LOUKAS 9

U Jisu u phah noh ïa ki synran ban leit ïalap

(Mat. 10:5-15; Mrk. 6:7-13)

1 # Mat. 10:1,5,7-11,14; Mrk. 6:7-12; Luk. 10:4-11. Te u la khot lang ïa ki khat-ar ngut, bad u la ai ha ki ka bor bad ka iktiar halor ki ksuid baroh, bad ïa ka ban pynkhiah ïa ki jingpang. 2Bad u la phah ïa ki ban ïalap ïa ka hima U Blei, bad ban pynkhiah ïa ki bapang. 3#Luk. 10:4-11.Bad u la ong ha ki, “Wat rah ei ei ruh na ka bynta ka jingleit jong phi, lymne ïa u diengduh, lymne ïa ka ïarong, lymne ïa u kpu, lymne tyngka sbai; lymne wat rah ar tylli ki jingphong: 4bad ha kano kano ka ïing ba phi leit rung, hangta to ïashong, bad nangta phin mih noh: 5#Ki Kam. 13:51.te kino kino ruh ki ban ym pdiang ïa phi, haba phi mih noh na kata ka shnong, to kynther noh ïa ka 'dewmet na ki kjat jong phi, ïa ka ban long ka sakhi pyrshah ïa ki.” 6Te ki la mih noh, bad ki la leit kylleng ki nongrit, ki da ïalap ïa ka gospel, bad ki da pynkhiah de kylleng la kylleng ruh.

Ka jingshaïong jingmut u Herod

(Mat. 14:1-12; Mrk. 6:14-29)

7 # Mat. 14:1-2; 16:14; Mrk. 6:14-16; 8:28; Luk. 9:19. Te u Herod uba u#9:7 uba u: Kine ki kyntien ki don ha ki edition barim jong Ka Baibl Khasi. La buh biang hangne ban ïarap pynshai ba u Herod u dei u Tetrark. Khmih ruh ïa ki jingbatai ha ki lynnong bashakhmat. Tetrark u la ïohsngew shaphang kiei kiei baroh ïa kiba la leh; bad u la shitom jingmut eh namar ba la ong da kiwei, ba u Ïoannis u la mihpat na ki nongïap; 8bad da kiwei pat, ba u Elias u la mihpaw; bad da kiwei pat de, ba u nongïathuhlypa, uwei na ki barim, u la mihpat. 9#Luk. 23:8.U Herod te u la ong, “Ïa u Ïoannis nga la khrai khlieh: hato uei une, uba nga ïohsngew kat kine kiei kiei ruh shaphang jong u?” U la kwah ruh ban ïohi ïa u.

Kaba bsa ïa ki san hajar

(Mat. 14:13-21; Mrk. 6:30-44; Ïoan. 6:1-14)

10 # Mrk. 6:30-31; Luk. 10:17; Ïoan. 1:44. Te ki apostol ynda ki la wan phai pat, ki la ïathuh ha u ïa kiei kiei ruh kat kiba ki la lah leh. Te u la ïalam ïa ki, bad u la leit kyrpang sha ka shnong ba khot “Bethsaida”. 11#Mat. 14:13-21; Mrk. 6:32-44; Ïoan. 6:1-14; Mrk. 8:4-10.Hynrei, haba kita ki paidbah ki la tip, ki la bud ïa u; te u la pdiang sngewbha ïa ki, bad u la ïathuh ha ki shaphang ka hima U Blei, bad u la pynkhiah ïa kiba donkam ïa ka jingpynkhiah. 12Ka sngi te ka la sdang noh; te ki khat-ar ngut ki la wan bad ki la ong ha u, “To pyllait noh ïa u paidbah, ba kin ïoh leit sha ki nongrit bad sha ki ri bri kylleng sawdong, ba kin ïoh thiah basa, bad ba kin ïoh jingbam: naba hangne ngi don ha ka jaka kynjah.” 13#2 Syiem. 4:42-44.Hynrei, u la ong ha ki, “To ai ma phi ha ki ban bam.” Te ki la ong, “Ngim don tam ïa san tylli ki kpu, bad ar tylli ki dohkha; lymda ngi leit thied jingbam ïa une u paidlang baroh.” 14Naba ki la long jin san hajar ki rangbah. U la ong te ha ki synran jong u, “To pynshong shaniah ïa ki, sanphew sanphew ha la ka jong ka jong.” 15Te ki la leh kumta, bad ki la pynshong shaniah ïa ki baroh. 16#Luk. 22:19; 24:30-31; Ki Kam. 2:42; 20:11; 27:35.Te u la shim ïa kita ki san tylli ki kpu, bad ïa kita ki ar tylli ki dohkha, bad haba u la khmied sha bneng, u la kyrkhu ïa ki bad u la kdiah; bad u la ai ha kita ki synran ban buh ha khmat uta u paidbah. 17Te ki la ïabam bad ki la ïakdang baroh: la khar khat-ar tukri ruh na kaba lwet kaba la sah tam ïa ki.

Ka jingphla u Petros shaphang U Jisu

(Mat. 16:13-19; Mrk. 8:27-29)

18 # Mat. 16:13-20; Mrk. 8:27-30; Ïoan. 1:49; 11:27; 6:66-69. # Luk. 3:21; 5:16; 6:12; 9:28; 11:1. Ka la jia ruh, ba haba u dang duwai hi weibriew, kita ki synran ki ïadon lem bad u; u la kylli te ïa ki, u da ong, “Ki paidbah ki ong ba nga long uei?” 19#Mat. 14:1,2; Mrk. 6:14,15; 9:11-13; Luk. 9:9.Ki da ïathuh te ki la ong, “ ‘U Ïoannis u Nongpynbaptis’; hynrei kiwei pat, ‘u Elias’; bad kiwei pat, ba u nongïathuhlypa uba na ki barim u la mihpat.” 20#Ïoan. 6:68,69.Te u la ong ha ki, “Phi te phi ong ba nga long uei?” U Petros u da ïathuh te u la ong, “Uta U Khrist jong U Blei.”

U Jisu u ïathuhlypa ïa ka jingïap bad ka jingmihpat jong u

(Mat. 16:20-28; Mrk. 8:30—9:1)

21Hynrei, u la maham ïa ki, bad u la hukum ban ym ïathuh ïa kata hano hano ruh; 22#Mat. 16:21; Mrk. 8:31; Luk. 9:43-45; 18:31-34; 17:5.u da ong, “Ba ka dei ïa U Khun u briew ban shah shibun kiei kiei ruh, bad ba yn kyntait ïa u da ki tymmen basan bad ki rangbah lyngdoh bad ki nongthoh ruh, bad ba yn pynïap ïa u, bad ba yn pynmih pat ïa u ha ka balai sngi.”

23 # Mat. 10:38; 16:24-28; Mrk. 8:34—9:1; Luk. 14:27. U la ong ruh ha ki baroh, “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna ha la ka sngi, bad un bud ïa nga; 24#Mat. 10:38-39; Luk. 14:27; 17:33; Ïoan. 12:25.naba uno uno ruh uba mon ban pynim ïa la ka mynsiem, un duh noh ïa ka; hynrei, uno uno ruh u ban duh noh ïa la ka mynsiem na ka bynta jong nga, uta keiñ un pynim ïa ka; 25naba u briew un myntoi aïu, lada u ïoh ïa ka pyrthei baroh, haba u la pynjot noh lane haba u la pynduh noh ïa lade? 26#Mat. 10:33; Luk. 12:9; 1 Ïoan. 2:28.naba uno uno ruh u ban sngewlehrain ïa nga bad ïa ki ktien jong nga, ïa uta keiñ U Khun u briew un lehrain, ynda un wan ha ka burom jong u, bad ka jong U Kpa, bad ka jong ki angel bakhuid: 27#Luk. 22:18; Mat. 10:23; 1 Thes. 4:15-18; Ïoan. 21:22.hynrei, nga ong ha phi ïa kaba shisha, Don kiba na kine kiba ïeng hangne, ki ban ym mad ïa ka jingïap, tad ynda ki ïohi ïa ka hima U Blei.”

Ka jingkylladur

(Mat. 17:1-8; Mrk. 9:2-8)

28 # Mat. 17:1-8; Mrk. 9:2-8; Luk. 8:51; 3:21; 5:16; 6:12; 9:18; 11:1; 2 Pet. 1:17-18. Ka la jia te kumba phra sngi hadien kine ki ktien, ba u la shim lem ïa u Petros, bad ïa u Ïoannis, bad ïa u Jakob, bad u la leit kiew sha u lum ban duwai. 29Te katba u dang duwai, ka dur ka khmat jong u ka la kylla, bad ka jaiñ jong u ka la lieh phyrnai eh. 30#Ki Kam. 1:9-11.Ha khmih ruh, ki rangbah ar ngut ki la ïakren bad u kiba la long u Moses bad u Elias, 31kiba la mihpaw ha ka burom bad ki la ïakren shaphang ka jingleit noh jong u, ïa kaba un sa pyndep ha Jerusalem. 32#Ïoan. 1:14.U Petros te bad kita kiba don lem bad U ki la sngewkhia da kaba samthiah, hynrei, haba ki la peitmat bha, ki la ïohi ïa ka burom jong U, bad ïa kita ar ngut ki rangbah kiba la ïeng lem bad U. 33#Luk. 5:5; 8:24,45; 9:49; 17:13.Te ka la jia, haba kita ki dang ïaleit noh na U, ba u Petros u la ong ha U Jisu, “Ko Kynrad, ka bha ïa ngi ban don hangne; ai ngin ïathaw te lai tylli ki ïingtrep; kawei ïa me, bad kawei ïa u Moses, bad kawei de ïa u Elias”: um da tip ïa-ei ba u ong. 34Te katba u dang kren ïa kine kiei kiei, la wan u lyoh bad u la kah ïa ki: te ki la sheptieng haba kita ki leit rung hapoh uta u lyoh. 35#Mat. 3:17; Mrk. 1:11; Luk. 3:22; Ïoan. 12:28-30.Ka ktien ruh ka la wan na uta u lyoh, ka da ong, “Une u long U Khun jong nga uba ieit; to phin sngew ïa u.” 36#Mat. 17:9; Mrk. 9:9-10.Te haba la wai kata ka ktien, la shem ïa U Jisu weibriew. Ki te ki la sngap jar, bad kim shym la ïathuh hano hano ruh ha kita ki sngi ei ei ruh na kita kiei kiei kiba ki la lah ïohi.

U Jisu u pynkhiah ïa u khynnah u bapang bhur

(Mat. 17:14-21; Mrk. 9:14-27)

37 # Mat. 17:14-18; Mrk. 9:14-27. Ka la jia ruh kum lashai, ynda ki la lah wan hiar na uta u lum, ba u paidbah babun u la wan tan ïa U. 38Ha khmih ruh, u briew uba na uta u paidbah u la pyrta, u da ong, “A Nonghikai, nga kyrpad ïa me, to khmih ïa u khun jong nga, naba u long u khun marwei jong nga; 39ha khmih ruh, don u mynsiem ba kem ñiat ïa u, te shisyndon noh u lynñiar; bad u ring kyrthat ïa u katba u da sei tyrtho; bad haba u la pynlwet ïa u, da kaba eh u leit noh na u. 40Nga la kyrpad te ïa ki synran jong me ba kin beh noh ïa u, hynrei, kim lah satia.” 41Te U Jisu u la ïathuh bad U la ong, “A phi ka pateng bynriew bymngeit bad bamutlop, sa katno ngan long bad phi, bad ba ngan shah ïa phi? To wallam ïa u khun jong me shane.” 42Te katba u dang wan, uta u ksuid u la pynkyllon sbak ïa u, bad u la ring kyrthat eh ïa u. U Jisu te U la sneng ïa uta u mynsiem bymkhuid, bad U la pynkhiah ïa uta u khynnah, bad U la ai noh ïa u ha u kpa jong u. 43#Mat. 17:22-23; Mrk. 9:30-32; Luk. 9:22; 18:31-34; 17:25.Baroh te ki la sngewkyndit namar kata ka borbah jong U Blei.

U Jisu u ïathuh pat shaphang la ka jingïap

(Mat. 17:22-23; Mrk. 9:30-32)

Te katba baroh ki dang sngewphylla namar kiei kiei baroh ïa kiba U Jisu u la leh, u la ong ha ki synran jong u, 44“To ai ba kine ki ktien kin ngam ha ki shkor jong phi: naba yn sa aiti noh ïa U Khun u briew ha ki kti ki briew.” 45Hynrei, ki, kim sngewthuh ïa kane ka jingong, bad la buhrieh ïa ka na ki, ba kin ym shemphang ïa ka; te ki la sheptieng ban kylli ïa u shaphang kata ka jingong.

Uei uba kham khraw?

(Mat. 18:1-5; Mrk. 9:33-37)

46 # Mat. 18:1-5; Mrk. 9:33-37; Luk. 22:24. Te la mih ka jingïasaid hapdeng jong ki, uno na ki u ban long uba kham khraw. 47Hynrei, haba U Jisu u la ïohi ïa kata ka jingmut ka dohnud jong ki, U la shim ïa u khynnah, bad U la pynïeng ïa u hajan jong U, 48#Mat. 10:40; Luk. 10:16; Ïoan. 13:20.bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

U bym ïaleh bad ngi, u long ha ka liang jong ngi

(Mrk. 9:38-40)

49 # Mrk. 9:38-40; Luk. 5:5; 8:24,45; 9:33; 11:23; 17:13. U Ïoannis te u la ïathuh bad u la ong, “Ko Kynrad, ngi la ïohi ïa uwei uba beh noh ïa ki ksuid ha ka kyrteng jong me; te ngi la adong ïa u, naba um ïabud lem bad ngi.” 50Hynrei, U Jisu u la ong ha u, “Wat adong shuh; naba uta u bym ïapyrshah ïa ngi u long ha ka liang jong ngi.”

Ki nong Samaria kim sngewbha ban pdiang ïa U Jisu

51 # Mrk. 10:1; Luk. 17:11; Ïoan. 4:40-42. Ka la jia ruh, mynba la jan poi ki sngi ban pdiang noh ïa u sha jrong, ba u te u la thew skhem la ka khmat ïa ka ban leit sha Jerusalem, 52#Mat. 10:5; Ïoan. 4:4.bad u la phah ïa ki nonglam-ktien ha shuwa ka khmat jong u; te ki la leit bad ki la rung sha kawei ka nongrit ki nong Samaria, ïa ka ban pynkhreh ïa u. 53Hynrei, kim shym la pdiang sngewbha ïa u, naba ka khmat jong u ka la thew leit sha Jerusalem. 54#Mrk. 3:17; 2 Syiem. 1:9-16.#2 Syiem. 1:9-16.Te haba ki synran jong u, u Jakob bad u Ïoannis, ki la ïohi ïa kata, ki la ong, “Ko Trai, me mon ba ngin hukum ïa ka ding ban hiar na bneng, bad ban thang duh ïa ki, kumba u Elias ruh u la leh?” 55Hynrei, u la phai, bad u la sneng ïa ki, bad u la ong, “Phim tip na kaba kumno ka mynsiem phi long: 56naba U Khun u briew um shym wan ban pynjot ïa ki mynsiem ki briew, hynrei, ban pynim.” Ynda kumta, ki la ïaleit sha kawei pat ka nongrit.

Kiba kumno kiba bit ban long synran

(Mat. 8:19-22)

57 # Mat. 8:19-22. Te katba ki dang ïaleit ha kata ka lynti, don uwei uba la ong ha U, “Ko Trai, ngan bud ïa me kat shaba me leit.” 58U Jisu te U la ong ha u, “Ki myrsiang ki don ki thliew, bad ki sim bneng ki jaka rieh tngen, hynrei, U Khun u briew um don jaka ban buh la ka khlieh.” 59Te U la ong ha uwei pat, “To bud ïa nga.” Hynrei, u la ong, “Ko Trai, shah ba ngan da leit noh shuwa ban tep ïa la u kpa.” 60Hynrei, U Jisu u la ong ha u, “Ieh ïa ki baïap ban tep ïa ki baïap jong ki; hynrei, khie leit noh ma me, bad ïalap ïa ka hima U Blei.” 61#1 Syiem. 19:20; Php. 3:13.Uwei pat de u la ong ruh, “Ko Trai, ngan bud ïa me; hynrei, shah ïa nga ban khublei shuwa ïa kita ki ba-ha-ïing jong nga.” 62Hynrei, U Jisu u la ong ha u, “Ym don u briew, haba u la buh ïa la ka kti ha ka jinglur bad u da kyrtiang dien, uba bit ïa ka hima U Blei.”

Currently Selected:

LOUKAS 9: KHB

Highlight

Copy