Popular Bible Verses from LOUKAS 6

Share

to ai, te yn sa ai ha phi ruh; ïa ka jingthew ka babha, ba la tynñian bad ba la kyr-ih, bad ba la shlei de, kin thep ha ka pla jong phi; naba da kajuh ka jingthew da kaba phi thew, yn thew pat ha phi.”

U briew u babha u sei ïa ka babha na ka jingkynshew ka babha ka dohnud jong u: u briew uba bymman ruh u sei ïa ka bymman na ka jingkynshew kaba bymman ka dohnud jong u; naba na ka jingshlei ka dohnud, ka shyntur jong u ka kren.

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

To long phi kiba isynei, kumba U Kpa jong phi ruh U long uba isynei.”

“Wat bishar ruh, te yn ym bishar ïa phi; wat pynrem, te yn ym pynrem ïa phi; to map noh, te yn map ïa phi

“Hynrei, nga ong ha phi kiba sngew: To ieit ïa ki nongshun jong phi; to leh bha ïa kita kiba bishni ïa phi; to kyrkhu ïa kita kiba tim ïa phi; duwai ruh na ka bynta kita kiba leh sniew ïa phi.

Kumba phi mon ruh ba ki briew kin leh ïa phi, to leh ma phi ruh kumjuh ïa ki.

Ha uta uba thab ïa me ha kawei ka ngab, to pynshah sa kata kawei ruh; bad ha uta uba shim noh ïa ka jaiñkup jong me, wat khang ïa ka sopti ruh. To ai ruh ha u briew baroh uba ïapan na me; bad na uta uba shim noh ïa kiei kiei ruh ki jong me, wat pan pat ïa ki.

“Namar ym ju don u dieng babha uba sei ki soh bymman; lymne u dieng bymman uba sei ki soh babha.

Namar ïa u dieng baroh yn ithuh na u soh jong u hi; naba kim ju kheit ïa ki soh Dumbur na ki dieng shiah, lymne kim kheit ïa u soh Waiñ na ka 'law lynnong dieng shiah.