Popular Bible Verses from MEKO MA ATŨMWA 2

Share

Na Vetelo amea, Alyũlai ngoo, na mũivatiswa kĩla mũndũ syĩtwanĩ ya Yesũ Klĩsto, mwone ũekeo wa naĩ syenyu; na mũkoosa mũthĩnzĩo wa Veva Mũtheu.

Na mekalaa malũlũmĩle momanyĩsyonĩ ma atũmwa, na mũambanĩ, na kũtila kĩmũtũ, na mboya.

Na onthe mausũwa nĩ Veva Mũtheu, na mambĩlĩlya ũneena na ithyomo ingĩ, o ũndũ Veva wamanengie ũneeni.

Na oyu, o ĩmwe, kwauma kĩuumo ĩtunĩ ta kĩseve kĩnene kĩiuutana, nakyo kyausũa nyũmba yonthe vala mekalĩte. Na maumĩlĩlwa nĩ nĩmĩ sya mwaki syĩaanĩtye; na kwĩkalĩla kĩla mũndũ. Na onthe mausũwa nĩ Veva Mũtheu, na mambĩlĩlya ũneena na ithyomo ingĩ, o ũndũ Veva wamanengie ũneeni.

Na kĩla mũthenya mekalaa ĩkalũnĩ na ngoo ĩmwe, na makĩtila kĩmũtũ nyũmbanĩ kwoo, nĩmaĩsaa lĩu woo na mũyo na ngoo ĩmwe, makĩmũkumya Ngai, na makyaĩla kwa andũ onthe. Mwĩaĩi, nake, amongelelaa mũthenya na mũthenya ala matangĩĩawa.

Na kũkeethĩwa mĩthenyanĩ ya mũminũkĩlyo, easya ũu Ngai, Ngamĩtulũĩla mĩĩ yonthe Veva wakwa: Na ana menyu na eĩtu menyu makathana, Na anake menyu makoona mawoni, Na atumĩa menyu makaota ndoto

Na onthe ala meetĩkĩlile maĩ vandũ vamwe, na meethĩwa na mũamba wa syĩndũ syoo syonthe; na mathoosya syĩndũ syoo ila maĩ nasyo, na maaana onthe, kĩla mũndũ o ũndũ waĩ na vata wĩana.

Na kũkeethĩwa, o ũla ũkekaĩla. Syĩtwa ya Mwĩaĩi nũkatangĩĩwa.

Syũa yĩkaalyũkw’a yĩthĩwe kĩvindu, Na mwei wĩthĩwe nthakame, Mbee wa mũthenya wa Mwĩaĩĩ ũtanoka, Mũthenya ũla mũnene na mwonan’ye