Popular Bible Verses from LOUKAS 8

Share

Te uta uba ha ka khyndew ka babha, kine ki long kita kiba da ka dohnud ka bahok bad ka babha, haba ki la ïohsngew ïa ka ktien, ki bat skhem ïa ka, bad ki sei soh da ka jingïaineh.”

Uta uba la hap hapdeng ki dieng Shiah te, long kita kiba ju ïohsngew, te katba ki nang pynleit la ki sngi ka rta, la kjap ïa ki da ki jingkhuslai bad ka spah, bad ki jingsngewbha kane ka jingim; te kim sei ki soh ki ba-ih bha.

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

U la ong te ha ki, “Hangno ka jingngeit jong phi?” Te ba ki la sheptieng ki la sngewphylla, ki da ïa-ong paralok hi, “Une u long uei shisha, ba u hukum kat ïa ki lyer bad ïa ka um, bad ki kohnguh ïa u?”

Te kita kiba harud lynti, long kita kiba ïohsngew; hadien kata, u Soitan u wan bad u rong noh ïa kata ka ktien na ka dohnud jong ki, khnang ba kin ym ngeit bad ïohlait im.

Naba ym don ei ei ba la buhrieh, ïa kaba yn ym pynpaw; lymne ei ei kaba rieh, ïa ka ban ym tip bad ka ban ym paw.

Kata ka briew te haba ka la ïohi ba kam lah rieh shuh, da kaba khynñiuh ka la wan, bad haba ka la dem khrup ha khmat jong U, ka la ïathuh ha U ha khmat uta u paidlang baroh, na ka balei ba ka la lah ktah ïa U, bad kumno ba la lah pynkhiah ïa ka kumta kumta hi. Te U la ong ha ka, “To kyrmen, ko khun, ka jingngeit jong pha ka la pynkhiah ïa pha; to khie leit ha kaba suk.”

Te ki la ïawan ha u bad ki la kyrsiew ïa u, ki da ong, “Ko kynrad, kynrad, ngi la ïap!” Te u la kyndit bad u la sneng ïa kata ka lyer bad ïa kata ka jingat phyllung ka um; kumta, ki la ïajah noh, bad ka la long kaba jai jai.