Popular Bible Verses from KOLOSSAI 3

Share

da kaba ïaishah paralok, bad da kaba ïamap paralok, lada uno uno u don ka jingmudui ïano ïano; kumba U Trai u la map ïa phi, kumta ruh, to leh ma phi

To phin mut brai ïa kita kiei kiei ruh kiba haneng, ym ïa kita kiei kiei ruh kiba ha ka khyndew.

Kat kaba phin leh, to trei naduh ka mynsiem, kumba ha U Trai, bad ym ha ki briew

Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem

Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei. Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

bad nalor kine kiei kiei baroh, to phin kup ïa ka jingïa-ieit, kaba long ka panpoh jong ka jingpynjanai.

Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei.

Bad to ai ba ka jingsuk U Khrist kan synshar ha ki dohnud jong phi, sha kaba la khot ruh ïa phi ha kawei ka met; bad to long phi kiba sngewnguh.

Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw

Namar phi la ïap noh, bad ïa ka jingim jong phi la buhrieh lem bad U Khrist ha U Blei.

Hynrei, mynta, to phin bred noh ruh ïa kine baroh; ka jingbitar, ka jingbitar shla, ka jingbishni, ka jingkrenbeiñ, ka jingkren sih, na ka shyntur jong phi.

To wat ïalamler paralok, haba phi la loit noh ïa u briew batymmen bad ïa ki jingleh jong u, bad phi la kup ïa u briew bathymmai, ïa uba la dang pynlong thymmai ha ka jingtip katba kum ka dur jong uta uba la thaw ïa u

Ko ki shynrang, to ieit ïa la ki tnga, bad wat long kiba bitar ïa ki.

Ko ki khun, to kohnguh ïa la ki kmie ki kpa ha kiei kiei baroh, namar kane ka long kaba pynsngewbha eh ïa U Trai.

Ko ki kynthei, to pynhapoh ïa lade ha ki tnga jong phi, kumba dei keiñ ha U Trai.