MEKO MA ATŨMWA 1
1
Ndeto sya mbee
1 #
Lk 1.3. Theovilo, naandĩkie ũvoo wa mbee wa maũndũ onthe ala Yesũ wambĩlĩlye kwĩka na kũmanyĩsya, 2#Lk 6.13.kũvika mũthenya ũla wosiwe ĩũlũ, amina kũmatiĩa atũmwa ala wanyuvie mĩao e nthĩnĩ wa Veva Mũtheu: 3na nĩweyonanisye mwene kwamo na mawonan’yo maingĩ ma w’o, e thayũ, ĩtina wa kũnyamaa kwake, akĩmaumĩlĩla ĩvinda ya mĩthenya mĩongo ĩna, na aineena maũndũ ma ũsumbĩ wa Ngai: 4#Meko 10.41; Yoa 15.26; Lk 24.49.na ombanĩte nao, ameaĩa maikaume Yelusaleme, ĩndĩ meteele watho wa Asa, ũla mweewie nakwa: 5#Mt 3.11.nũndũ nĩ w’o Yoana nĩwavatisie na kĩw’ũ; ĩndĩ inyw’ĩ mũkavatiswa na Veva Mũtheu ĩtina wa mĩthenya mĩvũthũ.
Kwambata kwa Yesũ ĩtunĩ
(MALIKO 16.19–20; Luka 24.50–53)
6 #
Lk 24.21; Meko 3.21. Na indĩ, yĩla moombanĩte vamwe, mamũkũlya, maiasya, Mwĩaĩĩ, ũkatũngĩa Isilaeli ũsumbĩ ĩvinda yĩĩ twĩ nayo? 7#Mko 13.32.Nake amea, Ti ũndũ wenyu kũmanya syathĩ na mavinda, ala Asa wiĩte ũkũmũnĩ wake mwene. 8Ĩndĩ mũkoosa vinya, yĩla Veva Mũtheu wĩũka ĩũlũ wenyu: na mũkeethĩwa mwĩ ngũsĩ syakwa Yelusaleme, na Yutia yonthe, na Samalia, na kũvika itulu sya nthĩ. 9#Mko 16.19; Lk 24.51; Yoa 6.62.Na amina kũneena maũndũ asu, ambatw’a ĩũlũ masyaĩtye; na ĩthweo yamwosa auma methonĩ moo. 10#Lk 24.4.Na maketee mũno ĩtunĩ eyĩendee, sisya, aũme elĩ maũngama nao mekĩĩte ngũa nzaũ; 11#Mt 26.64; Lk 21.27; 1 Tim 3.16; Ũvu 1.7.nao masya, Inyw’ĩ andũ ma Kalilii, nĩkĩ mũkũũngama mũkĩsisya ĩtunĩ? Yesũ ũsu, ũla woswa ĩũlũ ĩtunĩ kuma vala mũĩ, akooka o ta ũu, o ũndũ mwamwona aithi ĩtunĩ.
Kũnyuvwa kwa mũtũmwa wa ĩkũmi na elĩ
12 #
Lk 24.50–53. Na indĩ maalũka Yelusaleme mauma kĩĩma kĩtawa Oliveti, kĩla kĩ vakuvĩ na Yelusaleme, mũendo wa mũthenya wa savato. 13#Lk 6.13–16.Na malika nthĩnĩ, mambata mavota nyũmbanĩ ya ĩũlũ, vala mekalaa; Vetelo na Yoana na Yakovo na Andalea, Vilivu na Thoma, Valitholomayo na Mathayo, Yakovo wa Alivaio, na Simoni Nzelote, na Yutasi wa Yakovo. 14#Meko 2.1; Yoa 7.3–5; Mt 13.55.Asu onthe mekalaa na ngoo ĩmwe makĩvoya na kĩthing’ĩĩsyo, vamwe na ala aka, na Meli, inyia wa Yesũ, na ana‐a‐inyia make.
15Na mĩthenya ĩsu Vetelo aũngamie kati wa ana‐a‐ĩthe, na asya, (na maĩ aingĩ mombanĩte vamwe, ũtalo woo waĩ ta ĩana na mĩongo ĩlĩ), 16#Sav 41.9.Ana‐a‐asa, nĩkwaĩle ũla ũandĩko wĩanĩw’e, ũla Veva Mũtheu wambie ũneena na kanyw’a wa Ndaviti ũndũ wa Yutasi, ũla waĩ mũtongoi wa ala mamũkwatie Yesũ. 17Nĩkwĩthiwa atalĩlanaw’a naitũ, na nĩwosie kĩanda kyake ũthũkũminĩ ũũ. 18#Mt 27.3–10.(Na ĩndĩ mũndũ ũsu athooie mũũnda na ĩtuvi ya ũthũku wake; na avalũka na ĩvu, aatũkanĩla katĩ, na maa make onthe metĩka. 19Na ũndũ ũsu wamanyĩkie nĩ onthe ala matwĩe Yelusaleme; na ũu watumie mũũnda ũsu wĩtwa kĩthyomonĩ kyoo Akelitama, na ũalyũlo wayo nĩ, Mũũnda wa nthakame.) 20#Sav 69.25; 109.8.Nũndũ nĩkũandĩkĩtwe ĩvukunĩ ya Savuli,
Ũtũo wake nĩwĩthĩwe mũthei,
Na mũndũ o na wĩva ndakaaũtũe:
na,
Ũsyaĩĩsyo wake nĩwoswe nĩ ũngĩ.
21 #
Yoa 15.27. Kwondũ wa ũu, nĩkwaĩle mũndũ ũmwe wa asu ala maatĩanĩe naitũ mĩthenya yonthe ĩla Mwĩaĩi Yesũ wavotaa na kuma katĩ waitũ, 22kuma ũvatiso wa Yoana, kũvika mũthenya ũla wosiwe ĩũlũ kuma vala tũĩ, ethĩwe ngũsĩ ya kũthayũũka kwake, vamwe naitũ. 23Na maia andũ elĩ, Yosevu wetawa Valisava, ũla waĩ na syĩtwa yĩngĩ Yusito, na Mathia. 24#Yoa 2.24,25; 6.70.Na mavoya, maiasya, We, Mwĩaĩi, ũla wĩsĩ ngoo sya andũ onthe, twon’ye ũla ũnyuvĩte wa aa elĩ, 25ose ũthũkũmi na ũtũme ũũ, ũla waumiwe nĩ Yutasi nĩ kana aende vandũ vake mwene. 26#Nth 16.33.Nao malimana na wamũvalũkĩla Mathia; nake atalanĩlwa vamwe na ala atũmwa ĩkũmi na ũmwe.
Currently Selected:
MEKO MA ATŨMWA 1: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
