LOUKAS 6

Shaphang ka Sabbaton

(Mat. 12:1-8; Mrk. 2:23-28)

1 # Deu. 23:25; Mat. 12:1-8; Mrk. 2:23-28. Ka la jia ruh ha kawei ka sngi Sabbaton ba u la ïaid lyngba ïa ki lyngkha Kew; ki synran jong u ki la ïakheit soh Kew, te haba ki la kyrjiaw ha la ki kti ki la bam ruh. 2#Eks. 20:10; 23:12; Deu. 5:14.Te kiba na ki Pharisi ki la ong, “Balei phi leh ïa kaba ym dei ban leh ha ka sngi Sabbaton?” 3#1 Sam. 21:1-6.U Jisu u da ïathuh te ha ki u la ong, “Phim ju la pule wat ïa kato kaba u Dabid u la leh mynba u la thngan, ma u, bad kita kiba don lem bad u de? 4#Leb. 24:9.Kumno ba u la leit rung shapoh ka ïing U Blei, bad ba u la shim bad u la bam ruh ïa ki 'pu pyni, bad u la ai ha kita kiba bad u ruh de; ïa ki bymbit ban bam, hynrei, tang ïa ki lyngdoh hi?” 5U la ong ruh ha ki, “U Khun u briew u long U Trai jong ka Sabbaton ruh.”

U briew uba don ka kti ka baïap

(Mat. 12:9-14; Mrk. 3:1-6)

6 # Mat. 12:9-14; Mrk. 3:1-6. Ka la jia ruh ha kawei pat ka Sabbaton, ba U la leit rung hapoh ka synagog bad U la hikai; te la don hangta u briew uba ka kti kamon jong u ka la ïap. 7Te ki nongthoh bad ki Pharisi ki la ïa-ap thap ïa U, la un pynkhiah ne em ha ka Sabbaton, ba kin ïoh mudui ïa U. 8U te U la lah tip ïa ki jingmut jong ki, bad U la ong ha uta u briew uba don ka kti ka baïap, “To khie joit, to ïeng ruh hapdeng.” Te u la khie bad u la ïeng joit ruh. 9Namar kata, U Jisu u la ong ha ki, “Ngan kylli ïa phi: ka dei ïa ka ban leh bha ha ka sngi Sabbaton, lane ïa ka ban leh sniew? ïa ka ban pynim ïa ka jingim, lane ïa ka ban pynduh noh?” 10Te U la khmih sawdong ruh ha ki baroh, bad U la ong ha uta u briew, “To kner noh ïa la ka kti.” U ruh u la leh kumta; te ïa kata ka kti jong u la pynbha. 11Ki te ki la dap da ka jingbitar lamwir; bad ki la ïasylla paralok hi, aïu ba ki lah ban leh ïa U Jisu.

U Jisu u jied ïa ki khat-ar ngut ki Apostol

(Mat. 10:1-4; Mrk. 3:13-19)

12 # Mrk. 3:13-19; Mat. 10:2-4; Ki Kam. 1:13. # Luk. 3:21; 5:16; 9:18,28; 11:1. Ka la jia ruh ha kita ki sngi, ba u la leit noh sha u lum ban duwai; u la sah ruh baroh shi miet ha ka jingduwai ha U Blei. 13Ynda la mih ka sngi te, u la khot ïa ki synran jong u; na ki te u la jied khat-ar ngut, ïa kita ruh u la khot “Apostol”, 14ïa u Simon (ïa uba U la kyrteng “Petros” ruh), bad ïa u Andriw u para jong u, ïa u Jakob bad ïa u Ïoannis, ïa u Philip, bad ïa u Bartholomai, 15ïa u Mathaïos bad ïa u Thomas, ïa u Jakob u khun u Alphaïos, bad ïa u Simon ïa uba la sin “u Bashitrhem”, 16ïa u Juda u para u Jakob bad ïa u Judas Iskariot, uba leit long ruh u nongdie noh.

U Jisu u hikai, u ïalap bad u pynkhiah

(Mat. 4:23-25)

17 # Mat. 5:1-2; 4:24-25; Mrk. 3:7-12. Te haba u la hiar arsut lem bad ki, u la ïeng ha ka jaka madan, bad shibun na ki synran jong u, bad u paidbah byllien na Judia baroh, bad na Jerusalem, bad narud duriaw Tyros bad Sidon, kiba la wan ban ïohsngew ïa U, bad ba yn pynkhiah ruh ïa ki na ki jingpang jong ki; 18bad ïa kita kiba la shitom eh na ki mynsiem bymkhuid la pynkhiah. 19#Mrk. 3:10; Mat. 9:21; 14:36; Luk. 5:17.Te uta u paidbah baroh u la pyrshang ban ktah ïa U; naba ka bor ka la mih noh na U, bad ka la pynkhiah ïa ki baroh.

Ki jingkyrkhu bad ki jingkordit

(Mat. 5:1-12)

20 # Mat. 5:3-12. U te haba u la peit la ki khmat ha ki synran jong u, u la ong,

“Suk ma phi ki baduk; naba ka jong phi long ka hima U Blei.

21 “Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

22 # 1 Pet. 4:14; Ïoan. 9:22; 16:2. “Suk ma phi ynda ki briew kin shun ïa phi, bad ynda kin tait ïa phi bad kin lehbeiñ ïa phi, bad kin ot beiñ noh ruh ïa ka kyrteng jong phi kum ka bymman, na ka bynta U Khun u briew. 23#2 Khrn. 36:16; Ki Kam. 7:52.To kmen phi ha kata ka sngi, to shadkmen ruh! naba ha khmih, ka nong jong phi ha bneng ka long kaba khraw; naba kumjuh hi ki kpa jong ki, ki la leh ïa ki nongïathuhlypa.

24 # Mat. 6:2; Luk. 10:13-15; 11:38-52; 16:25; 17:1; 21:23; 22:22; Jak. 5:1-5. “Hynrei, kordit ïa phi, ki bariewspah! naba phi la ïoh pdiang la ka jingtngen.

25 “Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.

26 “Kordit ïa phi, haba ki briew baroh kin kren bha ïa phi! naba kumjuh hi ki kpa jong ki, ki la leh ïa ki nongïathuhlypa balamler.”

Ka jingieit ïa ki nongshun

(Mat. 5:38-48; 7:12)

27 # Mat. 5:39-44; Rom. 12:17; 1 Kor. 6:7. “Hynrei, nga ong ha phi kiba sngew: To ieit ïa ki nongshun jong phi; to leh bha ïa kita kiba bishni ïa phi; 28to kyrkhu ïa kita kiba tim ïa phi; duwai ruh na ka bynta kita kiba leh sniew ïa phi. 29Ha uta uba thab ïa me ha kawei ka ngab, to pynshah sa kata kawei ruh; bad ha uta uba shim noh ïa ka jaiñkup jong me, wat khang ïa ka sopti ruh. 30To ai ruh ha u briew baroh uba ïapan na me; bad na uta uba shim noh ïa kiei kiei ruh ki jong me, wat pan pat ïa ki. 31#Mat. 7:12.Kumba phi mon ruh ba ki briew kin leh ïa phi, to leh ma phi ruh kumjuh ïa ki.

32 # Mat. 5:44-48. “Naba lada phi ieit tang ïa kita kiba ieit ïa phi, ka jingnguh aïu ka dei ïa phi? naba ki bapop ruh ki ieit ïa kita kiba ieit ïa ki. 33Lada phi leh bha ruh tang ïa kita kiba leh bha ïa phi, ka jingnguh aïu ka dei ïa phi? naba ki bapop ruh ki leh hi kumjuh. 34Lada phi ai kylliang ruh tang ïa kita na kiba phi kyrmen ban ïoh, ka jingnguh aïu ka dei ïa phi? naba ki bapop ruh ki ai kylliang ha ki bapop, ba kin ïoh mar kajuh hi. 35#Mat. 5:9.Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman. 36To long phi kiba isynei, kumba U Kpa jong phi ruh U long uba isynei.”

Kaba bishar ïa kiwei

(Mat. 7:1-5)

37 # Mat. 7:1-2; Rom. 2:1. “Wat bishar ruh, te yn ym bishar ïa phi; wat pynrem, te yn ym pynrem ïa phi; to map noh, te yn map ïa phi; 38#Mrk. 4:24; Ki Kam. 20:35.to ai, te yn sa ai ha phi ruh; ïa ka jingthew ka babha, ba la tynñian bad ba la kyr-ih, bad ba la shlei de, kin thep ha ka pla jong phi; naba da kajuh ka jingthew da kaba phi thew, yn thew pat ha phi.”

39 # Mat. 15:14. Te u la kren ïa ka pharshi ha ki: “U bamatlah u lah ne em ban ïalam ïa u bamatlah? hato kin ym ïahap baroh ar ngut ha ka thliew? 40#Mat. 10:24-25; Ïoan. 13:16; 15:20.U synran um long halor u nonghikai jong u; hynrei, ynda la hikai bha ïa u, un long kum u nonghikai jong u. 41#Mat. 7:3-5.Te balei ba me khmih ïa u thngiat uba ha ka khmat u paralok jong me, hynrei, mem pyrkhat ïa ka khung kaba ha ka khmat jong me hi? 42Lane kumno ba me lah ban ong ha u paralok jong me, ‘Ko lok, to shah ba ngan khlaw noh ïa uto u thngiat uba ha ka khmat jong me’ haba me hi mem ïohi ïa ka khung kaba ha ka khmat jong me? Me uba arsap, to khlaw noh shuwa ïa ka khung na ka khmat jong me, ynda kumta te, men ïohi bha ban khlaw noh ïa uto u thngiat uba ha ka khmat u paralok jong me.

U dieng bad u soh jong u

(Mat. 7:16-20; 12:33-35)

43 # Mat. 7:18-19; 12:33-35; Jak. 3:11-12. “Namar ym ju don u dieng babha uba sei ki soh bymman; lymne u dieng bymman uba sei ki soh babha. 44#Mat. 12:33.Namar ïa u dieng baroh yn ithuh na u soh jong u hi; naba kim ju kheit ïa ki soh Dumbur na ki dieng shiah, lymne kim kheit ïa u soh Waiñ na ka 'law lynnong dieng shiah. 45#Mat. 12:34; Mrk. 7:20.U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

Ar jaid ki nongrim

(Mat. 7:24-27)

46 # Mat. 7:21. “Hynrei, balei ba phi khot ïa nga, ‘A Trai, A Trai’, bad phim leh pynban ïa kiei kiei ruh kiba nga ong? 47#Mat. 7:24-27; Jak. 1:22-25.Uei uei baroh uba wan ha nga, bad uba ïohsngew ïa ki ktien jong nga, bad uba leh ruh ïa ki, ngan pyni ha phi ïano u syriem. 48U long kum u briew uba tei ïa ka ïing, uba la tih bad uba la ngam jylliew, bad uba la seng nongrim halor u mawsiang; te haba la jia ka jingshlei, ka um ka la shoh kyrthep ïa kata ka ïing, hynrei, kam lah shuh ban pynkhih ïa ka; naba la pynshong nongrim ïa ka halor u mawsiang. 49Hynrei, uta uba ïohsngew, bad u bymleh, u long kum u briew uba la tei ïa ka ïing halor ka khyndew, khlem nongrim; ïa kaba ka um ka la shoh kyrthep, bad kumne kumne ruh ka la kyllon; te ka jingjot ka jong kata ka ïing ka la long kaba khraw.”

Currently Selected:

LOUKAS 6: KHB

Highlight

Copy