MEKO MA ATŨMWA 2
2
Mũthĩnzĩo wa Veva Mũtheu
1 #
Ali 23.15–21; Meko 1.14. Na mũthenya wa Vendekosito wavika, meethĩwa mombanĩte onthe vandũ vamwe. 2#Meko 4.31.Na oyu, o ĩmwe, kwauma kĩuumo ĩtunĩ ta kĩseve kĩnene kĩiuutana, nakyo kyausũa nyũmba yonthe vala mekalĩte. 3#Mt 3.11.Na maumĩlĩlwa nĩ nĩmĩ sya mwaki syĩaanĩtye; na kwĩkalĩla kĩla mũndũ. 4#Meko 4.31; 10.44–46; 19.6.Na onthe mausũwa nĩ Veva Mũtheu, na mambĩlĩlya ũneena na ithyomo ingĩ, o ũndũ Veva wamanengie ũneeni.
5 #
Meko 13.26. Na Yelusaleme kwekalĩte Ayuti, akĩi ma Ngai, ala maumĩte mbaĩnĩ syonthe sya andũ ĩtheo wa ĩtu. 6Na wasya ũsu weew’ĩka, ĩkomano yakomana, na yasaanĩw’a, nĩkwĩthĩwa kĩla mũndũ nĩwamewie maineena na kĩthyomo kyake mwene. 7Na onthe maseng’a na masũanĩwa, maiasya, Sisyai, andũ aa onthe meũneena ti Akalilii? 8Na twĩĩw’a ata ithyĩ, kĩla mũndũ na kĩthyomo kyake mwene, kĩla wasyaiwe nakyo? 9Avathiani na Ametia na Aelamu, na andũ ala matwĩe Mesovotamia na Yutia na Kavatosia na Vondo na Asia, 10na Velikia na Vambilia, na Misili na ngalĩ sya Livia vakuvĩ na Kulene, na ekali ma ũeninĩ maumĩte Lomi, Ayuti na avikĩli moo, 11na Akilete na Alavu, nĩtũkũmew’a aa maineena na ithyomo sitũ maũndũ manene ma Ngai. 12Na onthe maseng’a, na masũanĩwa, maiasya ene kwa ene, Ũndũ ũũ wĩonan’ya ata? 13Ĩndĩ angĩ masya, maivũthya, Aa nĩmatoonetw’e nĩ mbinyu mbĩthĩ.
Ũtavan’yo wa Vetelo mũthenya wa Vendikosito
14Ĩndĩ Vetelo, aũngeme na ala ĩkũmi na ũmwe, atũlya wasya wake, na aneena namo, aiasya, Inyw’ĩ aũme ma Yutia, na inyw’onthe ala mũtwĩe Yelusaleme, ũndũ ũũ nũmanyĩke kwenyu, na ĩthukĩĩsyei ndeto syakwa. 15Nĩkwĩthĩwa andũ aa ti atoon’ye, ũndũ mũũtalĩlya; nũndũ no saa itatũ sya mũthenya; 16#Yoe 2.28–32.ĩndĩ ũndũ ũũ nĩ ũla waneeniwe nĩ mwathani Yoeli:
17Na kũkeethĩwa mĩthenyanĩ ya mũminũkĩlyo, easya ũu Ngai,
Ngamĩtulũĩla mĩĩ yonthe Veva wakwa:
Na ana menyu na eĩtu menyu makathana,
Na anake menyu makoona mawoni,
Na atumĩa menyu makaota ndoto:
18Ĩĩ, ĩũlũ wa ngombo syakwa aũme na aka mĩthenyanĩ ĩsu
Ngatulũla Veva wakwa; nasyo ikathana.
19Na ngoonan’ya moseng’yo ĩũlũ ĩtunĩ,
Na syama ĩtheo nthĩ;
Nthakame, na mwaki, na ũtoi wa syũki:
20Syũa yĩkaalyũkw’a yĩthĩwe kĩvindu,
Na mwei wĩthĩwe nthakame,
Mbee wa mũthenya wa Mwĩaĩĩ ũtanoka,
Mũthenya ũla mũnene na mwonan’ye:
21 #
Alo 10.13. Na kũkeethĩwa, o ũla ũkekaĩla. Syĩtwa ya Mwĩaĩi nũkatangĩĩwa.
22 #
Yoa 3.2. Inyw’ĩaũme ma Isilaeli, ĩthukĩĩsyei ndeto ii: Yesũ wa Nasaleti, ũla wonaniw’e nĩ Ngai kwenyu na mavinya na momakyo na syama ila Ngai wekie nake katĩ wenyu, o ũndũ inyw’ĩ ene mwĩsĩ; 23#Meko 4.28; 1 Vet 1.20.we, anenganiwe o tondũ Ngai watwie na wamanyĩte kuma tene, inyw’i mwamwambie na kũmũaa na moko ma ala ang’endu: 24#Meko 3.15.ũla Ngai wamũthayũũkisye, athaĩtye mawoo ma kĩkw’ũ: nĩkwĩthĩwa kũiaatonyeka alũmw’e nĩkyo. 25#Sav 16.8–11.Nũndũ Ndaviti aneenie ũvoo wake, aiasya,
Nĩnoonie Mwĩaĩi mbee wa ũthyũ wakwa mavinda onthe;
Nĩkwĩthĩwa we e ngalĩ ya kw’oko kwakwa kwa aũme, nĩ kana ndikathingithangw’e:
26Kwondũ wa ũu ngoo yakwa yaĩ na ũtanu, na ũĩmĩ wakwa watana;
O na ĩngĩ mwĩĩ wakwa ũkatũaa wĩkwatyonĩ:
27 #
Meko 13.35. Nũndũ we ndũkatia veva wakwa vala maveva ma akw’ũ mekalaa,
O na ndũkanengane Mũtheu waku one wanangĩko.
28We, nĩwamanyĩthye nzĩa sya thayũ;
We, ũkambusũasya ũtanu na ũthyũ waku.
29 #
Meko 13.36; 1 Asu 2.10. Ana‐a‐asa, nĩtonya kũneena nenyu vyũ, ũvoo wa mũtũmĩa Ndaviti, kana nĩwakwie na akĩnzĩwa nthĩ, na vala wenzĩĩwe ve o kwitũ kũvika mũthenya ũũ wa ũmũnthĩ. 30#Sav 89.3,4; 2 Sam 7.12,13; Sav 132.11.Nũndũ aĩ mwathani na amanya kana Ngai nĩwevĩtie kwake na wĩvĩto, atĩ kuma ũsyaonĩ wa kĩnyunyu kyake, akamwĩkalya ũmwe kĩvĩlanĩ kyake kya ũsumbĩ; 31#Sav 16.10.we, onete ũndũ ũsu mbee, aneena ũvoo wa kũthayũũka kwa Klĩsto, kana ndaatiwa vala maveva ma akw’ũ mekalaa, o na mwĩĩ wake ndwaaona wanangĩko. 32Yesũ ũsu Ngai nĩwamũthayũũkisye, naitũ ithyonthe twĩ ngũsĩ sya ũũ. 33#Meko 1.4.Ĩndĩ nĩkwĩthĩwa nĩwaneneviw’e kw’okonĩ kwa aũme kwa Ngai, na oosete kwa Ĩthe ũla watho wa Veva Mũtheu, nĩwonoisye ũndũ ũũ, ũla mũkwona na kwĩw’a. 34#Sav 110.1. Nũndũ Ndaviti ndaaambata ĩtunĩ: ĩndĩ we mwene easya,
Mwĩaĩi amwĩie Mwĩaĩi wakwa, Ĩkala nthĩ ngalĩ ya kw’oko kwakwa kwa aũme,
35Mũvaka natw’a amaitha maku kavĩla ka nyaĩĩ syaku.
36 #
Meko 5.31. Kwondũ wa ũu nyũmba yonthe ya Isilaeli ĩmanye vyũ, kana Yesũ ũsu ũla inyw’ĩ mwamwambie, Ngai nũmũtw’ĩte ethĩwe Mwĩaĩi, na ĩngĩ ethĩwe Klĩsto.
37 #
Meko 16.30. Na meew’a ndeto isu syamatonya ngoonĩ syoo, na mamwĩa Vetelo na atũmwa ala angĩ, Ana‐a‐asa, twĩĩka ata? 38#Meko 3.17–19; Lk 24.47.Na Vetelo amea, Alyũlai ngoo, na mũivatiswa kĩla mũndũ syĩtwanĩ ya Yesũ Klĩsto, mwone ũekeo wa naĩ syenyu; na mũkoosa mũthĩnzĩo wa Veva Mũtheu. 39#Yoe 2.32; Isa 57.19.Nũndũ watho ũsu nĩ kwondũ wenyu, na kwondũ wa syana syenyu, na kwondũ wa onthe ala me kũasa mũno, o ala maketwa nĩ Mwĩaĩi Ngai waitũ, moke kwake. 40#Kũt 32.5; Avi 2.15.Na akũsĩĩa na ndeto ingĩ nyingĩ, na amataa, aiasya, Ĩtangĩĩei na ũsyao ũũ mũthyoeku. 41#Meko 4.4; 5.14.Na ĩndĩ ala moosie ndeto yake mavatiswa: na mũthenya ũsu mongeleka andũ ta ngili itatũ. 42#Meko 20.7.Na mekalaa malũlũmĩle momanyĩsyonĩ ma atũmwa, na mũambanĩ, na kũtila kĩmũtũ, na mboya.
Mwĩkalĩle wa Aklĩsto ĩkanisanĩ ya mbee
43Na w’ĩa wamũlika kĩla mũndũ: na momakyo maingĩ na syama nyingĩ syeekwa nĩ atũmwa. 44#Meko 4.32.Na onthe ala meetĩkĩlile maĩ vandũ vamwe, na meethĩwa na mũamba wa syĩndũ syoo syonthe; 45na mathoosya syĩndũ syoo ila maĩ nasyo, na maaana onthe, kĩla mũndũ o ũndũ waĩ na vata wĩana. 46#Meko 2.42.Na kĩla mũthenya mekalaa ĩkalũnĩ na ngoo ĩmwe, na makĩtila kĩmũtũ nyũmbanĩ kwoo, nĩmaĩsaa lĩu woo na mũyo na ngoo ĩmwe, 47#Meko 4.4; 5.14; 11.21; 14.1.makĩmũkumya Ngai, na makyaĩla kwa andũ onthe. Mwĩaĩi, nake, amongelelaa mũthenya na mũthenya ala matangĩĩawa.
Currently Selected:
MEKO MA ATŨMWA 2: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
