KOLOSSAI 2

1Namar nga kwah ba phin tip katno ka jingïaleh nga don na ka bynta jong phi, bad na ka bynta kiba ha Laodikaïa, bad na ka bynta kita baroh ki bym shym la ïohi ïa ka khmat jong nga ha ka doh; 2ba yn ïoh pyntngen ïa ki dohnud jong ki, haba la pynïasoh lang ïa ki ha ka jingïa-ieit, bad ha ka jingkynrei spah baroh jong ka jingsngewskhem ba-dap biang jong ka jingshemphang, ba kin ïoh tip ïa ka jingmaïan jong U Blei, kaba long U Khrist; 3#Isa. 45:3.ha uba la buhrieh ïa ki jingkynshew baroh jong ka jingstad bad ka jingtip. 4Ïa kane nga ong keiñ, ba uno uno ruh un ym ïoh shukor ïa phi da ka jingkren pnah. 5Namar la ngam don ha khmat ha ka doh, pynban, nga don lem bad phi ha ka mynsiem, nga da kmen haba khmih ïa ki jingleh ryntih jong phi, bad ïa ka jingskhem ka jingngeit jong phi ha U Khrist.

Ka jingdap ka jingim ha U Khrist

6Namar kata, kumba phi la pdiang ïa U Khrist Jisu uba U Trai, kumta, to ïaid ha u; 7ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.

8To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist. 9Naba ha u, kata ka jingdap baroh jong ka Jinglong Blei ka shong tylli. 10#Eph. 1:21-22.Bad ha u, la pyndap ïa phi, uba long U Khlieh ka jingsynshar bad ka bor baroh: 11ha uba la otsher ïa phi ruh da ka jingotsher bym shym la thaw da ki kti, da kaba loit noh ïa ka met ka doh, ha ka jingotsher U Khrist; 12#Rom. 6:4.haba la btep lem bad u ha kata ka jingbaptis, ha kaba la pynmih lem ïa phi ruh bad u da ka jingngeit ha ka jingtrei U Blei, uba la pynmih pat ïa u na ki baïap. 13#Eph. 2:1-5.Bad ïa phi keiñ, kiba la ïap noh ha ki jingryngkang bad ha ka jingbym-otsher ka doh jong phi, ïa phi, nga ong, u la pynlong im lem bad u, haba la map noh ïa ngi ïa ki jingryngkang jong ngi baroh; 14#Eph. 2:15.haba la lah pyndam noh ïa ka kot jingkular ba la thoh ha ki niam ki rukom kaba la ïaleh pyrshah ïa ngi, kaba la long pyrshah ïa ngi, bad u la weng noh ruh ïa ka, u da sahnar ïa ka ha ka diengphna; 15#Eph. 1:21.bad haba u la lah law noh na lade ïa ki jingsynshar bad ïa ki bor, u la thad rong ïa ki ha kaba paw, u da risa halor jong ki ha ka.

16 # Rom. 14:1-12. Namar kata, wat ai ba uno uno ruh un bishar ïa phi ha kaba bam lane kaba dih, lane shaphang ka sngi jingkhawai, lane u 'nai thymmai, lane ka sngi Sabbaton; 17#Eph. 1:23.kiba long ka syrngiew ïa kiei kiei ki ban sa wan; hynrei, ka met ka long ka jong U Khrist. 18To wat shah ïano ïano ruh ban knieh ïa ka jingïathong jong phi da ka jinglehrit bad kaba mane ïa ki angel katba mon, da kaba ïeng ha kita kiei kiei ruh ïa kiba u la ïohi, ba la pynmeng kai da kata ka jingmut ka doh jong u, 19#Eph. 1:22; 4:16.bad u bymbat skhem ïa uta U Khlieh, na uba kata ka met baroh, haba ïaipyndap ïa ka bad haba pynïasoh lang ïa ka da ki mat bad ki jingpynïadait, ka nang roi da ka jingroi jong U Blei.

Kaba ïap bad kaba im ha U Khrist

20 # Gal. 4:3. Lada phi la ïap noh lem bad U Khrist na kita ki jinghikai jong ka pyrthei, balei, la kumba im ha ka pyrthei, phi shah ïa lade ha ki niam ki rukom, 21(“Wat ktah; wat mad; wat tba”; 22#Isa. 29:13; Mrk. 7:7.kiba kum kita, kin jot noh ha kaba pyndonkam), katba kum ki adong bad ki jinghikai ki briew? 23Kiba kum kita, ki don shisha ka jingthawnang stad ha kaba mane katba mon, bad ha ka jingsngewrit, bad ha kaba pynshitom ïa ka met; hynrei, kim long ei ei ha kaba ïaleh ïa ka jingpynsngewbha ka doh.

Currently Selected:

KOLOSSAI 2: KHB

Highlight

Copy