LOUKAS 8

Ki kynthei kiba ïasynran ïa U Jisu

1 # Luk. 4:15; Mrk. 15:40-41; Mat. 27:55-56; Luk. 23:49. Bad ka la jia shen shen hadien kata, ba u la leit jingleit lyngba ki nongbah bad ki nongrit, u da ïalap bad u da ïathuhkhana ïa ka gospel ka hima U Blei: bad lem bad u kita ki khat-ar ngut, 2#Mat. 27:55,56; Mrk. 15:40,41; Luk. 23:49.bad ki kynthei ruh ïa kiba la pynkhiah na ki mynsiem bymman bad na ki jingkhrew, ka Mari, ïa kaba la khot “ka nong Magdala”, na kaba la lah mih noh hynñiew ki ksuid, 3bad ka Ïoanna ka tnga u Khusa, u rangbah u Herod, bad ka Susanna, bad shibun kiwei kiwei ruh, kiba la ju ïasumar sukher ïa u na ki jingdon jong ki.

Ka pharshi u Nongbet

(Mat. 13:1-9; Mrk. 4:1-9)

4 # Mat. 13:1-9; Mrk. 4:1-9. Te haba u paidbah babun u la ïawan lang bad ba ki la wan ruh ha U kiba na ki shnong baroh, U la kren da ka pharshi: 5“U nongbet u la mih noh ban bet ïa u symbai jong u; te katba u dang bet, don uba la hap harud lynti, te la ïuh roit ïa u; bad ki sim bneng ki la bam duh ïa u. 6Uwei pat ruh, u la hap halor u mawsiang; te haba u dang shu mih, u la ïap ryngkhiang, naba um ïoh jingsngem. 7Uwei pat te, u la hap hapdeng ki dieng Shiah; te kita ki dieng Shiah ki la ïamih lem, bad ki la ïakjap ïa u. 8#Mat. 11:15.Uwei pat te, u la hap ha ka khyndew ka babha, bad u la mih, bad u la sei soh shispah shah.” Haba U la ong ïa kine kiei kiei ruh, U la pyrta, “Uba don ki shkor ban sngew, to ai ba un sngew.”

Ka jingthmu jong ki pharshi

(Mat. 13:10-17; Mrk. 4:10-12)

9 # Mat. 13:10-13; Mrk. 4:10-12; Isa. 6:9-10; Jer. 5:21; Ese. 12:2. Ki synran jong u te ki la kylli ïa u, “Kane ka pharshi ka lah ban mut aïu?” 10#Isa. 6:9,10.U te u la ong, “Ha phi keiñ la ai ban tip ïa ki maïan ka hima U Blei, hynrei, ha kiwei pat ha ki pharshi; ba haba ki ïohi kin ym ïohi, bad haba ki ïohsngew kin ym sngew-shemphang.”

U Jisu u batai ïa ka jingthmu ka pharshi u Nongbet

(Mat. 13:18-23; Mrk. 4:13-20)

11 # Mat. 13:18-23; Mrk. 4:13-20; 1 Thes. 2:13; 1 Pet. 1:23. Te kata ka pharshi ka long kumne: “Uta u symbai, u long ka ktien U Blei. 12Te kita kiba harud lynti, long kita kiba ïohsngew; hadien kata, u Soitan u wan bad u rong noh ïa kata ka ktien na ka dohnud jong ki, khnang ba kin ym ngeit bad ïohlait im. 13Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh. 14Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha. 15Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

Ka sharak hapoh ka shang

(Mrk. 4:21-25)

16 # Mrk. 4:21; Mat. 5:15; Luk. 11:33. “Bad ym don u briew haba u la thang ïa ka sharak, uba tap ïa ka da u khiew, lane uba buh hapoh ka jingthiah; hynrei, u buh ha ka dieng pynïeng sharak, ba kita kiba rung shapoh kin ïohi ïa kata ka jingshai. 17#Mrk. 4:22-23; Mat. 10:26-27; Luk. 12:2-3; Eph. 5:13.Naba ym don ei ei ba la buhrieh, ïa kaba yn ym pynpaw; lymne ei ei kaba rieh, ïa ka ban ym tip bad ka ban ym paw. 18#Mrk. 4:24-25; Mat. 13:12; 25:29; Luk. 19:26.To sumar, namar kata, kumno phi sngew; naba jar uba don, ha uta yn ai: uta u bymdon te, wat ïa kata kaba u mut ba u don, yn shim noh na u.”

Ka kmie U Jisu bad ki ba-ha-ïing ba-ha-sem jong u

(Mat. 12:46-50; Mrk. 3:31-35)

19 # Mat. 12:46-50; Mrk. 3:31-35. Te ka kmie bad ki hynmen hynbew jong u ki la wan ha u, hynrei, kim lah ban wan hajan jong u namar uta u paidbah. 20La ïathuh te ha u, “Ka kmie jong me bad ki hynmen hynbew jong me ki ïaïeng habar, ki da kwah ban ïohi ïa me.” 21#Luk. 11:28; Ïoan. 15:14.Hynrei, u la ïathuh bad u ong ha ki, “Ka kmie jong nga bad ki hynmen hynbew jong nga ki long kine kiba ïohsngew ïa ka ktien ka jong U Blei, bad kiba leh ïa ka.”

U Jisu u pynjai jai ïa ka 'erïong

(Mat. 8:23-27; Mrk. 4:35-41)

22 # Mat. 8:23-27; Mrk. 4:35-41; 6:47-52; Ïoan. 6:16-21. Ka la jia te ha kawei na kita ki sngi, ba u la leit kiew ha kawei ka lieng lem bad ki synran jong u, bad u la ong ha ki, “Ïa, ngin ïaleit sha shiliang ka pung.” Te ki la ïa-pynmih noh. 23Hynrei, katba ki nang pynïaid lieng, u la ïohthiah: te ka 'erïong ka la hiar ha kata ka pung, bad ka lieng ka nang dap nang dap da ka um, bad sa ba kin ïap. 24#Luk. 5:5; 8:45; 9:33,49; 17:13.Te ki la ïawan ha u bad ki la kyrsiew ïa u, ki da ong, “Ko kynrad, kynrad, ngi la ïap!” Te u la kyndit bad u la sneng ïa kata ka lyer bad ïa kata ka jingat phyllung ka um; kumta, ki la ïajah noh, bad ka la long kaba jai jai. 25U la ong te ha ki, “Hangno ka jingngeit jong phi?” Te ba ki la sheptieng ki la sngewphylla, ki da ïa-ong paralok hi, “Une u long uei shisha, ba u hukum kat ïa ki lyer bad ïa ka um, bad ki kohnguh ïa u?”

U Jisu u pynkhiah ïa uba shong ksuid

(Mat. 8:28-34; Mrk. 5:1-20)

26 # Mat. 8:28-34; Mrk. 5:1-20. Te ki la poi ha ka ri ki nong Gadara kaba marpyrshah ïa ka Galilaïa. 27Bad haba u la mih noh sha ryngkew, la wan tan ïa U, uwei u briew na kata ka shnong, uba shong ksuid; bad la slem eh um ju kup jaiñ, bad um ju shong ha kano kano ka ïing, hynrei, ha ki maw jingtep. 28#Mrk. 1:24; Ïoan. 2:4.Te haba u la ïohi ïa U Jisu, u la kyang, bad u la dem khrup ha khmat jong U, bad u la ong da ka ktien bajam, “Nga donkam aïu bad me, Jisu, Me U Khun U Blei U Bahakhlieh Tam Eh? Me nga kyrpad ïa me, wat pynshitom ïa nga!” 29(Naba U la hukum ïa uta u mynsiem bymkhuid ban mih noh na uta u briew. Naba la bunsien u la ju kem ïa u; bad la ap phira ïa u, bad la ju khum ïa u da ki kynjri bad da ki narkjat; bad haba u da pyndkut noh ïa kita ki jingkhum, la beh ïa u da uta u ksuid sha ki ri khlaw.) 30Bad U Jisu u la kylli ïa u, “Kaei ka kyrteng jong me?” u te u la ong, “U Paidbah”, naba bun ki ksuid ki la lah leit rung hapoh jong u. 31Te ki la ïakyrpad ïa U, ba un ym hukum ïa ki ban leit noh sha dujok. 32Hynrei, la don hangta shi kynhun bah ki sniang kiba ïabam phlang halor lum, te ki la ïakyrpad ïa U ba un shah ïa ki ban leit rung hapoh kita. Te U la shah ïa ki. 33Bad kita ki ksuid ki la mih noh na uta u briew, bad ki la leit rung hapoh kita ki sniang; te kata ka kynhun ka la phet ïap arsut ïa ka riat sha ka pung, bad ki la ïap jyllop.

34Te haba kita kiba ïa-ap ki la ïohi ïa kaba la jia, ki la ïaphet ïap noh, bad ki la pynbna ïa kata ha kata ka shnong bad ha kita ki ri bri. 35Bad ki la ïamih noh ban leit jngoh ïa kaba la jia; bad ki la wan ha U Jisu, bad ki la shem ïa uta u briew, na uba la lah mih noh kita ki ksuid, ba u la kup jaiñ, bad ba u tipbriew, u da shong de hajan ki kjat U Jisu; te ki la sheptieng. 36Kita kiba la lah ïohi ruh, ki la ïathuh ha ki kumno ba la lah pynkhiah ïa uta uba shong ksuid. 37Ynda kumta, u paidbah baroh kylleng sawdong ka ri jong ki nong Gadara, ki la ïakyrpad ïa U ban leit noh na ki; naba la ngat ha ki ka jingsheptieng bakhraw. Te U la kiew sha ka lieng bad U la leit phai pat. 38Hynrei, uta u briew na uba la lah mih noh kita ki ksuid, u la kyrpad ïa U ban ïoh long lem bad U; hynrei, U Jisu u la pyllait noh ïa u, U da ong, 39“Khie leit phai pat sha la ïing, to ïathuh ruh ïa kiba katno kiei kiei ruh ba U Blei u la leh ïa me.” Te u la leit noh, u da ïalap ïa kata ka shnong baroh kawei ïa kiba katno kiei kiei ba U Jisu u la leh ïa u.

Ka Khun kynthei u Jairos bad ka kynthei ka bapang mihsnam

(Mat. 9:18-26; Mrk. 5:21-43)

40 # Mat. 9:18-26; Mrk. 5:21-43. Te haba U Jisu u la wan phai pat, uta u paidbah u la pdiang sngewbha ïa U; naba baroh ki dang ïa-ap khmih lynti ïa U. 41Ha khmih ruh, u la wan u briew uba kyrteng “u Jairos”, bad uba long u nongsynshar jong ka synagog; te u la dem ha ki kjat U Jisu, bad u la kyrpad ïa U ban wan sha ïing jong u: 42naba u la don ka khun marwei, kaba la khat-ar snem ka rta, bad kaba la jan ïap. Hynrei, katba U dang leit, kita ki paidbah ki la ïakyntur lang ïa U. 43Ka briew ruh kaba don ka jingpang mihsnam la khat-ar snem, kaba la lah pynlut ruh ha ki nongpynkhiah ïa la ka jingïoh baroh, hynrei, kam lah ïoh jingkoit nano nano ruh, 44ka la wan hajan na shadien, bad ka la ktah ïa ka rmiang ka jaiñkup jong U; te kumne kumne ruh kata ka jingmih snam jong ka, ka la sangeh noh. 45#Luk. 8:24.Te U Jisu u la ong, “Mano ba la ktah ïa nga?” Te ynda ki la len baroh, u Petros u la ong bad kita kiba don lem bad u, “Ko Kynrad, kine ki paidbah ki ïaphñian bad ki ïakyntur ïa me, te me ong, ‘Mano ba la ktah ïa nga?’ ” 46#Luk. 5:17; 6:19.U Jisu te U la ong, “Don mano re mano ba la ktah ïa nga; naba nga la sngewthuh ba ka bor ka la mih noh na nga.” 47Kata ka briew te haba ka la ïohi ba kam lah rieh shuh, da kaba khynñiuh ka la wan, bad haba ka la dem khrup ha khmat jong U, ka la ïathuh ha U ha khmat uta u paidlang baroh, na ka balei ba ka la lah ktah ïa U, bad kumno ba la lah pynkhiah ïa ka kumta kumta hi. 48#Mat. 9:22; Luk. 7:50; 17:19; 18:42.Te U la ong ha ka, “To kyrmen, ko khun, ka jingngeit jong pha ka la pynkhiah ïa pha; to khie leit ha kaba suk.”

49Katba U dang kren, la wan uwei na ka ïing uta u nongsynshar ka synagog, u da ong ha u, “La ïap noh i khun jong me; wat pynshitom shuh ïa U Nonghikai.” 50Te haba U Jisu u la ïohsngew, U la ong ha u, “Wat sheptieng: tang shu ngeit, te yn pynkhiah ïa ka.” 51Te haba U la wan sha kata ka ïing, um shah ïano ïano ruh ban rung hapoh, lait na u Petros bad u Ïoannis bad u Jakob, bad u kpa bad ka kmie jong kata ka khynnah. 52Baroh te ki la ïaïam, bad ki la ïalynñiar lympat ïa lade namar jong ka. Hynrei, U la ong, “Wat ïam; namar kam shym la ïap, hynrei, ka shu ïohthiah.” 53Ki te ki la ïarkhiebeiñ ïa U, ba ki da tip ba ka la ïap. 54Hynrei, U, haba U la pynmih noh ïa ki baroh shabar, bad haba U la bat ïa ka na ka kti, U la pyrta, U da ong, “Ko khynnah, to ïeng.” 55Bad ka mynsiem jong ka, ka la wan phai pat, bad kumne kumne ruh ka la ïeng joit; te U la hukum ban ai ei ei ha ka, ban bam. 56#Mat. 8:4; Mrk. 3:12; 7:36; Luk. 9:21.Te ki kmie ki kpa jong ka ki la sngewkyndit, hynrei, U la hukum skhem ïa ki ban ym ïathuh hano hano ruh ïa kaba la leh.

Currently Selected:

LOUKAS 8: KHB

Highlight

Copy