KOLOSSAI 3

1 # Salm. 110:1. Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei. 2To phin mut brai ïa kita kiei kiei ruh kiba haneng, ym ïa kita kiei kiei ruh kiba ha ka khyndew. 3Namar phi la ïap noh, bad ïa ka jingim jong phi la buhrieh lem bad U Khrist ha U Blei. 4Ynda la paw U Khrist, uba ka jingim jong ngi, ynda kumta, phi ruh, phin paw lem bad u ha ka burom.

Ka jingim ka bamynnor bad ka bathymmai

5Namar kata, to phin pynïap troiñ ïa ki dkhot jong phi kiba ha ka khyndew; kaba klim, ka jingbymkhuid, ka jingïaid shikar, ka jingkwah basniew, bad ka jingkwah lalot, kaba long ka jingmane bleithaw; 6na ka bynta kine kiei kiei ruh, ka jingbitar U Blei ka wan ha kita ki khun ka jingbymkohnguh; 7ha kiba ma phi ruh, phi la ju ïaid mynno mynno, mynba phi la im ha kine kiei kiei ruh. 8Hynrei, mynta, to phin bred noh ruh ïa kine baroh; ka jingbitar, ka jingbitar shla, ka jingbishni, ka jingkrenbeiñ, ka jingkren sih, na ka shyntur jong phi. 9#Eph. 4:22.To wat ïalamler paralok, haba phi la loit noh ïa u briew batymmen bad ïa ki jingleh jong u, 10#Jen. 1:26; Eph. 4:24.bad phi la kup ïa u briew bathymmai, ïa uba la dang pynlong thymmai ha ka jingtip katba kum ka dur jong uta uba la thaw ïa u: 11ha kaba ym lah long u Grik bad u Jiw, ka jingotsher bad ka jingbym-otsher, u nongkyndong, u kynja Skuthia, u mraw, uba laitluid: hynrei, U Khrist u long baroh, bad ha baroh.

12 # Eph. 4:2. Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem; 13#Eph. 4:32.da kaba ïaishah paralok, bad da kaba ïamap paralok, lada uno uno u don ka jingmudui ïano ïano; kumba U Trai u la map ïa phi, kumta ruh, to leh ma phi; 14bad nalor kine kiei kiei baroh, to phin kup ïa ka jingïa-ieit, kaba long ka panpoh jong ka jingpynjanai. 15Bad to ai ba ka jingsuk U Khrist kan synshar ha ki dohnud jong phi, sha kaba la khot ruh ïa phi ha kawei ka met; bad to long phi kiba sngewnguh. 16#Eph. 5:19,20.Ai ba ka ktien U Khrist kan shong kyrhai hapoh jong phi ha ka jingstad baroh; da kaba hikai bad da kaba ïasneng paralok ha ki salm, ha ki jingrwai bad ha ki jingkynud bakynja mynsiem, da kaba rwai da ka jingaiei ha ki dohnud jong phi sha U Blei. 17Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

Ka jingïadei ha ka jingim ka bathymmai

18 # Eph. 5:22—6:9; 1 Pet. 3:1. Ko ki kynthei, to pynhapoh ïa lade ha ki tnga jong phi, kumba dei keiñ ha U Trai. 19#Eph. 5:25; 1 Pet. 3:7.Ko ki shynrang, to ieit ïa la ki tnga, bad wat long kiba bitar ïa ki. 20#Eph. 6:1.Ko ki khun, to kohnguh ïa la ki kmie ki kpa ha kiei kiei baroh, namar kane ka long kaba pynsngewbha eh ïa U Trai. 21#Eph. 6:4.Ko ki kpa, to wat pynbitar ïa ki khun jong phi, ïoh ba ki thut. 22#Eph. 6:5-8.Ki shakri, to kohnguh ha kiei kiei baroh ïa la ki kynrad katba kum ka doh; ym da kaba shakri ha khmat kum kiba pynsngewbha ïa ki briew, hynrei, ha kaba shi syrtap ka dohnud, da kaba sheptieng ïa U Trai. 23#Rom. 12:11.Kat kaba phin leh, to trei naduh ka mynsiem, kumba ha U Trai, bad ym ha ki briew; 24haba phi tip ba na U Trai phin ïoh pdiang ïa ka bainong jong kata ka bynta: naba phi shakri ïa U Khrist uba U Trai. 25#Deu. 10:17; Eph. 6:9.Namar uta uba leh bymdei, un pdiang pat na ka bynta kata ka bymdei kaba u la leh; bad ym don ka jingñiew shiliang khmat.

Currently Selected:

KOLOSSAI 3: KHB

Highlight

Copy