Popular Bible Verses from Markos 4

Share

Unkan iyotanka, tate kin kiśice c̣a mde kin heciya; Owanji yanka wo. Unkan tateyanpa ayuśtan qa amdakedan tanka. Hehan hewicakiya; Tokeca kopeyahdapi he; tokeca wicayadapi śni he.

Unkan nina kokipapi, qa iyakitedan hekiciyapi; De taku wicaśta hwo, tate kin hee kaeś, mde ko anagoptanpi ece.

Tuka iye wahektapa tanhan ipahin wan akan iśtinma wanka. Unkan yuḣicapi qa heciyapi; Waonspekiye, unkowihankepi kta he etanhan initokeca śni he.

Unkan hewicakiya; Taku nayaḣonpi kin awacin po. Wiyutapi kin tukte on widutapi ece kin, he on ake winiciyutapi kta, qa tona anagoptan dukanpi kin sanpa nic̣upi ece e kta.

Unkan heya; Wakantanka tokiconze kin he wicaśta wan taku su kin maka kin en iyoḣpeya, he iyececa; Qa iśtinma, qa hanyetu anpetu ko inajin; unkan su kin he hinanpe c̣a icage kta, tuka token icaga he sdonye śni.

Tuwe noge winaḣon yukan hecinhan he naḣon kta.