MEKO MA ATŨMWA 3
3
Kũvow’a kwa mũndũ kyonze waĩ mũvoyi
1Na ĩndĩ Vetelo na Yoana mambatie ĩkalũnĩ ĩvinda ya kũvoya, saa kenda. 2#Meko 14.8; Yoa 9.1.Na kwaĩ mũndũ ũmwe wasyaiwe e kyonze, nake akuawa, akaiwa kĩla mũthenya mũomonĩ wa ĩkalũ ũla wĩtawa Mwanakavye, avoye ũtethyo kwa ala mavotaa ĩkalũnĩ; 3nake oona Vetelo na Yoana makĩlika ĩkalũnĩ, amavoya anengwe ũtethyo. 4#Meko 14.9.Na Vetelo, aimũketeea, vamwe na Yoana, asya, Tũsisye. 5Na amasisya, akyasya nũnũũnengwa kĩndũ nĩmo. 6#Meko 3.16.Ĩndĩ Vetelo amwĩa, Ndi na vetha kana thaavu; ĩndĩ kĩla nĩ nakyo, nĩkyo ngũũnenga. Syĩtwanĩ ya Yesũ Klĩsto wa Nasaleti, ĩkinyie. 7Na amũkwata kw’oko kwa aũme kwake amũkĩlya: na kavinda kau nyaĩĩ syake na maleenyũ ma ngũlimũ syake meekĩwa vinya. 8#Yoa 5.14.Na ookĩla na aũngama, na ambĩlĩlya ũkinya; na avota ĩkalũnĩ vamwe nao, aikinya, na aithaanyũkanga, na amũkumya Ngai. 9Na andũ onthe mamwona aikinya na aimũkumya Ngai: 10na mamũmanya, kana niwe ũnekalaa aivoya ũtethyo Mũomonĩ Mwanakavye wa ĩkalũ; mausũwa nĩ kũsaanĩw’a na kũseng’a kwondũ wa ũndũ ũsu wamũkĩtĩkĩa.
Ũtavan’yo wa Vetelo ĩkalũnĩ
11 #
Meko 5.12. Na amakwete Vetelo na Yoana, andũ onthe mamombania masembete valasyanĩ ũla wĩtawa wa Solomoni, maiseng’a mũno. 12Na Vetelo oona ũndũ ũsu, amatavya ala andũ, Ĩnyw’ĩ aũme ma Isilaeli, nĩki mũũseng’a nũndũ wa mũndũ ũũ? Kana nĩkĩ mũtũketeea na metho menyu, ta ithyĩ kwa vinya witũ kana ũseo witũ twatuma ũũ ekinyia? 13#Kuma 3.6; Meko 5.30; Isa 52.13; 53.11; Meko 2.23.Ngai wa Avalaamu, na wa Isaka, na wa Yakovo, Ngai wa aasa maitũ, nũmũtaĩĩte Mũthũkũmi wake Yesũ; ũla inyw’i mwamũnenganie, na kũmũleela mbee wa Vilato, yĩla we watw’ĩte athaw’e. 14#Mt 27.20,21.Ĩndĩ inyw’i mwamũleile Ũla Mũtheu na Mũlũngalu, na mweetya mũnengwe mũaani, 15#Meko 4.10; 5.31; Aevl 2.10.na mwamũaa ũsu Mũnene wa thayũ; nake Ngai nĩwamũthayũũkisye kũmumya kwa akw’ũ; naitũ twĩ ngũsĩ sya ũndũ ũsu. 16Na kwondũ wa mũĩkĩĩo syĩtwanĩ yake, syĩtwa yake nĩyamũnenga mũndũ ũũ vinya, ũũ mũmwene na mũmwĩsĩ: ĩĩ, mũĩkĩĩo ũsu ũla wĩ kwondũ wake, nĩwamũnenga ũũ wĩanĩu ũũ mũima mũwene inyw’onthe. 17#Lk 23.34; 1 Tim 1.13.Na yu, ana‐a‐asa, nĩona kana nĩmweekie ũu kwa kũlea kũmanya, na asumbĩki menyu no ta ũu. 18#Lk 24.27.Ĩndĩ maũndũ ala Ngai wonanisye mbee na makanyw’a ma athani onthe, kana Klĩsto wake akathĩnw’a, nĩweanĩisye ũu. 19#Meko 2.38.Alyũlai ngoo, ĩndĩ, mwĩthyũũe, naĩ syenyu syanangwe, nĩ kana kũtonye kũka mavinda ma ũvuũkyo kuma ũthyũnĩ wa Mwĩaĩi; 20na ĩngĩ kana atonye kũmũtũma Klĩsto ũla waiĩtwe kwondũ wenyu, nake nĩwe Yesũ: 21ũla ĩtu yĩnaaĩlwe nĩ ũmwosa kũvika mavinda ma ũtũnga syĩndũ syonthe syĩthĩwe nzaũ, ala Ngai waneenie na makanyw’a ma athani make atheu, ala mai kw’o kuma tene. 22#Kũt 18.15; Meko 7.37.Nĩ w’o Mose nĩwaneenie aiasya, Mwĩaĩi Ngai akamũkĩlĩlya mwathani kuma kwa ana‐a‐ĩthe menyu, ũilyĩ takwa; mwĩw’ei maũndũnĩ onthe ala ũkaneena nenyu. 23#Ali 23.29.Na kũkeethĩwa, kana kĩla mũndũ ũtakamwĩthukĩĩsya mwathani ũsu, akaanangwa vyũ na kumw’a katĩ wa andũ. 24Ĩĩ, na athani onthe kuma Samueli na ala mamũatĩĩe ĩtina, o ũndũ maneenie meana, nao nĩmatavanisye ũvoo wa mĩthenya ĩno. 25#Mwa 12.3; 22.18; Aka 3.8.Inyw’i mwĩ ana ma athani, na ma ũtianĩo ũla Ngai watianĩe na aaĩthe menyu, aimwĩa Avalaamu atĩĩ, Ũsyaonĩ waku mĩvĩa yonthe ya andũ ĩkaathimwa. 26#Meko 13.46.Ngai, amina kũthayũũkya Mũthũkũmi wake, ambie kũmũtũma amũathime inyw’ĩ, aimũthyũũa kĩla ũmwe wenyu mũtie mothũku menyu.
Currently Selected:
MEKO MA ATŨMWA 3: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
