LOUKAS 4

Ka jingpynshoi ïa U Jisu

(Mat. 4:1-11; Mrk. 1:12-13)

1 # Mat. 4:1-11; Mrk. 1:12-13. U Jisu te uba la dap da U Mynsiem Bakhuid, u la wan phai pat na ka Jordan, bad la ïalam noh ïa u da U Mynsiem sha ka ri khlaw, sawphew sngi, 2#Deu. 9:9; 1 Syiem. 19:8.ba la pynshoi ïa u da u Soitan. Ei ei ruh em um shym bam ha kita ki sngi; hynrei, ynda ki la kut, u la sngewthngan. 3U Soitan u la ong te ha U, “Lada me long U Khun U Blei, to ong ha une u maw ba un long kpu.” 4#Deu. 8:3.#Deu. 8:3.Te U Jisu u la ïathuh ha u, “La thoh: ‘Ym tang da u kpu hi ba un im u briew, hynrei, da ki ktien baroh ki jong U Blei.’ ” 5U Soitan te, haba u la ïalam noh ïa U sha u lum bajrong eh, u la pyni ha U ha kaba shi khyllipmat ïa ki hima ka pyrthei baroh. 6#1 Ïoan. 5:19.Bad u Soitan u la ong ha U, “Ïa kane ka bor baroh bad ka burom jong ki, ngan sa ai ha me: naba la ai ïa ka ha nga, bad hano hano ruh ha uba nga mon, nga ai ïa ka; 7lada ma me, namar kata, men mane dem ha khmat jong nga, baroh kan long ka jong me.” 8#Deu. 6:13.U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh:

“ ‘Men mane dem

ïa U Trai uba U Blei

jong me,

tang ïa u hi ruh

men shakri.’ ”

9Te u la ïalam noh ïa U sha Jerusalem, bad u la pynïeng ïa U halor ka dong ka templ, bad u la ong ha U, “Lada me long U Khun U Blei, to pynnoh ïa lade nangne; 10#Salm. 91:11-12.naba la thoh:

“ ‘Un hukum ïa ki angel jong U

shaphang jong me,

ïa ka ban sumar

biang biang ïa me:’

11 # Salm. 91:12. “bad

“ ‘kin ïarah ïa me

ha ki kti jong ki,

ba ïoh kumno kumno

men jynthut la ka kjat

ha u maw.’ ”

12 # Deu. 6:16. U Jisu te U da ïathuh U la ong ha u, “La ong: ‘Men ym tynjuh ïa U Trai uba U Blei jong me.’ ” 13#Luk. 22:28.Ynda u Soitan u la lah pyndep ïa ka jingpynshoi baroh, u la khlad noh na U shi por.

U Jisu u sdang ïa ka jingïalap ha Galilaïa

(Mat. 4:12-17; Mrk. 1:14-15)

14 # Mat. 4:12; Mrk. 1:14; Mat. 9:26; Luk. 4:37. Ynda kumta, U Jisu u la wan phai pat ha ka bor U Mynsiem sha Galilaïa: te ka nam shaphang jong u ka la phriang baroh sawdong kata ka ri. 15#Mat. 4:23; 9:35; 11:1.Bad u la hikai ha ki synagog jong ki; baroh ruh ki da burom ïa u.

La ñiewbeiñ ïa U Jisu ha Nasaret

(Mat. 13:53-58; Mrk. 6:1-6)

16 # Mat. 13:53-58; Mrk. 6:1-6; Ki Kam. 13:14-16. U la wan ruh ha Nasaret, ha kaba la pynsan pynrangbah ïa u; te u la leit rung, kumba u ju leh, ha ka sngi Sabbaton ha ka synagog, bad u la ïeng joit ban pule. 17La ai te ha u ïa Ka Kitab U Isaïah U Nongïathuhlypa: bad haba u la plied ïa kata ka kitab, u la shem ïa ka jaka ha kaba la thoh:

18 # Isa. 61:1-2. “U Mynsiem U Trai U ha nga:

naba U la pynsleh ïa nga

ïa ka ban ïalap ïa ka gospel

ha ki baduk;

U la phah ïa nga ban pynbna

ïa ka jingpyllait

ha kiba la set byndi,

bad ïa ka jingpynpeit pat

ha ki bamatlah,

ban pyllait noh

ïa kiba la ban ka shitom;

19 ban pynbna

ïa ka snem bapdiang hun

ka jong U Trai.”

20Te u la kli ïa kata ka kitab, bad u la ai noh pat ha uba sumar, bad u la shong. Te ki khmat jong kiba ha kata ka synagog baroh ki la neh ha u. 21U la sdang te ban ong ha ki, “Ha kane ka sngi, la pyndep ïa kane Ka Jingthoh ha ki shkor jong phi.” 22#Ïoan. 6:42; 7:15.Baroh ruh ki la ïaroh ïa u, bad ki la sngewkyndit namar kita ki ktien jali ja-um kiba la mih noh na ka shyntur jong u. Ki la ong ruh, “Une um long u khun u Joseph?” 23#Mrk. 1:21; 2:1; Ïoan. 4:46.U la ong te ha ki, “Khlem pep phin ong ha nga ïa kane ka pharshi, ‘Ko nongpynkhiah, to pynkhiah ïa lade: Ïa kaei kaei ruh ba ngi la ïohsngew ba la leh ha Kapernam, to leh hangne ruh ha la ka jong ka ri.’ ” 24#Ïoan. 4:44.U la ong ruh, “Shisha nga ong ha phi, ba ym don u nongïathuhlypa ïa uba ki pdiang sngewbha ha la ka jong ka ri. 25#1 Syiem. 17:1.#1 Syiem. 17:1,8-16; 18:1; Jak. 5:17-18.Hynrei, ïa kaba shisha nga ong ha phi, shibun ki riewkynthei ki la don ha Israel ha ki sngi u Elias, mynba la khang khop ïa ka bneng, lai snem bad hynriew bnai, katba la long ka 'nemsniew kaba khraw ha kata ka ri baroh kawei; 26#1 Syiem. 17:8-16.te sha kano kano ruh na ki, ym shym la phah ïa u Elias, hynrei, tang sha Sarepta, ha ka ri Sidon, sha ka briew kaba long riewkynthei. 27#2 Syiem. 5:1-14.Shibun ruh ki bapang 'ñiangthohlieh ki la don ha Israel ha ka por u Elisha u nongïathuhlypa; te ïa uwei ruh na ki ym shym la pynkhuid, hynrei, tang ïa u Naaman u nong Syria.” 28Baroh te kiba ha kata ka synagog, haba ki la ïohsngew ïa kine kiei kiei ruh, ki la dap da ka jingbitar; 29#Ki Kam. 7:58; Jkñ. 15:35.te haba ki la ïeng joit, ki la shop noh ïa u shabar ka shnong, bad ki la ïalam noh ïa u haduh ka shyllangmat u lum, halor uba la tei ïa ka shnong jong ki, ïa ka ban pynnoh khongpong ïa u. 30#Ïoan. 8:59; 10:39.Hynrei, u, haba u la ïaid lyngba napdeng jong ki, u la leit noh.

U briew uba don u mynsiem bymkhuid

(Mrk. 1:21-28)

31 # Mrk. 1:21-28. Bad u la wan arsut sha Kapernam, ka shnong ha Galilaïa; bad u hikai ïa ki ha ka sngi Sabbaton. 32#Mat. 7:28,29; 13:54; 22:33; Mrk. 11:18; Ïoan. 7:46.Te ki la sngewkyndit eh ïa ka jinghikai jong u, namar ka ktien jong u ka la long bad ka bor. 33Ha kata ka synagog te u la don u briew uba don ka mynsiem u ksuid bymkhuid, bad u la pyrta da ka ktien bajam eh. 34“Ieh! ngi ïadonkam aïu bad me, ko Jisu uba na Nasaret? Me la wan khnang ïa ka ban pynjot ïa ngi? Nga ithuh ïa me uei me long, uta U Bakhuid u jong U Blei.” 35U Jisu te u la sneng ïa u, U da ong, “Wat jam me, to mih noh ruh na u.” Kumta haba uta u ksuid u la pynkyllon ïa u hapdeng, u la mih noh na u, um shym da pynsniew ei ei ruh em ïa u. 36La jia te ka jingsngewlyngngoh ha ki baroh; ki la ïakren lem ruh paralok hi, ki da ong, “Kaba kumno kane ka ktien? naba da ka hukum bad da ka bor, U hukum ïa ki mynsiem bymkhuid, ki ruh ki mih noh!” 37#Luk. 4:14; 5:15; Mat. 9:26.Ka jingbna te shaphang jong U ka la leit sha man ka jaka jong kata ka ri kylleng sawdong.

U Jisu u pynkhiah shibun kiwei pat ki bapang

(Mat. 8:14-17; Mrk. 1:29-34)

38 # Mat. 8:14-17; Mrk. 1:29-34. Ynda U la ïeng noh na kata ka synagog, U la leit rung hapoh ka ïing u Simon. Te ka khieshoh kaba jur eh ka la ngat ha ka syngken kurim u Simon; bad ki la kyrpad ïa U na ka bynta jong ka. 39Te haba U la ïeng najan jong ka, U la sneng ïa kata ka khieshoh, te ka la iehnoh ïa ka; bad kumne kumne ruh ka la ïeng bad ka la shakri ïa ki.

40Te haba la sep ka sngi, baroh kat kiba don ki bapang da ki bun jaid ki jingpang, ki la wallam ïa ki ha u; te u la buh ïa la ki kti halor uwei pa uwei na ki, bad u la pynkhiah ïa ki. 41Ki ksuid ruh de ki la mih noh na kiba bun, ki da pyrta jam, ki da ong ruh, “Me long U Khrist U Khun U Blei.” Hynrei, haba u la sneng ïa ki, um shah ïa ki ban kren, naba ki la tip ba u long U Khrist.

U Jisu u leit ban ïalap

(Mrk. 1:35-39)

42 # Mrk. 1:35-38. Te ynda la mih ka sngi, u la mih noh bad u la leit noh sha ka jaka kynjah ka ri khlaw; bad kita ki paidbah ki la wad ïa u, bad ki la wan poi haduh ha u, bad kin jin da la bat ïa u, ba un ym leit noh na ki. 43Hynrei, u la ong ha ki, “Ka dei ïa nga ban ïalap ïa ka gospel ka hima U Blei ha kiwei pat ki shnong ruh, namar ïa kane khnang la phah ïa nga.” 44#Mat. 4:23; Mrk. 1:39; Mat. 9:35.Kumta, u la ïalap ha ki synagog ki jong ka Galilaïa.

Currently Selected:

LOUKAS 4: KHB

Highlight

Copy