Luke 13
13
Asenh-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1ETHONE oni otiake netho ionkȣene, oriȣakȣekon sahonȣarihoktase tsini hotiiataȣenhon ne Galileanronon nehne Pilat sakoȣenthon nok ronationkȣaronniatakȣen ne rahotinekȣensa.
2Iesos tontasakoȣennaȣeron, ȣahenron: Iseȣere katiken senha ne rotiriȣaneraakskonne neh nahonȣatiierase tsiniiot notiake Galileanronon?
3Iah eh teiot; nok tanon kȣarori, ne iah tentsieȣatatreȣatane ehse oni nise nenseȣahiataȣen.
4Tokaʼsʼoni nehne iseȣere ne satekon iaȣenre niionkȣetake teiakoiatorarakon oni ronaȣentaon sakanikatienenne ne Siloe, senha teiakotenstson nasakoreȣate ne Raȣenniio tsiniiot notiake ne Jerusalem-ronon?
5Iah oni neneh; nok tanon ne iah tentsiseȣatatreȣatane ehse oni nise nenseȣaiataȣen.
6Kenh oni nahaiere tsi ȣatesakoriȣakentonkȣen: Saiatat ne ronkȣe ȣisonkoȣa rotkȣirote raotehenrakon, khare onen rahisakhe nok iah othenon tehotsenrion.
7Nok ȣahaȣenhase ne ratsitsiaienthos: onen neh asenniioserake sitkahisakhes kehiken iokȣirote, nok iah othenon teketsenries: itsiak kati; nahoten ahoriȣa ok seȣatieren tiiotonȣentsiatieronkȣen?
8Nok ne ratsitsiaienthos tontahoȣennaȣeron, ȣahenron: Saianer, ioniotak niha sekon nonȣa ioseratatie, niare enkterotasionko nok enȣakitonti.
9Tokat nonȣa enȣaianiionten ioniotak ki; tokat iah ethone ki enkaiakon.
10Enskat oni aȣentatokentike ononsatokentike sakotatihakȣe.
11Etho ȣahaken tsiothonȣisen nonen satekon iaȣenre niioserake siiotienni notkon, onen oni iah teskakȣenies ehneken iaonsontkatho tsinateionoȣiiakon.
12Iesos iahennonke nok ȣahenron: kien sahsieȣentane tsi sanonȣaktani.
13Iathonisnonsaerhase; sontiatakȣarisi oni sakaieȣentane, nok tehononȣeronnionskȣe ne Niio.
14Kenh kaien ne ratsihenstakȣeniio neh nonȣe niionterennaientakȣa oia nontahotierase tsi aȣentatokentike sahatetsiente ne Iesos, tahatati kati ȣahenron; Iaiak ȣahi nonta iotoriȣison naiakoioten; ethononȣe kati aonteseȣe naonsaietsitsiente nok tosa nʼaȣentatokentike.
15Nok ne Roianer tontahoȣennaȣeron, nok ȣahenron: Tesanonȣaraȣenrie! iah kenh teietsinerensions naȣentatokentike neseȣatsenenhoken naiestsinekanontenra?
16Iah kati tetkariȣaieri naȣentatokentike aonsakonȣanerensi enskat nʼAbraham sakoienha nonen satekon iaȣenre niioserake siioneren notkonseraksen.
17Neok ne tontahatinekȣentarenne neronȣariȣaiakskȣe; nok nonkȣeokon tehiontenonȣeratonnionskȣe tsi iontkattos nioriȣanerakȣatenion tsini haierhakȣe.
18Ratonhakȣe oni: Nahoten testiatieren ne Niio raonakerasera, oh onte oni nahoten taontakatenientenste?
19Akȣa neh testiatieren tsiniiot neronkȣe raotehenrakon ȣahaientho otsinekȣar nikanenhoten; ȣakanio, nok karonta iahonton, ieiohe ki notsitenhokonha ahonenrokon etho konstsinakonnianions.
20Nahoten taontakatenientenste ne Niio raonakerasera?
21Akȣa neh testiatieren tsiniiot ne ionttenkȣatta, ne tsiothonȣisen asen nikaksake ottesera ȣatkaieste, tsiniiore akȣa ienȣettenko.
22Tehoststekafenhatieskȣe tsi ionatakȣenraron, Sakorionniennihatie, nok Jerusalem ȣathahohienhenhatie.
23Saiatat ȣahoriȣanontonse ȣahenron: Seȣenniio! niiakonha kenh ne iontsennonniane Karonhiake.
24Tontahenron: seȣaskennha ne tsinonkati nikannhohaha aheseȣataȣeiatakȣe, aseken kȣarori, kentiokoȣanen enhionteniente nʼiaiontaȣeiate nok iah taiekȣeni.
25Nok nonen enshataȣeiate ne Ronȣaniha, enshannhoton oni, ok astste ienseȣenterontake, ethone entiseȣatasaȣen enȣeȣannhohaiake, enseȣatonheke, Seȣenniio! takȣannhotonkȣas, nok ne raonha enthenron iah othenon teȣakaterientare kah nitiseȣenon.
26Ethone oni onseȣenron tsiatakta teionkȣastskaon ionkȣanekiren oni, nok onkȣanatakon tsi tekanatokenhaton Sheiatatiskȣe.
27Tentetsiseȣenhase: katon ki ȣahi iah tekȣaienteri ehren saseȣet.
28Ethone onen tenseȣasenthoseron, tensoȣanokaraniehon oni tsi enhiestsiken; Abraham, Isaak, Jacob, oni ne Rotitokense okon raonakeraserakon ne Niio, nok nise astste entiestsiiatonti.
29Tsi iateȣastsothos, oni tsi Tkarakȣinekens, ottoreke nok Entie nentienseron nenhiontekkȣaren raonakeraserakon ne Niio.
30Ethone okon enhiontharatate ne iontatkenronnis, nok ehtake niienhentsien nʼiontatkonniensta.
31Ok neh sahennisera eh ȣaonneȣe Pharisian ȣahonniron: Ehren aonsasete aseken Herod ihrere aiario.
32Tontahenron: satsiseȣaroriana tohiken ratsistso: Sekon nisekheiatekȣatanions nonatkonseraksen, nok nonȣa tanon nenhiorhenne enkeȣeiennentane tsi skatetsentanions, nok nasen-aton nenȣata enkatorissen.
33Nese ȣaonni ȣakateriȣaienni ki nakatenti nonȣa oni nenhiorhenne, nok tsi ientsiorhenne: Iahse ȣahi taonton nakte nonȣe narenheie ne Rotokense neok ne Jerusalem Kanatakon.
34Jerusalem, Jerusalem ise ne sheiaȣenttos ne Rotitokense, nok shenenhioiaks ne tiesatennietenni! toh niioriȣake ȣakatenienten nakheiataroroke ne Seienhokonha, tsinikaierha ne kitkit tsi iakoiataroroks nakoienhokonha kaneraontsokon, nok iah tesathontaton.
35Nese ȣaonni ononsokon enȣaton tsi sanonsote; nok oriȣiio tsi ȣakonrori tsi iah taonsaskken, tsiniiore, ienkaheȣe nasiron: Ronȣasennaien ne Tare raosennakon ne Raȣenniio.
Currently Selected:
Luke 13: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
