Popular Bible Verses from KOLOSSAI 2

Share

Namar kata, kumba phi la pdiang ïa U Khrist Jisu uba U Trai, kumta, to ïaid ha u; ba la pynsuh thied ïa phi bad ba la ïaitei ïa phi ha u, bad ba la pynneh skhem ïa phi ha ka jingngeit, kumba la hikai ïa phi keiñ, phi da roi kyrhai ha ka, da ka jingainguh.

To sumar phi, ïoh ban don uno uno uba rong lute ïa phi da la ka jingstad pyrthei bad da ka jingshukor bathala, katba kum ka rukom pateng jong ki briew, katba kum ki jinghikai jong ka pyrthei, te ym katba kum U Khrist.

Bad ïa phi keiñ, kiba la ïap noh ha ki jingryngkang bad ha ka jingbym-otsher ka doh jong phi, ïa phi, nga ong, u la pynlong im lem bad u, haba la map noh ïa ngi ïa ki jingryngkang jong ngi baroh; haba la lah pyndam noh ïa ka kot jingkular ba la thoh ha ki niam ki rukom kaba la ïaleh pyrshah ïa ngi, kaba la long pyrshah ïa ngi, bad u la weng noh ruh ïa ka, u da sahnar ïa ka ha ka diengphna

Naba ha u, kata ka jingdap baroh jong ka Jinglong Blei ka shong tylli. Bad ha u, la pyndap ïa phi, uba long U Khlieh ka jingsynshar bad ka bor baroh

Namar kata, wat ai ba uno uno ruh un bishar ïa phi ha kaba bam lane kaba dih, lane shaphang ka sngi jingkhawai, lane u 'nai thymmai, lane ka sngi Sabbaton; kiba long ka syrngiew ïa kiei kiei ki ban sa wan; hynrei, ka met ka long ka jong U Khrist.