NEHEMIA 7
7
1Jaana ga dirala e rile lorako lo sena go agiwa, mme ke sena go tsenya ditswalo, le balebedi ba kgoro le baopedi, le Balefi ba sena go tlhongwa, 2ka tsenya Jerusalema mo tebelong ya ga Hanani nnake, le Hanania molaodi wa kago e e thata ya phemelo; gonne e ne e le monna yo o boikanngo, a boifa Modimo bogolo go gaisa batho ba le bantsi. 3Ka ba raya ka re: “A ditswalo tsa Jerusalema di se bulwe go tsamaye letsatsi le gotele pele; e re ba eme ba lebetse, ba tswale, ba tsenye mephakalego; mme ba tlhome balebedi e le banni ba Jerusalema, mongwe le mongwe mo tebelong ya gagwe, mongwe le mongwe a lebaganye le ntlo ya gagwe.”
Maina a bafaladi ba Bajuta ba ba boetseng gae
(Esera 2:1-70)
4Jaana motse o ne o atlhame, o le mogolo; batho ba bo ba le babotlana mo go one le gone matlo a ne a ise a agiwe. 5Modimo wa me wa go tsenya mo pelong ya me go phutha magosana, balaodi le batho gore ba balwe ka fa ditshikeng tsa bone. Ka bona lokwalo lwa ditshika tsa ba ba tsileng pele, mme ka fitlhela go kwadilwe mo go lone, go twe:
6Ba, ke bana ba kgaolo ele ya lefatshe, ba ba tlhatlogileng mo botshwarong jwa bone, ba ba kileng ba tlosiwa, ba Nebukatenesare kgosi ya Babilone o ne a ba tlosa; mme ba boetse mo Jerusalema le mo Juta, mongwe le mongwe mo motseng wa ga gabo; 7ba ba tsileng le Serubabele, le Ješua, le Nehemia, le Asaria, le Raamia, le Nahamani, le Moretekai, le Bilešane, le Miseperethe, le Bigefai, le Nehume, le Baana. Palo ya banna ba batho ba ba Iseraele ke: 8Bana ba ga Paroše ba le 2 172. 9Bana ba ga Sefatia ba le 372. 10Bana ba ga Ara ba le 652. 11Bana ba ga Pahathe-moabe, ba bana ba ga Ješua le Joabe, 2 818. 12Bana ba ga Elame, 1 254. 13Bana ba ga Satu, 845. 14Bana ba ga Sakai 760. 15Bana ba ga Binui, 648. 16Bana ba ga Bebai, 628. 17Bana ba ga Asegate, 2 322. 18Bana ba ga Atonikame, 667. 19Bana ba ga Bigefai 2 067. 20Bana ba ga Adine, 655. 21Bana ba ga Atere, ba ga Hesekia, 98. 22Bana ba ga Hašume, 328. 23Bana ba ga Besai, 324. 24Bana ba ga Harife, 112. 25Bana ba ga Gibeone, 95. 26Banna ba Bethelehema le Netofa, 188. 27Banna ba Anathothe, 128. 28Banna ba Bethe-asemafethe 42. 29Banna ba Kiriathe-jearime, Kefira le Beerothe, 743. 30Banna ba Rama le Geba, 621. 31Banna ba Mikemaše, 122. 32Banna ba Bethele le Ai, 123. 33Banna ba Nebo o mongwe, 52. 34Bana ba Elame yo mongwe 1 254. 35Bana ba ga Harime, 320. 36Bana ba ga Jeriko, 345. 37Bana ba ga Lote, Hadite le Ono, 721. 38Bana ba ga Senaa, 3 930. 39Baperesiti, bana ba ga Jetaia ba kgotla ya ga Ješua, 973. 40Bana ba ga Imere, 1 052. 41Bana ba ga Pašure, 1 247. 42Bana ba ga Harime, 1 017. 43Balefi; bana ba ga Ješua, ba ga Katemiele, ba bana ba ga Hotefa, 74. 44Baopedi; bana ba ga Asafe, 148. 45Balebedi ba kgoro; bana ba ga Shalume, bana ba ga Atere, bana ba ga Talemone, bana ba ga Akube, bana ba ga Hatita, bana ba ga Shobai, 138. 46Banethinime; bana ba ga Siha, bana ba ga Hašufa, bana ba ga Tabaothe; 47bana ba ga Kerose, bana ba ga Sia, bana ba ga Patone; 48bana ba ga Lebana, bana ba ga Hagaba, bana ba ga Shalemai; 49bana ba ga Hanane, bana ba ga Gitele, bana ba ga Gahare; 50bana ba ga Reaia, bana ba ga Resine, bana ba ga Nekota; 51bana ba Gasame, bana ba ga Usa, bana ba ga Pasea; 52bana ba ga Besai, bana ba ga Meunime, bana ba ga Nefušesime; 53bana ba ga Bakebuke, bana ba ga Hafuka, bana ba ga Harehure; 54bana ba ga Baseluthe, bana ba ga Mehita, bana ba ga Hareša; 55bana ba ga Barekose, bana ba ga Sisera, bana ba ga Tema; 56bana ba ga Nesia, bana ba ga Hatifa. 57Bana ba batlhanka ba ga Solomone; bana ba ga Sotai, bana ba ga Soferethe, bana ba ga Perita; 58bana ba ga Jaala, bana ba ga Darekone, bana ba ga Gitele; 59bana ba ga Shefatia, bana ba ga Hatile, bana ba ga Pokerethe-hasebaime, bana ba ga Amone. 60Banethinime botlhe, le bana ba batlhanka ba ga Solomone, e ne e le 392. 61Ba ke bone ba ba tlhatlogileng kwa Telemela, Telehareša, Kerube, Atone le Imere; mme ba ne ba retelelwa ke go supa makgotla a borraabo, le fa e le losika lwa bone boo ke Baiseraele. 62Bana ba ga Dalaia, bana ba ga Tobia, bana ba ga Nekota, 642. 63Le ba baperesiti, bana ba ga Hobaia, bana ba ga Hakose, bana ba ga Baresilai yo o ne a tsaya mosadi wa bomorwadia Baresilai wa Mogileate a bidiwa ka leina la bone.
64Bao ba batla lokwalo lwa bone mo go ba ba badilweng ka losika, mme lwa se ka lwa fitlhelwa; ke gone ka moo ba kaiwa ba itshekologile, mme ba ntshiwa mo boperesiting. 65 Tirešata a ba raya a re ba se ka ba ja dilo tse di boitshepo jo bo itshepileng go tsamaye go eme moperesiti yo o apereng Urime le Thumime.
66Phuthego e le yotlhe mmogo e ne e le 42 360, 67kwa ntle ga batlhanka ba bone le malata a bone, bao ba bo ba le 7 337; ba bile ba na le baopedi ba le 245, banna le basadi. 68Dipitse tsa bone e le 736, dimmoulo tsa bone e le 245. 69Dikamela tsa bone e le 435, diesela tsa bone e le 6 720.
70Bangwe ba ditlhogo tsa makgotla tsa borara ba ntshetsa tiro madi. Motirešata a tsenya mo polokelong ya dikhumo dikilokerame di le 8 tsa gouta, megotšanyana e le 50, diaparo tsa baperesiti di le 530. 71Bangwe ba ditlhogo tsa makgotla a borara ba tsenya mo polokelong ya dikhumo dikilokerame tsa gouta di le 168, le dikilokerame tsa selefera di le 1 250. 72Se se ntshitsweng ke batho ba bangwe e ne e le dikilokerame tsa gouta di le 168, selefera se le dikilokerame di le 140, le diaparo tsa baperesiti di le 67.
73 Jalo baperesiti, le Balefi, le balebedi ba kgoro, le baopedi, le bangwe ba batho le Banethinime, le Baiseraele botlhe, ba aga mo metseng ya bone. Mme e rile go fitlha kgwedi ya bosupa bana ba Iseraele ba bo ba le mo metseng ya bone.
Currently Selected:
NEHEMIA 7: TSW08NO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.
