nicapi heon aśkayedan icaga; tohan wicoie kin on śicaya wicakuwapi qa śitkihdawicayapi icaga, hehan hinnahanka śihdapi.
18Unkan tona wapepeka hu ehna ojupi qon, tona wicoie kin naḣonpi;
19Unkan maka kin de awacinpi, qa wijicapi on wicahnayanpi, qa taku tokeca cantiheyapi kin hena en u, qa wicoie kin yuoṭinza, hecen wasuton śni, hena eepi.
20Unkan maka waśte kin en ojupi qon, tona wicoie kin naḣonpi eca icupi ece, qa waskuyeca icaḣyapi, wikcemna yamni, wikcemna śakpe, qa opawinge akihde, iho, hena eepi.
21Unkan hewicakiya; Petijanjan koka wan ihukuya, qa iś ohehdepi ihukuya iyeyapi kta, qa petijanjan ihupa en ośtanpi kte śni, aupi he.
22Taku akaḣpetonpi qa yutaninpi kte śni wanic̣a; qa taku anaḣmanpi qa iyoyanpa en aupi kte śni wanica ce.
23Tuwe noge winaḣon yukan hecinhan he naḣon kta.
24Unkan hewicakiya; Taku nayaḣonpi kin awacin po. Wiyutapi kin tukte on widutapi ece kin, he on ake winiciyutapi kta, qa tona anagoptan dukanpi kin sanpa nic̣upi ece e kta.
25Tuwe wayuhe cin he sanpa taku qupi kta; qa tuwe takudan yuhe śni, taku yuhe cin hee kaeś kipi kta.
26Unkan heya; Wakantanka tokiconze kin he wicaśta wan taku su kin maka kin en iyoḣpeya, he iyececa;
27Qa iśtinma, qa hanyetu anpetu ko inajin; unkan su kin he hinanpe c̣a icage kta, tuka token icaga he sdonye śni.
28Maka kin he iye cinka waicaḣya ece, ape kin he tokaheya, hehan wahuwapa, qa hehan wahuwapa en tanyan wasuton ece.
29Unkan wanna suton hehan kohanna isan śkopa kin en iyekiya, wanna kaśdapi kta iyehantu nakaeś.
30Hehan heya; Taku e Wakantanka tokiconze kin iyececa unyawapi kta he; qa wiyacinpi kin tukte e on unkiyacinpi kta he.
31Sinape su wan iyececa, he maka kin en eḣpeyapi, hehan taku su maka en un kin owasin he iyotan cistinna;
32Tuka maka kin en ojupi, hehan uye c̣a wato owasin sanpa tanka icaga; adetka tankinyanyan aicaḣya, hecen maḣpiya okinyanpi kin ohanzi ihukuya manpi ece.
33Unkan wiyacinpi hecekcen ota on wicoie kin owicakiyaka, token naḣon okihipi kin he iyececa.
34Qa wiyacinpi codan takudan owicakiyake śni. Unkan iśnana yukanpi, hehan taku owasin waonspewicakiye cin hdaheya owicakiyaka ece.
35Unkan anpetu kin he en, wanna ḣtayetu hehan, hewicakiya; Akasanpa unyanpi kta.
36Unkan wicota kin wanna hdewicaśipi, hehan ecehna wata kin en ohnakapi: qa nakun wata cikcistinna toktokeca opapi.
37Unkan tate tanka wan uya; qa taja wata kin apaspa, hecen wanna mini ojudan.
38Tuka iye wahektapa tanhan ipahin wan akan iśtinma wanka. Unkan yuḣicapi qa heciyapi; Waonspekiye, unkowihankepi kta he etanhan initokeca śni he.
39Unkan iyotanka, tate kin kiśice c̣a mde kin heciya; Owanji yanka wo. Unkan tateyanpa ayuśtan qa amdakedan tanka.
40Hehan hewicakiya; Tokeca kopeyahdapi he; tokeca wicayadapi śni he.
41Unkan nina kokipapi, qa iyakitedan hekiciyapi; De taku wicaśta hwo, tate kin hee kaeś, mde ko anagoptanpi ece.
Currently Selected:
Markos 4: DAKOTANT
Highlight
Share
Copy
Want to have your highlights saved across all your devices? Sign up or sign in
© Copyright 2015 American Bible Society. All Rights Reserved.
