LOUKAS 5

U Jisu u khot ïa ki synran banyngkong jong u

(Mat. 4:18-22; Mrk. 1:16-20)

1 # Mat. 13:1,2; 4:18-22; Mrk. 1:16-20; 3:9,10; 4:1; Ïoan. 1:40-42; 21:1-19. Ka la jia te, katba uta u paidbah u la ïatur sha U ïa ka ban ïohsngew ïa ka ktien jong U Blei, ba U hi U ïeng harud ka pung Gennesaret. 2Bad U la ïohi ar tylli ki lieng kiba ïeng harud kata ka pung; hynrei, ki nongtong dohkha ki la lah mih noh na ki, bad ki dang ïasait ïa la ki jar. 3#Mat. 13:1-2; Mrk. 4:1.Te U la kiew ha kawei na kita ki lieng, kaba long ka jong u Simon, bad U la ong ïa u ban ñiat noh khyndiat na ryngkew. Haba U la shong, te U la hikai ïa kita ki paidbah nalor kata ka lieng. 4Te ynda U la wai noh kaba kren, U la ong ha u Simon, “To ñiat noh sha kaba jylliew, to pynhiar ruh ïa ki jar jong phi ban dup ngat.” 5#Luk. 8:24,45; 9:33,49; 17:13; Ïoan. 21:3.U Simon u la ïathuh bad u la ong, “Ko Kynrad, ngi la ïaleh shitom baroh shi miet, te ei ei ruh em ngim shym la ngat; hynrei, namar ka ktien jong me, ngan pynhiar ïa ki jar.” 6#Ïoan. 21:6.Kumta, ynda ki la lah leh ïa kane, ki la ngat bun bah eh ki dohkha; ki jar jong ki te ki la sdang kad. 7Ki la khawoit te ïa la ki lok kiba ha kata kawei pat ka lieng, ïa ka ban wan ïarap ïa ki. Te ki la wan bad ki la ïa-pyndap ïa ki lieng baroh ar tylli haduh ba ki la sdang ngam. 8Te u Simon Petros haba u la ïohi ïa kane, u la dem khrup ha ki khohsiew U Jisu, u da ong, “To khie leit noh na nga; naba nga long u briew u bapop, A Trai.” 9Naba u la sngewkyndit bad kita baroh kiba don lem bad u, namar ka jingngat ki dohkha ïa kaba ki la ngat; 10kumjuh ruh u Jakob bad u Ïoannis, ki khun u Sebedi, kiba long kiba ïaïoh bynta lem bad u Simon. Ynda kumta, U Jisu u la ong ha u Simon, “Wat sheptieng; naduh mynta men long u nongtong briew.” 11Te ynda ki la lah wallam pat ïa la ki lieng sha ryngkew, ki la iehnoh ïa kiei kiei baroh, ki la bud ruh ïa U.

U Jisu u pynkhuid ïa u bapang 'ñiangthohlieh

(Mat. 8:1-4; Mrk. 1:40-45)

12 # Mat. 8:1-4; Mrk. 1:40-45; Luk. 17:11-19. Ka la jia ruh, ba haba U don ha kawei na kita ki shnong, ha khmih ruh u briew uba la dap da ka jingpang 'thohlieh: te haba u la ïohi ïa U Jisu u la dem khrup, bad u la kyrpad ïa U, u da ong, “A Trai, lada me mon, me lah ban pynkhuid ïa nga.” 13Haba U la kner te ïa la ka kti, U la ktah ïa u, U da ong, “Nga mon; to men long khuid.” Te kumne kumne ruh, kata ka pang 'thohlieh ka la jah noh na u. 14#Leb. 13:49; 14:2-32.Te U la hukum ïa u ban ym ïathuh hano hano ruh; hynrei, “khie leit noh, to pyni ïa lade ha u lyngdoh, to ainguh ruh na ka bynta ka jingpynkhuid jong me, kat kumba u Moses u la hukum, ïa ka ban long ka jingphla ïa ki.” 15#Luk. 4:14,37; Mat. 9:26.Hynrei, ka ktien shaphang jong U ka la nang kham phriang pynban; bad ki paidbah babun ki la ïawan lang ban ïohsngew, bad ban ïoh pynkhiah na ki jingpang jong ki. 16#Luk. 3:21; 6:12; 9:18,28; 11:1.U te U la kynriah noh sha ki jaka kynjah ha ri khlaw, U la duwai ruh.

U Jisu u pynkhiah ïa u bapang ïapshiliang

(Mat. 9:1-8; Mrk. 2:1-12)

17 # Mat. 9:1-8; Mrk. 2:1-12; Ïoan. 5:1-9. # Mat. 15:1; Mrk. 5:30; Luk. 6:19. Ka la jia te ha kawei ka sngi, katba U dang hikai, ba ki la shong hangta ki Pharisi bad ki nonghikai Ka Hukum, kiba la wan na ki shnong baroh jong ka Galilaïa, bad ka Judia, bad na Jerusalem: te ka bor U Trai ka la don bad U ïa ka ban pynkhiah. 18Ha khmih ruh, ki ïabah ha ka palong ïa u briew u bapang ïapshiliang: te ki la ïawad lad ban wallam ïa u hapoh, bad ban buh ïa u ha khmat jong U. 19Te haba kim shem lad shuh na-ei na-ei ruh ba kin wallam ïa u hapoh, namar uta u paidbah, ki la leit kiew halor kata ka ïing, bad ki la pynhiar noh ïa u lyngba ka jingsop lem bad la ka jingthiah, hapdeng keiñ ha khmat U Jisu. 20#Luk. 7:48-49.Haba U la ïohi te ïa ka jingngeit jong ki, U la ong ha u, “Ko briew, la map noh ïa me ïa ki pop jong me.” 21Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?” 22Hynrei, U Jisu ba U da tip biang ïa ki jingpyrkhat jong ki, U la ïathuh bad U la ong ha ki, “Phi ïapyrkhat aïu ha la ki dohnud? 23Kano kaba kham jem, ban ong, ‘La map noh ïa me ïa ki pop jong me’: lane ban ong, ‘To ïeng, to ïaid ruh?’ 24Hynrei, ba phin ïoh tip ba U Khun u briew u don bor ha ka khyndew ban map ïa ki pop” (U la ong ha uta u bapang ïapshiliang), “Nga ong ha me, To ïeng, to bah noh ïa la ka jingthiah, to khie leit noh ruh sha la ïing.” 25Te kumne kumne ruh, haba u la ïeng joit ha khmat jong ki, bad ba u la bah noh ïa kata ha kaba u la thiah, u la leit noh sha la ïing, da kaba ïaroh ïa U Blei. 26Ka jingkyndit te ka la ngat ha ki baroh, bad ki la ïaroh ïa U Blei; la pyndap de ïa ki da kaba sheptieng, ki da ong, “Ngi la ïohi ïa kiei kiei ki baphylla ha kane ka sngi.”

U Jisu u khot ïa u Lebi

(Mat. 9:9-13; Mrk. 2:13-17)

27 # Mat. 9:9-13; Mrk. 2:13-17. Te hadien kine kiei kiei ruh, u la leit noh, bad u la ïohi ïa u nongkhrong uba kyrteng “u Lebi”, ba u da shong ha ka ïing khrong, bad U la ong ha u, “To bud ïa nga.” 28Te haba u la iehnoh ïa kiei kiei baroh, u la ïeng joit, bad u la bud ïa U.

29Bad u Lebi u la thaw ka jingkhawai kaba khraw ïa U ha la ïing; te la don u paidbah babun na ki nongkhrong, bad na kiwei pat kiba la ïashong bam ryngkat bad ki. 30#Luk. 15:1-2.Te ki Pharisi bad ki nongthoh jong ki, ki la ïakren khñium ïa ki synran jong U, ki da ong, “Balei ba phi ïabam ïadih ryngkat bad ki nongkhrong bad ki bapop ruh?” 31Te U Jisu u da ïathuh, u la ong ha ki, “Ki bakhiah kim donkam ïa u nongpynkhiah, hynrei, ki bapang keiñ: 32#1 Tim. 1:15.ngam shym la wan ban khot ïa ki bahok, hynrei, ïa ki bapop sha ka jingkylla-ka-bamut.”

Shaphang kaba shah jingit

(Mat. 9:14-17; Mrk. 2:18-22)

33 # Mat. 9:14-17; Mrk. 2:18-22; Luk. 7:18; 11:1; Ïoan. 3:25-26. Ki te ki la ong ha u, “Ki synran u Ïoannis ki shah jingit bunsien, bad ki pynlong jingduwai ruh, kumjuh ruh ki jong ki Pharisi; hynrei, ki jong me ki ïabam ki ïadih ruh.” 34Bad U Jisu u la ïathuh ha ki, “Phi lah ban pynbor ïa ki nong-on kurim ban shah jingit, katba u nongleit-kurim u dang don bad ki? 35#Luk. 9:22; 17:22.hynrei, ki sngi kin poi, ynda yn shim noh ïa u nongleit-kurim na ki; ynda kumta keiñ, ha kita ki sngi kin sa shah jingit.” 36Te u la kren ïa ka pharshi ruh ha ki: “Ym don uba tar shi lyngkhot na ka jaiñkup thymmai ïa ka ban syrdep ïa ka jaiñkup barim; ne un pynkad ïa kata ka bathymmai, bad kata ka shi lyngkhot ruh kaba na kata ka bathymmai kam ïadei putet bad kata ka barim. 37Ym don ruh uba buh ïa ka Waiñ thymmai ha ki lywa snieh barim; ne kata ka Waiñ thymmai kan pynpdang ïa kita ki lywa snieh, ka hi ruh kan jaw noh, bad kita ki lywa snieh kin jot noh; 38hynrei, ïa ka Waiñ thymmai dei ban buh ha ki lywa snieh thymmai. 39Ym don mano mano ruh, haba u la dih ïa ka barim, uba kwah ïa ka bathymmai; naba u ong, ‘Ka bha ka barim’.”

Currently Selected:

LOUKAS 5: KHB

Highlight

Copy