Luke 12

Tekeni-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.

1Onen are akȣa iah tetsiotiatohests tsini iotiokȣatsanit ȣahonȣaiatorenne, ȣasakaȣenhase ne raotiokȣa: Seȣanikonrarak tosa Seȣarann ne Pharisian rahonattenkȣatha neh nʼakȣa aoskon neok ne iontkonȣaroroksta.

2Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.

3Nese ȣaonni, tsinikon asatakon entiseȣaȣenninekenhon akȣekon kasȣathetserakon entsiseȣarȣaronke; nok tsiniioriȣake notasetonke tenshetsiaonni kanonsakenhiastson enskarihoȣanaton.

4Nok ise onkȣatenro kȣarori: tosa othenon seȣatsanisek tsinahoten iohrios noieronta nok iah senha teiokȣeniatseraien nʼihsinonȣe tsi nakaiere.

5Enkȣarori ki tanon tsinahoten aeseȣastsaniseke: neh seȣatsanisek tsinahoten iakorios, nok onakenke Onesson iaiakoiatonti; neh tohiken seȣatsanisek.

6Iah kenhnaha tekeni kȣenis tiiatekenes ne ȣisk nikatsitenserake? nok sane iah oni nenskat teshakoiatanikonrhens ne Niio.

7Ieiohe akȣekon ȣasheton tsinikon seȣanonkȣiserote, Tosa kati seȣateronn senhase ise seȣaiatanoron tsiniiot notsitenhokonha.

8Kȣarori nonȣa, Onkakiok enhakeriȣanirastse nonkȣene, enshoriȣanirastse ki nonkȣe Roienha nonen ienraȣe tsi tkentiokȣaien ne Niio Raoronhiakeronon okon.

9Oni nenhakatonnhiiase nonkȣene, enshonȣatonnhiiase oni ne raonha rahotihenton ne Niio Raoronhiakeronon okon.

10Onkakiok enhokenrenseronni nonkȣe Roienha, enȣaton nenshonȣanikonrhense; kenhkaien nenhonȣasennaiesate ne Ronikonriioston iah nehne nonȣenton tihiahonsaonȣanikonrhense.

11Nok nonen enhietsiiatenhaȣison tsi ronterennaientakȣanionkȣa, tehatiiatorethake, Ratikoranesson, tosa seȣateronn, oni aeseȣatennikonrisake nahoten aeseȣenron.

12Aseken Ronikonratokenti hentsitsion tsinahoten enseȣenron neh nenkahaȣi.

13Saiatat kanenrakon tahatati, ȣahenron: Seȣenniio! hestsrori rikenha teiakeniiak tsini ionkeni hien.

14Iesos tontahoȣennaȣeron, ȣahenron; Onka ionkeriȣaȣi ne takeniiatoretase, ok ne ens ne takenikhasiase?

15Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

16Nok ȣatesakoriȣakentonkȣen, ȣahenron: Saiatat naha ne rokȣatsekoȣa ȣahotonnien.

17Ratonhakȣe ne raonikonrakon: oh naha nenkiere? iah teȣakenaktaien kahnonȣe nakateȣeienton tsinikon enȣakatonnisahase.

18Khare onen ȣahaterientatsenri, nok ȣahenron: kenh kinaha nakiere, enskenonsarisionko tsi kientakȣa, nok kanonsoȣanen nenskenonsonni, nok akȣekon eh enkionte tsinikon enkienttoko.

19Nok entkenhase nakatonnhests: Akatonnhests, onen ȣahi eso ioserake tsinikon satateroroki; Satorissen kati onen, tesastskaon, snekira, satekkonni tanonnonȣa onen.

20Nok ne Niio raton nehne: sentent iah tesanikonrat! Onȣa kenh ȣasontate entsiesariȣanontonse ne Satonnhests; onka enȣastste tsinikon saroron?

21Etho nenhoiataȣen ne raonhaa tihatateroroki, nok iah tehokȣastse tsinonkati ne Niio.

22Ethone ȣasakaȣenhase ne raotiokȣa: Neh ȣaonni ȣakȣarori: ne tosa taeseȣatatenikonrharen ne tsionnhekȣen, nahoten aeseȣake, oni aeseȣatseronniate.

23Aseken atonnhests senha kanoron tsiniiot natennatsera; nok oieronta tsiniiot ne ȣatseron niatta.

24Teseȣaiatoret tsini kontiierha ne tsiokaȣe: iah tekontiienthos iah oni tekontiienthokȣas, iah oni teiotinonsoton, nok sane akȣekon sakohnontens ne Niio: toh onte senha isih nonȣe niseȣaiatanoron tsiniiot notsiten hokonha.

25Onka oni tsinitsion nehne niiateshatastsnie ahakȣeni skaiosa nahatatneniestste?

26Toka nonȣa iah teseȣakȣenion neok neh kenh niioriȣasa, nahoten kati seȣaststeristakȣa notiakesson?

27Teseȣaiatoret tsi niiot tsi katsitsiararaks nohontesonha, iah othenon teiotiiote; nok sane kȣarori, tsi iah tihiehero ne Salomon rahoiatanerakȣatserakon eh nahokȣennianerakȣaton tsiniiot nononha.

28Tokat nonȣa eh niiore tsi tehasnie ne Niio nonhontessonha, nonȣa kenh iohniote, nok enhiorhenne enkaiakon ihsi ienȣation; ise kati onteken akȣa iataiseȣaiatanikonrhen, seȣanikonrasto.

29Tosa kati saseȣatonhek: nahoten enhiakȣake? nahoten oni enhiakȣanekira? tosa teseȣanikonranetak.

30Aseken neh nonȣentsiakekha ok teiekanere iakesaks neh nahotenson; roterientare se ne Etsiseȣaniha tsi nahoten teseȣatonȣentsioni.

31Neh tanon taseȣatierent seȣesak ne Niio raonakerasera, nok ne kenh iohaȣiton akȣekon nehne ok tatentetsiseȣaȣentastse.

32Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

33Seȣatenninon, tsini seȣaien, nok ietsitenrat; seȣatȣistonni nonȣa ne iah teȣakaions; Karonhiakekha astsokoȣastsera, tsinonȣe ne iah kenh tiiahatiiere ne sakonasetha, iah oni notsinonȣa takontitaksate.

34Aseken tsinonȣe nikaien ne seȣastsokoȣatsera, eh ki oni ienkaientake ne seȣeri.

35Seȣatiatannhenhak, nok iotekhak ne seȣahaserenhaȣe.

36Ietsinakeren tsiniiot ne ronȣarhare ne Ronȣaianer tahontare rotekkȣaranon, natahatiierekenha nok saok aonsaonȣannhotonkȣas kaȣenniio tenthannhohaiake.

37Ronataskat neh nihatinnhatseroten, ronȣarhare ne Ronȣaianer nonen ensraȣe! Oriȣiio tsi kȣarori, akȣa neok nenshatiatannhake nok enshakohnonte, raonha oni enshakokkȣaerhase.

38Oriȣiio tsi ronataskat neh nikannhatseroten, tsi ki ok niȣatasontine ensraȣe tiotkon ki karhare, ronatieȣate oni!

39Seȣatorientare ȣahi, nonka kiok aontahoterientarake tsiniioȣistahe enhonȣanonsorenne ne sakohnasetta: Oriȣiio ȣahi tsi enhatieȣaten nok enhaskennha tsini ohien.

40Eh kati oni nise naseȣaier, seȣatateȣeionnentaonhak: aseken tsinonȣe ne iah tenseȣarhareke eh nonȣe nenraȣe nʼOnkȣe Roienha.

41Tier tahatati, ȣahenron: Saianer! ii ok kenh ionkȣenton kehiken nikaȣennoten, katen Onkȣetakȣekon iakohton?

42Tontahenron ne Roianer: Onka neh ne ronkȣe ne Roianer ahorihontake asakoststeriste ne kannhatsera, asakokariakse oni tsi natehonatenstson.

43Rotaskat neh nikannhatseroten, roiotatie ne raoiotensera nonen ensraȣe ne Roianer!

44Oriȣiio tsi kȣarori: tsi enhorihonten ahaststeriste tsini hoien.

45Nok tanon tokat nonȣa netho kannhatsera enhenron, ne rahonikonrakon: Iah se naha iosnore tatahontare ne Roianer: nok enthatatasaȣen enshakosokȣaȣesson asakokenrenseronni oni ne ratinnhatsera, oni kontinnhatsera, nok ne raonha, ahanekira, tahastskaon, nok ahatatenonȣaratonte.

46Tohiken nikannhatseroten Raoianer eh nonȣe natentre tsi nonȣe niah tenhorhareke iah oni tehoterientare tsini ioȣistahe; Ehren enhoiatenhaȣite, nok enhaon tsinatehotenstson, iatenssakoieste ne iah teiakoriȣateken.

47Nok kenh kaien ne rannhatsera ronikonraienterhaon ne Raoianer, nok iah tehotaiaskennhaon nahonikonraieriton, isinonȣe tsi nenhonȣanonȣareke.

48Kenh kaien ne iah tohonikonraienteri, tanon neh kenh niiehoieren tsinahoten ne teiotenstson nahonȣareȣate, karoki tanon nehne tsi nenhonȣanonȣareke: Aseken onka eso enhonȣaȣi, esoki enshonȣariȣanontonse: oni nisinonȣe tsi nenhonȣatakȣennia ienni ihsiki nonȣe nenshonȣariȣanontonse.

49Otsire kkaȣi tsi ȣako nonȣentsiake; oh kati nahoten aonsakeriȣanontontake, tokat nonȣa onen iotekha?

50Enskat naha oni tsi enkatenekȣaheste; nok neh tekaterientakariatta oksa iakaef!

51Iseȣere oni ken naha neh kenh kkaȣi ne skennen tsi ȣako nonȣentsiake? ȣakȣarori, tsi iah; neh tanon ne taiakokhasionko.

52Aseken onen enȣatasaȣen ȣisk nenhatihake skaȣatsira, asen nenthontenroȣe, nok ne teniiase neok nehne nenthiatenroȣe.

53Roniha enhoteȣentete ne roienha nok ne roienha enhoteȣentete ne roniha; Onistenha enhioteȣentete nakoienha, nok nakoienha Onistenha. Ok neh sahkat ne tiatastsafa.

54Sakaȣennihakȣe oni nonkȣeokon: Ne ens ne ȣeseȣatkatho taiostsataketote tsi iateȣastsotos, ȣeseȣenronsens: iokennoresere; etho ens oni nahaȣenne.

55Nok nenseȣattoke Entie nontakaȣerenhaȣe, oksaok enseȣenron: ȣatarihatane, eh ens oni nehne nahaȣenne.

56Teseȣanonȣaraȣenrie, akȣa kenh nehnehe ieseȣaienteres tsinahoten kenton tsini iaȣens tsi tkaronhiate oni tsi ionȣentsiate; nok iah kenh nehne taeseȣakȣeni niaeseȣaienterene ne kenh nonȣa nonȣe niiokȣenrare?

57Oh oni nahoten ahoriȣa tsi iah teseȣariȣaienteres ne tsionhake tsinitkariȣaieri?

58Saskennha nʼohahakesson aonseseniriȣaseronni nateseniriȣakennhasere; ne tosa taiesaiatorete aiesariȣente oni, nok aontaiesannhoton.

59Oriȣiio tsi konrori tsi iah tataontasiakenne neh nonȣe tsiok enskarokten.

Currently Selected:

Luke 12: MHK

Highlight

Copy

Want to have your highlights saved across all your devices? Sign up or sign in

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).

Learn More About Ohiatonhseratokénti