KOLOSSAI 1

Ka jingkhublei

1U Paul u apostol U Khrist Jisu da ka mon U Blei, bad u Timothi u parabangeit jong ngi,

2 # Rom. 1:7. Ha ki riewkhuid bad ki para kiba ngeit skhem ha U Khrist, ha Kolossai:

Ka jingaiei ha phi bad ka jingsuk na U Blei uba U Kpa jong ngi.

Ka jingduwai ainguh

3 # Eph. 1:16. Ngi ainguh ïa U Blei U Kpa jong U Jisu Khrist uba U Trai jong ngi, da kaba duwai ha la ka sngi na ka bynta jong phi, 4haba ngi la ïohsngew shaphang ka jingngeit jong phi ha U Khrist Jisu, bad shaphang ka jingieit kaba phi don sha ki riewkhuid baroh, 5namar kata ka jingkyrmen ïa kaba la buh na ka bynta jong phi ha ki bneng, ïa kaba phi la lah ïohsngew mynshuwa ha ka ktien ka jingshisha jong ka gospel; 6kaba la wan sha phi, kumba ka long ruh ha ka pyrthei baroh, kaba sei soh bad kaba nang roi, kumba ha phi ruh, naduh kata ka sngi ba phi la ïohsngew bad phi la ithuh ïa ka jingaiei U Blei ha ka jingshisha; 7#Kol. 4:12; Phlm. 1:23.kumba phi la ïoh hikai na u Epaphras u para shakri ba-ieit jong ngi, uba long u nongïalap baïaineh jong U Khrist na ka bynta jong phi; 8uba la ïathuh ruh ha ngi ïa ka jingieit jong phi ha U Mynsiem.

9 # Eph. 1:15-17. Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh, 10ba phin ïaid kum ba dei biang ïa U Trai, ïa ka ban pynsngewbha baroh, da kaba sei soh ha ka jingleh babha baroh, bad da kaba nang roi ha ka jingtip ïa U Blei; 11ba la pynkhlaiñ da ka bor baroh, katba kum kata ka bor ka burom jong u, sha ka jingïaishah bad ka jingshahslem baroh lem bad ka jingkmen; 12da kaba ainguh ha U Kpa, uba la pynbit ïa ngi ban long ki nongïoh bynta na kata ka bynta jong ki riewkhuid ha ka jingshai; 13#Eph. 1:21; 2:2.uba la pyllait ïa ngi na ka bor jong ka jingdum, bad uba la pynkynriah noh ïa ngi sha ka hima jong U Khun ka jingieit jong u; 14#Eph. 1:7.ha uba ngi ïoh ïa ka jingsiewspah jong ngi, ka jingmap keiñ ïa ki pop jong ngi.

Ka jinglong Blei bad ka jingpynim U Khrist

15 # 2 Kor. 4:4. Uba long ka dur U Blei u bym lah ïohi, uba la kha nyngkong na ka jingthaw baroh; 16naba ha u la thaw ïa kiei kiei baroh, ha ki bneng bad ha ka khyndew, kiei kiei kiba lah ban ïohi bad kiei kiei ki bym lah ban ïohi, la ki khet lane ki hima lane ki jingsynshar lane ki bor; ïa kiei kiei baroh keiñ la thaw da u, bad ïa u; 17#Pro. 8:22-31.bad u long mynshuwa kiei kiei baroh, bad ha u kiei kiei baroh ki ïaneh lang. 18#Eph. 1:22,23; 4:15.Bad u long U Khlieh jong ka met, kaba long ka balang; uba long ka jingsdang, uba la kha nyngkong na ki baïap; ba un ïoh long uba halor ha kiei kiei baroh. 19Naba U Kpa u la sngewbha eh ba ka jingdap baroh kan shong tylli ha u; 20#Eph. 2:16.bad da u ban pynïasuk noh ïa kiei kiei baroh ha lade hi, haba la lah pynlong ïa ka jingpynïasuk da ka snam ka diengphna jong u; da u, nga ong, la kiei kiei kiba ha ka khyndew, lane kiei kiei kiba ha ki bneng.

21Bad ïa phi, kiba la long mynno mynno ruh ki khun sohsyiem bad ki nongshun ha la ki jingmut ha ki kam basniew jong phi, hynrei, mynta, u la pynïasuk noh 22ha ka met ka doh jong u da ka jingïap, ïa ka ban pynïeng ïa phi ki bakhuid bad kiba khlem pop bad kiba khlem jingduna ha khmat jong u; 23lada shisha phi ïaisah ha ka jingngeit, ïa kiba la pynshong nongrim bad kiba neh skhem, bad ki bymkhih noh na kata ka jingkyrmen ka gospel ïa kaba phi la ïohsngew, ïa kaba la ïalap ha u bynriew baroh uba hapoh ka bneng; ïa kaba la pynlong nongïalap ïa nga u Paul.

Ka jingshakri u Paul ïa ka Balang

24Mynta, nga kmen ha ki jingshah jong nga na ka bynta jong phi, bad nga, ha lade hi, nga pyndap ha ka doh jong nga ïa kita kiei kiei kiba dang sah na ki jingshahshitom U Khrist na ka bynta ka met jong u, kaba long ka balang: 25#Eph. 3:2.ïa kata la pynlong nongïalap ïa nga, katba kum ka jingpynïaid niam jong U Blei ïa kaba la aiti ha nga shaphang jong phi, ban pyndep ïa ka ktien U Blei; 26#Eph. 3:9.ïa kata ka jingmaïan keiñ, ïa kaba la buhrieh na kita ki aïom bad na ki pateng bynriew baroh, hynrei, mynta, la pynpaw ïa ka ha ki riewkhuid jong u: 27ha kiba U Blei u la imon ban pyntip katno ka long kata ka jingkynrei spah ka burom kane ka jingmaïan hapdeng ki Jentil; kaba long keiñ U Khrist ha phi, ka jingkyrmen ka burom; 28ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu; 29sha kaba nga trei minot ruh, da kaba pyneh katba kum kata ka jingtrei jong u, kaba trei borbah ha nga.

Currently Selected:

KOLOSSAI 1: KHB

Highlight

Copy